Նոր կյանք՝ հին ավանդույթին․ գյումրեցի եղբայրները փորձում են վերականգնել օդաների գաղափարը
10:10 24.09.2023 (Թարմացված է: 10:13 24.09.2023)
© Photo : provided by Avetik Vardanyan«Իմաստության տունը»
![«Իմաստության տունը» «Իմաստության տունը» - Sputnik Արմենիա, 1920, 24.09.2023](https://cdn.am.sputniknews.ru/img/07e7/09/0d/65760808_0:105:1280:825_1920x0_80_0_0_3cbf1d5ef2ca91c2dd80013072f39692.jpg)
«Իմաստության տունը»
© Photo : provided by Avetik Vardanyan
Բաժանորդագրվել
Հավաքատեղիների, կամ ինչպես ժողովուրդն է ասում՝ օդաների շնորհիվ են մեզ հասել շատ պատմություններ ու ավանդազրույցներ։
Խոտհարքից կամ գյուղատնտեսական այլ աշխատանքներից հետո հավաքվելու, նորությունները միմյանց պատմելուև պատմություններ ներկայացնելու հայկական հին սովորությունը վերականգնելու նախաձեռնությամբ են հանդես եկել գյումրեցի եղբայրները` Ավիկ ու Հրաչ Վարդանյանները։ Հայրենի քաղաքում «Իմաստության տունը» հենց այդ նպատակով են նրանք հիմնել, նաև մարդկանց անմիջական շփումը վերականգնելու համար։
© Photo : provided by Avetik VardanyanԱվիկ ու Հրաչ Վարդանյանները
![Основатели 'Дома Мудрости - Оды в Гюмри, братья Варданян Основатели 'Дома Мудрости - Оды в Гюмри, братья Варданян - Sputnik Արմենիա, 1920, 14.09.2023](https://cdn.am.sputniknews.ru/img/07e7/09/0d/65760786_0:0:1280:853_1920x0_80_0_0_ac4274477a1f6dfb95220c7672f3e193.jpg)
Ավիկ ու Հրաչ Վարդանյանները
© Photo : provided by Avetik Vardanyan
Հնում, հիմնականում գյուղերում, եղել են տարածքներ, որտեղ դաշտային աշխատանքներից հետո մարդիկ հավաքվել են, ասել-խոսել։ Տուն-հավաքատեղիներում մարդիկ զբաղվել են հեքիաթասացությամբ, զրուցել, երգել։ Հավաքվում էին նաև գյուղ այցելած ցանկացած հյուրի շուրջ, լսում ինչ կա-չկա աշխարհում։ Դրանք նոր գաղափարների, պատմությունների ու լուրերի տարածման և սերունդներին փոխանցման համար էին։ Հենց այս հավաքատեղիների, կամ ինչպես ժողովուրդն է ասում՝ օդաների շնորհիվ են մեզ հասել շատ պատմություններ ու ավանդազրույցներ։ Ի դեպ, այսպիսի կառույցներ ու ավանդույթներ աշխարհի շատ ազգեր են ունեցել։
Թեև այդ տարածքները հիմնականում օդաներ են կոչվել կամ գլխատուն, Վարդանյան եղբայրներն ավելի հակված են այն «Իմաստության տուն» կոչել, ինչն ավելի է շեշտում տարածքի նշանակությունը։
© Sputnik / Armenuhi Mkhoyan «Իմաստության տաը» ինտերիերը
![Предметы интерьера Дома Мудрости - Оды в Гюмри Предметы интерьера Дома Мудрости - Оды в Гюмри - Sputnik Արմենիա, 1920, 14.09.2023](https://cdn.am.sputniknews.ru/img/07e7/09/0d/65762322_0:0:1600:1200_1920x0_80_0_0_0abbdd121c08495e2dbe9a1c9e7dfeda.jpg)
«Իմաստության տաը» ինտերիերը
© Sputnik / Armenuhi Mkhoyan
Տարածքը Գյումրիի Տիգրան Մեծի 11 հասցեում գտնվող բնակարանն է, որը վաղուց ունեն։ Արվեստագետ եղբայրների (Ավիկը ճարտարապետ է, Հրաչը`նկարիչ) համար տարածքին նոր ու կոլորիտային շունչ տալը դժվար չէ, դժվարը գաղափարը ներկայացնել է։
«Կյանքի գնով իրականացրինք։ Դժվար էր շատ՝ ստանդարտ չէ, ու ամեն ինչ մտածված է։ Այստեղ ցանկացած մարդ կարող է գալ ու իր իմացածը, իր իմաստությունը ներկայացնել»,- Sputnik Արմենիային ասում է Ավիկ Վարդանյանը։ Նա քաջ գիտակցում է, որ ինֆորմացիայի արագ տարածման ձևեր այսօր շատ կան, դեմ առ դեմ հանդիպումների փոխարեն ինֆորմացիայի տարածման հիմնական աղբյուրը հիմա համացանցն է, տարածք, որը ցավոք, չի կարող այն նպատակն ու արժեքն ունենալ, ինչ անմիջական շփումն է։
© Photo : provided by Avetik VardanyanՀյուրեր «Իմաստության տաը»
![Посетители Дома Мудрости - Оды в Гюмри Посетители Дома Мудрости - Оды в Гюмри - Sputnik Արմենիա, 1920, 14.09.2023](https://cdn.am.sputniknews.ru/img/07e7/09/0d/65760830_0:0:1280:853_1920x0_80_0_0_165faabec0c38eb030daf7400bd580d7.jpg)
Հյուրեր «Իմաստության տաը»
© Photo : provided by Avetik Vardanyan
«Այստեղ լինելու են բազմաթիվ մշակութային, թեմատիկ օրեր՝ երաժշտությանը, արվեստին, պոեզիային նվիրված: Օդան նոր կյանք է տալու հին ավանդույթներին։ Այն նպատակ ունի նաև նպաստել Գյումրիում զբոսաշրջության զարգացմանը, քանի որ այսօր աշխարհում մեծ թափ է ստանում մշակութային զբոսաշրջությունը։ Սա վայր է, որտեղ մարդիկ կարող են գալ ու շփվել`իրենց մտքերը ներկայացնել »,-հավելում է Հրաչ Վարդանյանը։ Նշում է` ճիշտ է Գյումրին մշակութային քաղաք է, որը զբոսաշրջիկների պակաս վերջին տարիներին չունի, բայց նմանատիպ վայր չուներ։ Տարածքը հնարավորություն կտա մարդկանց մեկ վայրում հաղորդակցվելու։
© Sputnik / Armenuhi Mkhoyan «Իմաստության տաը» ինտերիերը
![Интерьер Дома Мудрости - Оды в Гюмри Интерьер Дома Мудрости - Оды в Гюмри - Sputnik Արմենիա, 1920, 14.09.2023](https://cdn.am.sputniknews.ru/img/07e7/09/0d/65762366_0:0:1600:1200_1920x0_80_0_0_4395443083cdbbcb0ad0d9f7bdbe253e.jpg)
«Իմաստության տաը» ինտերիերը
© Sputnik / Armenuhi Mkhoyan
Եղբայրներն ակնկալում են, որ գիտնականներ, ազգագրագետներ, մշակութաբաններ ու արվեստագետներ շատ կլինեն, ովքեր ցանկություն կհայտնեն գալ ու իրենց գիտելիքը ներկայացնել ցանկացողներին։
Եղբայրները նշում են`«Իմաստության տունը» ժառանգություն է անցյալից՝ անցյալի հետ հաղորդակցվելու տարածք, բայց կա նաև գալիքը ։ Դա էլ հիմնականում արվեստի հետ կապված կոնցեպտ է, որը կյանքի կոչելու գաղափար եղբայրներն ունեն։
«Իմաստության տունը» բաց է բոլոր ցանկացողների համար, իսկ շաբաթական երկու օր հատուկ հրավիրված հյուրերը կշփվեն այցելուների հետ։
© Sputnik / Armenuhi Mkhoyan «Իմաստության տաը» ինտերիերը
![Интерьер Дома Мудрости - Оды в Гюмри Интерьер Дома Мудрости - Оды в Гюмри - Sputnik Արմենիա, 1920, 14.09.2023](https://cdn.am.sputniknews.ru/img/07e7/09/0d/65762300_0:0:1600:1200_1920x0_80_0_0_861eaa450c91893ac511eea48c2242ac.jpg)
«Իմաստության տաը» ինտերիերը
© Sputnik / Armenuhi Mkhoyan