https://arm.sputniknews.ru/20231001/brjuselum-marselum-ev-ajl-qaghaqnerum-hanrahavaqner-en-anckacvel-i-ajakcutjun-arcakhi-66736897.html

Բրյուսելում, Մարսելում և այլ քաղաքներում հանրահավաքներ են անցկացվել ի աջակցություն Արցախի

Բրյուսելում, Մարսելում և այլ քաղաքներում հանրահավաքներ են անցկացվել ի աջակցություն Արցախի

Sputnik Արմենիա

Ակցիայի անդամներն իրենց ձեռքերում պահում են «Ալիև, մարդասպան», «ԵՄ–ի անգործությունը հանգեցնում է ցեղասպանության» և այլ գրություններով պաստառներ։ 01.10.2023, Sputnik Արմենիա

2023-10-01T19:30+0400

2023-10-01T19:30+0400

2023-10-01T20:50+0400

հանրահավաք

ադրբեջանի ագրեսիան արցախի դեմ

արցախ

բրյուսել

կիպրոս

բողոքի ակցիա

https://cdn.am.sputniknews.ru/img/07e7/0a/01/66739047_0:377:961:917_1920x0_80_0_0_a0ba1f722cd0b916a14f62574a0fe424.jpg

ԵՐԵՎԱՆ, 1 հոկտեմբերի – Sputnik. Բրյուսելում, Մարսելում և այլ քաղաքներում համաեվրոպական հանրահավաքներ են անցկացվել։ Տեղեկությունը հայտնում է «Արմենպրեսը»։Նշվում է, որ Բրյուսելի Ռոբերտ Շումանի անվան հրապարակում ի զորակցություն Արցախի համաեվրոպական հանրահավաք է անցկացվել, որին մասնակցել է 10 հազարից ավելի մարդ։ Այդտեղ հավաքված են ոչ միայն Բելգիայից, այլև Գերմանիայից, Ֆրանսիայից և Նիդեռլանդներից ժամանած հայեր։«Եվրոպացիները հանուն Արցախի» նախաձեռնության կազմակերպած հանրահավաքը մեկնարկել է Հայաստանի և Արցախի օրհներգներով։Հանրահավաքի մասնակիցները մեղադրում են Եվրամիությանը և Եվրահանձնաժողովի ղեկավար Ուրսուլա ֆոն դեր Լայենին՝ Ալիեևի ռեժիմն անպատժելի թողնելու համար։ Ակցիայի անդամներն իրենց ձեռքերում պահում են «Ալիև, մարդասպան», «ԵՄ–ի անգործությունը հանգեցնում է ցեղասպանության» և այլ գրություններով պաստառներ։Բելգիայի Հայ կոմիտեի վեհաժողովի նախագահ Կարեն Թադևոսյանը նշել է, որ հանրահավաքին եկած յուրաքանչյուր անձ պատասխանատվություն է կրում, որ Արցախի 120 հազար հայերի ճակատագիրը չմատնվի անտերության։Ակցիայի մասնակիցները երդում են տվել պայքարել հանուն Արցախի և Հայաստանի։Մարսելում նույնպես համաեվրոպական հանրահավաք է եղել, բազմաթիվ հայեր են հավաքվել։ Նրանք ծածանել են Հայաստանի և Արցախի դրոշները, վանկարկել «Արցախ»` այդպիսով իրենց աջակցությունը ցույց տալով Արցախից բռնի տեղահանված իրենց հայրենակիցներին։Հիշեցնենք, որ համաեվրոպական այս հանրահավաքն անցկացվել է Եվրոպական քաղաքական համայնքի՝ հոկտեմբերի 5-ին կայանալիք 3-րդ գագաթնաժողովին ընդառաջ, որի շրջանակում նախատեսվում է Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հանդիպումը` Եվրոպական խորհրդի նախագահ Շառլ Միշելի, Ֆրանսիայի նախագահ Էմանուել Մակրոնի և Գերմանիայի կանցլեր Օլաֆ Շոլցի միջնորդությամբ։Այսօր ակցիաներ անցկացվում նաև Ավստրիայում, Շվեդիայում, Դանիայում, Բուլղարիայում, Հունաստանում, Կիպրոսում, Սլովակիայում, Գերմանիայում և Չեխիայում։Հիշեցնենք` Ադրբեջանը սեպտեմբերի 19–ին լայնամասշտաբ հարձակում սկսեց Արցախի դեմ։ Ադրբեջանական ագրեսիայի հետևանքով Արցախը մեկ օրում առնվազն 200 զոհ և ավելի քան 400 վիրավոր տվեց։Սեպտեմբերի 20–ին Արցախի իշխանությունն ընդունեց կրակի դադարեցման վերաբերյալ առաջարկությունը: Սեպտեմբերի 21–ին Սեփանակերտի ու Բաքվի ներկայացուցիչները հանդիպեցին Եվլախում, սեպտեմբերի 25–ին` Իվանյանում, սեպտեմբերի 29-ին` կրկին Եվլախում։ Սեպտեմբերի 24-ին սկսվեց արցախցիների բռնի տեղահանումը, նրանք զանգվածաբար լքում են իրենց բնակավայրերը և տեղափոխվում Հայաստան։Սեպտեմբերի 28–ին Արցախի նախագահ Սամվել Շահրամանյանը հրամանագիր ստորագրեց, ըստ որի` Արցախի Հանրապետությունը 2024 թվականի հունվարի 1-ից կդադարի գոյություն ունենալ։

https://arm.sputniknews.ru/20231001/arcakhic-brni-teghahanvatsneri-tivy-hasel-e-100-hazar-514i-66738178.html

բրյուսել

կիպրոս

2023

Լուրեր

am_HY

հանրահավաք, արցախ, բրյուսել, կիպրոս, բողոքի ակցիա