Արցախում հազարավոր մարդիկ չեն կարողանում գտնել հարազատներին. Արցախի ՄԻՊ
21:23 20.09.2023 (Թարմացված է: 21:28 20.09.2023)
Գեղամ Ստեփանյանը. Արխիվային լուսանկար
© Sputnik / Asatur Yesayants
Բաժանորդագրվել
Ավելի քան 10.000 մարդ այս պահին տարհանվել է իրենց համայնքներից և տեղափոխվել են այնպիսի վայրեր, որտեղ հարաբերականորեն անվտանգ է։
ԵՐԵՎԱՆ, 20 սեպտեմբերի – Sputnik. Արցախում հազարավոր մարդիկ մինչ օրս չեն կարողանում գտնել իրենց հարազատներին և ընտանիքի անդամներին։ X–ի միկրոբլոգում ահազանգում է Արցախի մարդու իրավունքների պաշտպանը։
«Մարդու իրավունքների պաշտպանի աշխատակազմի կողմից իրականացվող փաստահավաք աշխատանքների շրջանակներում հավաքագրվում են տվյալներ զոհված և ճակատագիրը անհայտ քաղաքացիական անձանց և զինվորականների վերաբերյալ»,– նշված է հաղորդագրության մեջ։
❗️More than 10,000 people are currently evacuated from their native communities, forced to find a shelter in other settlements of Artsakh, where relative safety can be provided. Among them are women, children and elderly, many of whom have been displaced for several times in… pic.twitter.com/bfTpPMPyNE
— Artsakh / Nagorno-Karabakh Human Rights Ombudsman (@ArtsakhOmbuds) September 20, 2023
Արցախի ՄԻՊ–ը տեղեկացնում է, որ ավելի քան 10.000 մարդ այս պահին տարհանվել է իրենց համայնքներից։ Նրանք ստիպված են ապաստան գտնել Արցախի այլ բնակավայրերում, որտեղ հնարավոր է ապահովել հարաբերական անվտանգությունը: Տարհանվածների թվում են կանայք, երեխաներ և տարեցներ։
Արցախի ՄԻՊ–ը շեշտում է` նրանցից շատերն իրենց կյանքում արդեն մի քանի անգամ տեղահանվել են ադրբեջանական ագրեսիայի պատճառով։ Չկա պատշաճ սնունդ, դեղորայք, անհրաժեշտ իրեր։ Սա ազգային աղետ է և մարդու հիմնարար իրավունքների ոտնահարում։
Հիշեցնենք` Ադրբեջանը սեպտեմբերի 19–ին լայնամասշտաբ հարձակում է սկսել Արցախի դեմ։ Արցախի ՊՆ–ի հաղորդագրության համաձայն` ժամը 13։00–ի սահմաններում ադրբեջանական զինուժը շփման գծի ողջ երկայնքով խախտել է հրադադարը` հասցնելով հրթիռահրետանային հարվածներ։
Ադրբեջանի պաշտպանության նախարարությունը հայտարարել է, թե լոկալ բնույթի հակաահաբեկչական միջոցառումներ է անցկացնում։
Ադրբեջանի կողմից իրականացված լայնածավալ ահաբեկչական հարձակման հետևանքով այս պահի դրությամբ Արցախում 32 զոհ կա, ավելի քան 200 վիրավոր։
Այսօր հայտնի դարձավ, որ Արցախի իշխանություններն ընդունել են ՌԴ խաղաղապահ առաքելության զորակազմի հրամանատարության՝ կրակի դադարեցման վերաբերյալ առաջարկությունը:
