https://arm.sputniknews.ru/20230926/amn-bardzrastitshan-pashtvonjanery-gvorisum-en-handipum-en-teghahanvatsneri-het-66470467.html
ԱՄՆ բարձրաստիճան պաշտոնյաները Գորիսում են, հանդիպում են տեղահանվածների հետ
ԱՄՆ բարձրաստիճան պաշտոնյաները Գորիսում են, հանդիպում են տեղահանվածների հետ
Sputnik Արմենիա
Սյունիքի մարզպետը նշեց, որ Գորիս հասնող մարդկանցից շատերը պատկերացում չունեն, թե որտեղ են իրենց հարազատները, ուստի հրաժարվում են այստեղից մեկնել։ 26.09.2023, Sputnik Արմենիա
2023-09-26T11:26+0400
2023-09-26T11:26+0400
2023-09-26T11:40+0400
քրիստինա քվին
գորիս
յուրի քիմ
սամանտա փաուեր
ամն
արցախ
տեղահանված
https://cdn.am.sputniknews.ru/img/07e7/09/1a/66463420_0:0:1333:750_1920x0_80_0_0_2928e9a308f917382a08ab10babdb4df.jpg
ԵՐԵՎԱՆ, 26 սեպտեմբերի – Sputnik. ԱՄՆ պետքարտուղարի տեղակալ Յուրի Քիմն ու ԱՄՆ Միջազգային զարգացման գործակալության տնօրեն Սամանտա Փաուերը Գորիսում են։ Ինչպես տեղից փոխանցում է Sputnik Արմենիայի թղթակիցը, նրանք ԱՄՆ–ում ՀՀ դեսպան Լիլիթ Մակունցի, ՀՀ–ում ԱՄՆ դեսպան Քրիստինա Քվինի, Սյունիքի մարզպետ Ռոբերտ Ղուկասյանի և Գորիսի համայնքապետ Առուշ Առուշանյանի ուղեկցությամբ հանդիպում են Արցախից բռնի տեղահանված մեր հայրենակիցների հետ։Ամերիկացի պաշտոնյաների հետ զրույցում մարզպետ Ռոբերտ Ղուկասյանը ներկայացրել է Գորիսում տիրող իրավիճակը։ Նա հավելեց, որ ավելի շատ Արցախից գալիս են կանայք և երեխաներ։ Իրավիճակը ծանր է, քանի որ Գորիս հասած մարդկանցից շատերը չգիտեն, թե որտեղ են նրանց ընտանիքի մյուս անդամները։«Դա ավելի է բարդացնում մեր աշխատանքը, քանի որ մենք այդ մարդկանց չենք կարող Գորիսից այլ վայր տեղափոխել, նրանք չեն համաձայնում գնալ, քանի դեռ տեղեկություն չունեն հարազատների մասին, ուզում են մնալ ու սպասել նրանցից լուրի։ Ասում են` կսպասեմ ամուսնուս կամ երեխաներիս, նման հազարավոր ծանր պատմություններ ունենք»,– ասաց Սյունիքի մարզպետը։Երբեմն էլ մարդիկ հասնում են, բայց իրենց իրերն այլ տեղում են` բեռնատար մեքենաների մեջ, որոնք անհայտ է` երբ տեղ կհասնեն։«Մարդիկ գալիս են հաճախ միայն մեկ պայուսակով։ Նրանք ստիպված են եղել վազել` փրկվելու համար»,– նշեց մարզպետ Ղուկասյանը։ Դեռ ժամանակ կա կանխելու ցեղասպանությունը. Հենրիխ Մխիթարյանի կոչը միջազգային առաջնորդներինՆա նաև տեղեկացրեց, որ կապ չկա այս պահին Լաչինի միջանցքում գտնվող հարյուրավոր մեքենաների հետ։ Մարդիկ փորձում են գոնե քիչ քանակի վառելիք հայթայթել ՀՀ հասնելու համար։Սամանտա Փաուերը հետաքրքրվեց` արդյոք Լաչինի միջանցքի արգելափակումը նաև Գորիսի տնտեսական վիճակի վրա է ազդել։ Մարզպետը նշեց, որ Գորիսը տուրիստական քաղաք է, և իհարկե, ստեղծված իրավիճակն իր ազդեցությունն ունեցել է։ Բացի այն, որ Լաչինի միջանցքն է փակվել, նաև ճանապարհի փոփոխություն է եղել։ Եթե նախկինում Իրանից Հայաստանի Հանրապետություն էին գալիս Կապան–Գորիս ճանապարհով, ապա հիմա Գորիսով չեն անցնում, և սա իր նկատելի ազդեցությունն է ունեցել քաղաքի վրա։Հիշեցնենք` Ադրբեջանը սեպտեմբերի 19–ին լայնամասշտաբ հարձակում սկսեց Արցախի դեմ։ Ադրբեջանական զինուժը շփման գծի ողջ երկայնքով խախտեց հրադադարը` հասցնելով հրթիռահրետանային հարվածներ։Ադրբեջանական ագրեսիայի հետևանքով առնվազն 200 զոհ և ավելի քան 400 վիրավոր կա։Սեպտեմբերի 20–ին հայտնի դարձավ, որ Արցախի իշխանություններն ընդունել են ՌԴ խաղաղապահ առաքելության զորակազմի հրամանատարության՝ կրակի դադարեցման վերաբերյալ առաջարկությունը:Բազմաթիվ բռնի տեղահանված արցախցիներ արդեն 2 օր է տեղափոխվում են ՀՀ։
գորիս
ամն
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
քրիստինա քվին, գորիս, յուրի քիմ, սամանտա փաուեր, ամն, արցախ, տեղահանված
քրիստինա քվին, գորիս, յուրի քիմ, սամանտա փաուեր, ամն, արցախ, տեղահանված
ԱՄՆ բարձրաստիճան պաշտոնյաները Գորիսում են, հանդիպում են տեղահանվածների հետ
11:26 26.09.2023 (Թարմացված է: 11:40 26.09.2023) Սյունիքի մարզպետը նշեց, որ Գորիս հասնող մարդկանցից շատերը պատկերացում չունեն, թե որտեղ են իրենց հարազատները, ուստի հրաժարվում են այստեղից մեկնել։
ԵՐԵՎԱՆ, 26 սեպտեմբերի – Sputnik. ԱՄՆ պետքարտուղարի տեղակալ Յուրի Քիմն ու ԱՄՆ Միջազգային զարգացման գործակալության տնօրեն Սամանտա Փաուերը Գորիսում են։ Ինչպես տեղից փոխանցում է
Sputnik Արմենիայի թղթակիցը, նրանք ԱՄՆ–ում ՀՀ դեսպան Լիլիթ Մակունցի, ՀՀ–ում ԱՄՆ դեսպան Քրիստինա Քվինի, Սյունիքի մարզպետ Ռոբերտ Ղուկասյանի և Գորիսի համայնքապետ Առուշ Առուշանյանի ուղեկցությամբ հանդիպում են Արցախից բռնի տեղահանված մեր հայրենակիցների հետ։
Ամերիկացի պաշտոնյաների հետ զրույցում մարզպետ Ռոբերտ Ղուկասյանը ներկայացրել է Գորիսում տիրող իրավիճակը։
«Ունենում ենք իրավիճակներ, որ, օրինակ, ավտոբուսը, որում միայն երեխաներ են, Լաչինի միջանցքում է, այստեղից ընդամենը մի քանի կիլոմետր հեռու, երեխաներ կան, որ թթվածնի կարիք ունեն կամ այլ խնդիրներ, բայց մենք չենք կարող նրանց հասնել»,– նշեց Ղուկասյանը։
Նա հավելեց, որ ավելի շատ Արցախից գալիս են կանայք և երեխաներ։ Իրավիճակը ծանր է, քանի որ Գորիս հասած մարդկանցից շատերը չգիտեն, թե որտեղ են նրանց ընտանիքի մյուս անդամները։
«Դա ավելի է բարդացնում մեր աշխատանքը, քանի որ մենք այդ մարդկանց չենք կարող Գորիսից այլ վայր տեղափոխել, նրանք չեն համաձայնում գնալ, քանի դեռ տեղեկություն չունեն հարազատների մասին, ուզում են մնալ ու սպասել նրանցից լուրի։ Ասում են` կսպասեմ ամուսնուս կամ երեխաներիս, նման հազարավոր ծանր պատմություններ ունենք»,– ասաց Սյունիքի մարզպետը։
Երբեմն էլ մարդիկ հասնում են, բայց իրենց իրերն այլ տեղում են` բեռնատար մեքենաների մեջ, որոնք անհայտ է` երբ տեղ կհասնեն։
«Մարդիկ գալիս են հաճախ միայն մեկ պայուսակով։ Նրանք ստիպված են եղել վազել` փրկվելու համար»,– նշեց մարզպետ Ղուկասյանը։
Նա նաև տեղեկացրեց, որ կապ չկա այս պահին Լաչինի միջանցքում գտնվող հարյուրավոր մեքենաների հետ։ Մարդիկ փորձում են գոնե քիչ քանակի վառելիք հայթայթել ՀՀ հասնելու համար։
Սամանտա Փաուերը հետաքրքրվեց` արդյոք Լաչինի միջանցքի արգելափակումը նաև Գորիսի տնտեսական վիճակի վրա է ազդել։ Մարզպետը նշեց, որ Գորիսը տուրիստական քաղաք է, և իհարկե, ստեղծված իրավիճակն իր ազդեցությունն ունեցել է։ Բացի այն, որ Լաչինի միջանցքն է փակվել, նաև ճանապարհի փոփոխություն է եղել։ Եթե նախկինում Իրանից Հայաստանի Հանրապետություն էին գալիս Կապան–Գորիս ճանապարհով, ապա հիմա Գորիսով չեն անցնում, և սա իր նկատելի ազդեցությունն է ունեցել քաղաքի վրա։
Սեպտեմբերի 20–ին հայտնի դարձավ, որ Արցախի իշխանություններն ընդունել են ՌԴ խաղաղապահ առաքելության զորակազմի հրամանատարության՝
կրակի դադարեցման վերաբերյալ առաջարկությունը:
Բազմաթիվ բռնի տեղահանված արցախցիներ արդեն 2 օր է
տեղափոխվում են ՀՀ։
