ՔՊ–ի «քույր» կուսակցություններից մեկը կասկածելի տրամաբանությամբ անցկացվեց ավագանի. Թևանյան
16:47 18.09.2023 (Թարմացված է: 17:15 18.09.2023)
© Sputnik / Aram Nersesyan
Բաժանորդագրվել
Թևանյանի խոսքով` եղել է պահ, երբ ծրարների մի հատված այդ կուսակցության օգտին է եղել։
ԵՐԵՎԱՆ, 18 սեպտեմբերի – Sputnik. ՔՊ–ն ընտրություններին մասնակցեց 100 հատ «քույր» կուսակցություններով ու նրանցից մեկը շատ կասկածելի տրամաբանությամբ անցկացվեց ավագանի։ Այս մասին այսօր լրագրորղների հետ զրույցում ասաց «Մայր Հայաստան» դաշինքի առաջին համար Անդրանիկ Թևանյանը։
«Մեր վստահված անձինք ասում էին, որ այդ «քույր» կուսակցության (նկատի ունի «Հանրապետություն» կուսակցությունը,–խմբ.) համար ստացված ձայները միշտ մի շերտի վրա են եղել, այսինքն եկել է մի ինչ որ պահ, երբ ծրարների մի հատված այդ կուսակցության օգտին է եղել։ Այնպես որ, պարզ է, որ այդ կուսակցությունը «քույրաբար» օգնել է ՔՊ–ին»,– ասաց նա։
Հիշեցնենք` Երևանում սեպտեմբերի 17–ին ավագանու ընտրություններ էին, որոնց մասնակցեցին 13 կուսակցություն և 1 դաշինք։
Մասնակից ուժերի քվեները բաշխվեցին հետևյալ կերպ`
1.
«Հանրային ձայն» կուսակցություն– 22․431 (9.68%),2.
«Քաղաքացիական պայմանագիր» կուսակցություն– 75․463 (32.57%),3.
«Արդար Հայաստան» կուսակցություն– 2595 (1.12%),4.
«Հաղթանակ» կուսակցություն– 3959 (1.71%),5.
«Ուժը հայրենյաց» կուսակցություն– 1706 (0.74%),6.
«Հայաստանի եվրոպական կուսակցություն– 2572 (1.11%),7.
«Ազգային առաջընթաց» կուսակցություն– 43․765 (18․89%),8.
«Հանուն սոցիալական արդարության» կուսակցություն–780 (0.34%),9.
«Հանրապետություն» կուսակցություն– 26․236 (11.32%),10.
«Միացյալ Հայաստան» կուսակցություն–1282 (0.55%),11.
«Լուսավոր Հայաստան» կուսակցություն– 4174 (1.8%),12.
«Ժողովրդավարական Համախմբում» կուսակցություն– 2348 (1.01%),13.
«Ապրելու երկիր» կուսակցություն– 8425 (3.64%),14.
«Մայր Հայաստան» դաշինք– 35․739 (15.43%)։Ստացվում է, որ անցողիկ շեմը հաղթահարեց 5 քաղաքական ուժ` «Քաղաքացիական պայմանագիր» կուսակցությունը, «Ազգային առաջընթաց» կուսակցությունը, «Մայր Հայաստան» դաշինքը, «Հանրապետություն» կուսակցությունը և «Հանրային ձայն» կուսակցությունը։
