2 զոհ, 11 վիրավոր. Ադրբեջանը թիրախավորել է քաղաքացիական բնակչությանն ու բնակելի տները
16:15 19.09.2023 (Թարմացված է: 17:41 19.09.2023)
Բաժանորդագրվել
Զոհերի և վիրավորների մեջ կան երեխաներ։
ԵՐԵՎԱՆ, 19 սեպտեմբերի – Sputnik. Ադրբեջանը թիրախավորել է քաղաքացիական բնակչությանը, հրետակոծության են ենթարկվում բնակելի տները, կա առնվազն 2 զոհ 11 վիրավոր։ Այս մասին իր թվիթերյան էջում հրապարակումներ է արել Արցախի ՄԻՊ Գեղամ Ստեփանյանը։
There are multiple casualties and injuries among civilians including children. According to the data collected at this moment there are at least 2 causalities including one child and 11 injuries including 8 children caused by Azerbaijan’s attacks. pic.twitter.com/00OMH3f2cF
— Gegham Stepanyan #StopArtsakhBlockade (@Gegham_Artsakh) September 19, 2023
«Քաղաքացիական բնակչության շրջանում կան բազմաթիվ զոհեր և վիրավորներ, այդ թվում՝ երեխաներ: Այս պահին հավաքագրված տվյալների համաձայն՝ Ադրբեջանի հարձակումների հետևանքով զոհվել է առնվազն 2 մարդ, այդ թվում ՝ մեկ երեխա, 11-ը վիրավորվել են, այդ թվում՝ 8 երեխա»,–գրել է նա:
Մեկ այլ թվիթում նա հրապարակել է հրետակոծության ենթարկված բնակելի շենքի լուսանկար, որը գտնվում է Ստեփանակերտի կենտրոնական մասում։
Naturally, Azerbaijan is committing another war crime by killing peaceful and unprotected people in addition to blockade and starvation. This is already military ethnic cleansing in action. All this must be condemned and stopped with all its consequences. @POTUS @SecBlinken… pic.twitter.com/ZALHBDtPM2
— Edmon Marukyan (@edmarukyan) September 19, 2023
Հիշեցնենք` Ադրբեջանն այսօր լայնամասշտաբ հարձակում է սկսել Արցախի դեմ։ Արցախի ՊՆ–ի հաղորդագրության համաձայն` ժամը 13։00–ի սահմաններում ադրբեջանական զինուժը շփման գծի ողջ երկայնքով խախտել է հրադադարը` հասցնելով հրթիռահրետանային հարվածներ։
Ադրբեջանի պաշտպանության նախարարությունը հայտարարել է, թե լոկալ բնույթի հակաահաբեկչական միջոցառումներ է անցկացնում։
Ադրբեջանական ռազմական գերատեսչությունը պնդում է, որ իրենք գերճշգրիտ զենքերով հարվածներ են հասցնում առաջնագծում և խորքում՝ ավերելով հայկական զինված ուժերի կազմավորումների դիրքերը, կրակակետերը, ինչպես նաև մարտական միջոցներն ու ռազմական օբյեկտները։
Նշվում է, որ իբր քաղաքացիական բնակչությունը և քաղաքացիական ենթակառուցվածքները չեն թիրախավորվում։
Հավելենք, որ առավոտից ադրբեջանական կողմը 4 անգամ ապատեղեկատվություն է տարածել Արցախի վերաբերյալ` այդկերպ հող նախապատրաստելով այս սադրանքի համար։
