https://arm.sputniknews.ru/20230922/kkhmk-nerkajacucichnery-handipel-en-bvoghvoqi-akcia-anvogh-buzhashkhatvoghneri-het-66310400.html
ԿԽՄԿ ներկայացուցիչները հանդիպել են բողոքի ակցիա անող բուժաշխատողների հետ
ԿԽՄԿ ներկայացուցիչները հանդիպել են բողոքի ակցիա անող բուժաշխատողների հետ
Sputnik Արմենիա
ԿԽՄԿ երևանյան գրասենյակի մոտ բողոքի ակցիա իրականացնող բուժաշխատողներն իրենց պահանջները ներկայացրել են Զառա Ամատունուն, խոսել Արցախում ստեղծված իրավիճակի մասին։ 22.09.2023, Sputnik Արմենիա
2023-09-22T16:49+0400
2023-09-22T16:49+0400
2023-09-25T19:43+0400
հայաստան
կարմիր խաչ
բուժաշխատող
բողոքի ակցիա
արցախ
https://cdn.am.sputniknews.ru/img/07e7/09/16/66314096_0:64:1600:964_1920x0_80_0_0_1005c7869b130491f98877181bdf423e.jpg
ԵՐԵՎԱՆ, 22 սեպտեմբերի – Sputnik. Կարմիր խաչի միջազգային կազմակերպության երևանյան գրասենյակի մոտ շուրջ 2 ժամ բողոքի ակցիա անող բուժաշխատողներից մի քանիսը հանդիպել են ԿԽՄԿ ներկայացուցիչների հետ։Ավելի վաղ հայտնել էինք, որ հայաստանյան բուժաշխատողները հավաքվել են ԿԽՄԿ երևանյան գրասենյակի մոտ և պահանջում են ապահովել իրենց մեկնումն Արցախ, ինչպես նաև րոպե առաջ տարհանել վիրավորներին։Բժշկական համայնքի ներկայացուցիչներն իրենց պահանջները ներկայացրել են Կարմիր խաչի հայաստանյան գրասենյակի հաղորդակցության ծրագրերի ղեկավար Զառա Ամատունուն, խոսել Արցախում ստեղծված իրավիճակի մասին։Ամատունին լրագրողների հետ զրույցում ասաց, որ իրենք մշտապես կոնֆիդենցիալ երկխոսությունն են վարում կողմերի հետ, որպեսզի կարողանան լուծումների հասնել` մարդասիրական հարցերն ուշադրության կենտրոնում պահելով։Հարցին` արդյոք կարող են իրենք կազմակերպել Հայաստանից բուժաշխատողների տեղափոխումն Արցախ, Զառա Ամատունին շեշտեց` ԿԽՄԿ–ն չի կարող նման գործելաոճ որդեգրել։Ակցիայի մասնակից Արեգա Հովսեփյանը, որը ծնվել և մեծացել է Արցախում, նշեց, որ իրենք հստակ ասել են, որ բժիշկները սպասելու ժամանակ չունեն։«Մեր հանդիպումը բավարար չէր, բայց որոշ խոսակցություններ էլ եղան, որոնք, կոնֆիդենցիալությունից ելնելով, չեմ բարձրաձայնի։ Մենք նաև ասացինք, որ ԿԽՄԿ–ն չպետք է սպասի այնքան, որ վիճակը ծայրահեղ լինի, քանի որ արդեն այդպիսին է»,– նշեց Հովսեփյանը։Նշենք, որ բուժաշխատողները ԿԽՄԿ երևանյան գրասենյակի մոտ են եկել պաստառներով, որոնց վրա գրված է. «Բժիշկներն ուզում են գնալ Արցախ։ Տարհանեք վիրավորներին հենց հիմա։ Առողջության իրավունքը բոլորի համար է։ Ձեր աշխատանքը կատարեք։ Բժիշկներն Արցախի հետ են»։Հիշեցնենք՝ սեպտեմբերի 19–ին Արցախի դեմ սանձազերծված ադրբեջանական նոր ագրեսիայի ֆոնին Երևանում մասշտաբային ցույցեր են սկսվել։ Մարդիկ պատասխան են պահանջում ՀՀ իշխանություններից Արցախի հարցում դրսևորած անգործության համար։ՀՀ առաջին վարչապետ Վազգեն Մանուկյանը երեկ հայտարարեց, որ սեպտեմբերի 22-ի առավոտից զանգվածային անհնազանդության ակցիաներ են անցկացվելու։ Համաժողովրդական շարժումը համակարգելու համար սկսել են ազգային կոմիտե ձևավորել, որը պետք է 11 հոգուց կազմված լինի, այս պահին դեռ 5 հոգու կազմն է հայտնի` Հայկ Մամիջանյան (Ազգային ժողովի «Պատիվ ունեմ» խմբակցության ղեկավար), Ավետիք Չալաբյան («ՀայաՔվե» նախաձեռնության համահիմնադիր), Անդրանիկ Թևանյան («Մայր Հայաստան» դաշինքի ղեկավար), Իշխան Սաղաթելյան («Հայաստան» խմբակցության պատգամավոր)։Վաղ առավոտից ցուցարարները փողոցներ են փակում Երևանի տարբեր հատվածներում։Նրանք փակել էին Մյասնիկյան, Բաղրամյան պողոտաները, Սարյան, Բուզանդ, Թումանյան, Վազգեն Սարգսյան, Նալբանդյան փողոցները, ինչպես նաև Մոսկովյան–Մարկ Գրիգորյան խաչմերուկը։ Ակցիաներին մասնակցում էին Երևանի տարբեր բուհերի ուսանողներ, դպրոցների աշակերտներ, որոնք վարորդներին կոչ էին անում թողնել մեքենաները և միանալ իրենց։Ոստիկանությունը Երևանում բերման է ենթարկել փողոցներ փակած 84 անձի, այդ թվում` «Մայր Հայաստան» դաշինքի ղեկավար Անդրանիկ Թևանյանին, որն արդեն ազատ է արձակվել, և ՀՀ երկրորդ նախագահ Ռոբերտ Քոչարյանի որդուն` Լևոն Քոչարյանին, որին տեղափոխել են հիվանդանոց։
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, կարմիր խաչ, բուժաշխատող, բողոքի ակցիա, արցախ
հայաստան, կարմիր խաչ, բուժաշխատող, բողոքի ակցիա, արցախ
ԿԽՄԿ ներկայացուցիչները հանդիպել են բողոքի ակցիա անող բուժաշխատողների հետ
16:49 22.09.2023 (Թարմացված է: 19:43 25.09.2023) ԿԽՄԿ երևանյան գրասենյակի մոտ բողոքի ակցիա իրականացնող բուժաշխատողներն իրենց պահանջները ներկայացրել են Զառա Ամատունուն, խոսել Արցախում ստեղծված իրավիճակի մասին։
ԵՐԵՎԱՆ, 22 սեպտեմբերի – Sputnik. Կարմիր խաչի միջազգային կազմակերպության երևանյան գրասենյակի մոտ շուրջ 2 ժամ բողոքի ակցիա անող բուժաշխատողներից մի քանիսը հանդիպել են ԿԽՄԿ ներկայացուցիչների հետ։
Ավելի վաղ
հայտնել էինք, որ հայաստանյան բուժաշխատողները հավաքվել են ԿԽՄԿ երևանյան գրասենյակի մոտ և պահանջում են ապահովել իրենց մեկնումն Արցախ, ինչպես նաև րոպե առաջ տարհանել վիրավորներին։
Բժշկական համայնքի ներկայացուցիչներն իրենց պահանջները ներկայացրել են Կարմիր խաչի հայաստանյան գրասենյակի հաղորդակցության ծրագրերի ղեկավար Զառա Ամատունուն, խոսել Արցախում ստեղծված իրավիճակի մասին։
Ամատունին լրագրողների հետ զրույցում ասաց, որ իրենք մշտապես կոնֆիդենցիալ երկխոսությունն են վարում կողմերի հետ, որպեսզի կարողանան լուծումների հասնել` մարդասիրական հարցերն ուշադրության կենտրոնում պահելով։
Հարցին` արդյոք կարող են իրենք կազմակերպել Հայաստանից բուժաշխատողների տեղափոխումն Արցախ, Զառա Ամատունին շեշտեց` ԿԽՄԿ–ն չի կարող նման գործելաոճ որդեգրել։
«Մենք աշխատում ենք մեր մասնագետների օգնությամբ, բնականաբար համագործակցում ենք համապատասխան պատկան մարմինների հետ։ Ցանկացած որոշում կայացվում է կողմերի համաձայնությամբ, բայց մեր գործելաոճը, դրանից բացի, ենթադրում է, որ կարող ենք աշխատել միայն մեր անձնակազմի հետ»,– ասաց նա։
Ակցիայի մասնակից Արեգա Հովսեփյանը, որը ծնվել և մեծացել է Արցախում, նշեց, որ իրենք հստակ ասել են, որ բժիշկները սպասելու ժամանակ չունեն։
«Մեր հանդիպումը բավարար չէր, բայց որոշ խոսակցություններ էլ եղան, որոնք, կոնֆիդենցիալությունից ելնելով, չեմ բարձրաձայնի։ Մենք նաև ասացինք, որ ԿԽՄԿ–ն չպետք է սպասի այնքան, որ վիճակը ծայրահեղ լինի, քանի որ արդեն այդպիսին է»,– նշեց Հովսեփյանը։
Նշենք, որ բուժաշխատողները ԿԽՄԿ երևանյան գրասենյակի մոտ են եկել պաստառներով, որոնց վրա գրված է. «Բժիշկներն ուզում են գնալ Արցախ։ Տարհանեք վիրավորներին հենց հիմա։ Առողջության իրավունքը բոլորի համար է։ Ձեր աշխատանքը կատարեք։ Բժիշկներն Արցախի հետ են»։
Հիշեցնենք՝ սեպտեմբերի 19–ին Արցախի դեմ սանձազերծված
ադրբեջանական նոր ագրեսիայի ֆոնին
Երևանում մասշտաբային ցույցեր են սկսվել։ Մարդիկ պատասխան են պահանջում ՀՀ իշխանություններից Արցախի հարցում դրսևորած անգործության համար։
ՀՀ առաջին վարչապետ
Վազգեն Մանուկյանը երեկ հայտարարեց, որ սեպտեմբերի 22-ի առավոտից զանգվածային անհնազանդության ակցիաներ են անցկացվելու։ Համաժողովրդական շարժումը համակարգելու համար սկսել են ազգային կոմիտե ձևավորել, որը պետք է 11 հոգուց կազմված լինի, այս պահին դեռ 5 հոգու կազմն է հայտնի` Հայկ Մամիջանյան (Ազգային ժողովի «Պատիվ ունեմ» խմբակցության ղեկավար), Ավետիք Չալաբյան («ՀայաՔվե» նախաձեռնության համահիմնադիր), Անդրանիկ Թևանյան («Մայր Հայաստան» դաշինքի ղեկավար), Իշխան Սաղաթելյան («Հայաստան» խմբակցության պատգամավոր)։
Վաղ առավոտից ցուցարարները
փողոցներ են փակում Երևանի տարբեր հատվածներում։
Նրանք փակել էին Մյասնիկյան, Բաղրամյան պողոտաները, Սարյան, Բուզանդ, Թումանյան, Վազգեն Սարգսյան, Նալբանդյան փողոցները, ինչպես նաև Մոսկովյան–Մարկ Գրիգորյան խաչմերուկը։ Ակցիաներին մասնակցում էին Երևանի տարբեր բուհերի ուսանողներ, դպրոցների աշակերտներ, որոնք վարորդներին կոչ էին անում թողնել մեքենաները և միանալ իրենց։
Ոստիկանությունը
Երևանում բերման է ենթարկել փողոցներ փակած 84 անձի, այդ թվում` «Մայր Հայաստան» դաշինքի ղեկավար Անդրանիկ Թևանյանին, որն արդեն
ազատ է արձակվել, և ՀՀ երկրորդ նախագահ Ռոբերտ Քոչարյանի որդուն`
Լևոն Քոչարյանին, որին տեղափոխել են հիվանդանոց։
