https://arm.sputniknews.ru/20230919/larvats-iravitshak-erevanum-qaghaqacinery-pvordzum-en-karavarutjan-shenq-mtnel-66075299.html

Լարված իրավիճակ Երևանում. քաղաքացիները փորձում են կառավարության շենք մտնել

Լարված իրավիճակ Երևանում. քաղաքացիները փորձում են կառավարության շենք մտնել

Sputnik Արմենիա

Ցուցարարները վանկարկում են` Արցախը մենք ենք, արցախցին մեր կարիքն ունի։ 19.09.2023, Sputnik Արմենիա

2023-09-19T17:59+0400

2023-09-19T17:59+0400

2023-09-19T18:06+0400

հայաստան

հհ կառավարություն

բողոքի ակցիա

նիկոլ փաշինյան

ցուցարար

արցախ

https://cdn.am.sputniknews.ru/img/07e7/09/13/66079303_0:0:1921:1080_1920x0_80_0_0_cc484ddf3f60443c21f376008ab65fac.jpg

ՀՀ կառավարության շենքի մոտ լարված իրավիճակ է, բողոքի ակցիա իրականացնող քաղաքացիները փորձում են մուտք գործել կառավարության շենք։ Ոստիկանների ու նրանց միջև հրմշտոց է սկսվել։ ՀՀ ՆԳՆ ոստիկանության պարեկային ծառայության պետ Արթուր Խուդինյանը փորձում է կարգավորել իրավիճակը և բանակցել քաղաքացիների հետ։Ավելի վաղ հայտնել էինք, որ Արցախի դեմ սանձազերծված ադրբեջանական նոր ագրեսիան քաղաքացիներին բերել է ՀՀ կառավարության շենքի մոտ։ Նրանք պատասխան են պահանջում ՀՀ իշխանություններից։Այս պահին հազարավոր քաղաքացիներ են հավաքվել կառավարության շենքի մոտ։Բողոքի ակցիայի մասնակիցները պահանջում են ՀՀ վարչապետ Նիկոլ Փաշինյանի հրաժարականը։ Նրանց խոսքով` միայն այդ դեպքում է հնարավոր փրկել Արցախն ու Հայաստանը։«Ամոթ, Նիկոլ, դավաճա՛ն, Արցախը մենք ենք, արցախցին մեր կարիքն ունի»,–վանկարկում են ցուցարարները։Հիշեցնենք` Ադրբեջանն այսօր լայնամասշտաբ հարձակում է սկսել Արցախի դեմ։ Արցախի ՊՆ–ի հաղորդագրության համաձայն` ժամը 13։00–ի սահմաններում ադրբեջանական զինուժը շփման գծի ողջ երկայնքով խախտել է հրադադարը` հասցնելով հրթիռահրետանային հարվածներ։Ադրբեջանի պաշտպանության նախարարությունը հայտարարել է, թե լոկալ բնույթի հակաահաբեկչական միջոցառումներ է անցկացնում։Ադրբեջանական ռազմական գերատեսչությունը պնդում է, որ իրենք գերճշգրիտ զենքերով հարվածներ են հասցնում առաջնագծում և խորքում՝ ավերելով հայկական զինված ուժերի կազմավորումների դիրքերը, կրակակետերը, ինչպես նաև մարտական ​​միջոցներն ու ռազմական օբյեկտները։Նշվում է, որ իբր քաղաքացիական բնակչությունը և քաղաքացիական ենթակառուցվածքները չեն թիրախավորվում։Արցախի մարդու իրավունքների պաշտպան Գեղամ Ստեփանյանը հայտնել է, որ Ադրբեջանի հարձակումների հետևանքով խաղաղ բնակչության շրջանում առնվազն 2 զոհ կա, այդ թվում՝ մեկ երեխա, ևս 26-ը վնասվածքներ են ստացել, վիրավորներից 11–ը երեխաներ են։

2023

Լուրեր

am_HY

հայաստան, հհ կառավարություն, բողոքի ակցիա, նիկոլ փաշինյան, ցուցարար, արցախ, видео