ՔՊ-ն կարող է դիմել վերահաշվարկի. ի՞նչ են քննարկել վարչության նիստում
22:46 18.09.2023 (Թարմացված է: 23:06 18.09.2023)
Բաժանորդագրվել
ՔՊ–ում հույս ունեն, որ մի քանի ընտրատեղամասում վերահաշվարկ իրականացնելու դեպքում իրենց ուժի ձայները մի քանի հարյուրով կավելանան։
ԵՐԵՎԱՆ, 18 սեպտեմբերի – Sputnik. Այսօր «Քաղաքացիական պայմանագիր» կուսակցության վարչության նիստում քննարկվել է Կենտրոնական ընտրական հանձնաժողով դիմելու հարցը` մի քանի ընտրատեղամասում վերահաշվարկ իրականացնելու նպատակով։ Տեղեկությունը հայտնում է Armlur.am-ը` հղում անելով իր աղբյուրներին։
Ավելի վաղ հայտնել էինք, որ Երևանի ավագանու ընտրություններին մասնակցած քաղաքական ուժերից որևէ մեկին չի հաջողվել 50+ տոկոս քվե հավաքել, բայց նրանցից 5–ը, այնուամենայնիվ, հաղթահարել են անցողիկ շեմը` «Հանրային ձայն» կուսակցություն (Արտակ Գալստյան), «Ազգային առաջընթաց» կուսակցության (Հայկ Մարության), «Հաղթանակ» կուսակցություն (Արտակ Զեյնալյան), «Քաղաքացիական պայմանագիր» կուսակցություն (Տիգրան Ավինյան) և «Մայր Հայաստան» դաշինք (Անդրանիկ Թևանյան)։
««Քաղաքացիական պայմանագիր» կուսակցության վարչության նիստն այսօր թեժ է անցել։ Մի քանի ժամ տևած քննարկման ընթացքում վարչության նիստի ժամանակ փորձել են հասկանալ, թե ինչպես անեն, որ հնարավոր լինի անհարժեշտ ձայներ ապահովել Տիգրան Ավինյանի համար։ Նրանք հույս ունեն, որ այդպես իրենց ուժի ձայները մի քանի հարյուրով կավելանան և առաջ կանցնեն»,– գրում է լրատվամիջոցը։
Հիշեցնենք` Երևանում սեպտեմբերի 17–ին ավագանու ընտրություններ էին, որոնց մասնակցեցին 13 կուսակցություն և 1 դաշինք։
Մասնակից ուժերի քվեները բաշխվեցին հետևյալ կերպ`
1.
«Հանրային ձայն» կուսակցություն – 22․431 (9.68%),2.
«Քաղաքացիական պայմանագիր» կուսակցություն – 75․463 (32.57%),3.
«Արդար Հայաստան» կուսակցություն– 2595 (1.12%),4.
«Հաղթանակ» կուսակցություն – 3959 (1.71%),5.
«Ուժը հայրենյաց» կուսակցություն – 1706 (0.74%),6.
«Հայաստանի եվրոպական կուսակցություն – 2572 (1.11%),7.
«Ազգային առաջընթաց» կուսակցություն – 43․765 (18․89%),8.
«Հանուն սոցիալական արդարության» կուսակցություն – 780 (0.34%),9.
«Հանրապետություն» կուսակցություն – 26․236 (11.32%),10.
«Միացյալ Հայաստան» կուսակցություն – 1282 (0.55%),11.
«Լուսավոր Հայաստան» կուսակցություն – 4174 (1.8%),12.
«Ժողովրդավարական Համախմբում» կուսակցություն – 2348 (1.01%),13.
«Ապրելու երկիր» կուսակցություն – 8425 (3.64%),14.
«Մայր Հայաստան» դաշինք – 35․739 (15.43%)։
