ԿԸՀ–ն ամփոփել է Երևանի ավագանու ընտրությունների նախնական տվյալները. ո՞վ է առաջատարը
00:03 18.09.2023 (Թարմացված է: 01:52 18.09.2023)
© Sputnik / Aram Nersesyan
Բաժանորդագրվել
Անցողիկ շեմը կուսակցությունների համար 4 տոկոս է, կուսակցությունների դաշինքների համար՝ 6 տոկոսը։
ԵՐԵՎԱՆ, 18 սեպտեմբերի – Sputnik. «Քաղաքացիական պայմանագիր» կուսակցությունը այս պահին առաջատարն է Երևանի ավագանու ընտրությունների նախնական արդյունքներով։ Նախնական տվյալները կեսգիշերի դրությամբ հայտնեց ԿԸՀ քարտուղար Արմեն Սմբատյանը` ամփոփելով 475 ընտրատեղամասերից 37-ի արդյունքները։
Ըստ այս պահի տվյալների՝ երկրորդ տեղում է «Ազգային առաջընթաց» կուսակցությունը։ Իսկ երրորդ տեղում «Մայր Հայաստան» դաշինքն է։
«Հանրային ձայն» կուսակցություն (Արտակ Գալստյան), 1576 ձայն, 10.51 տոկոս
«Քաղաքացիական պայմանագիր» կուսակցություն (Տիգրան Ավինյան), 5198 ձայն 34.67 տոկոս
«Արդար Հայաստան» կուսակցություն (Նորիկ Նորիկյան), 153 ձայն, 1.2 տոկոս
«Հաղթանակ» կուսակցություն (Վիկտոր Մնացականյան), 219 ձայն, 1.46 տոկոս
«Ուժը հայրենյաց» կուսակցություն (Նելլի Հարությունյան), 119 ձայն, 0.79 տոկոս
«Հայաստանի եվրոպական» կուսակցություն (թեկնածուն` Տիգրան Խզմալյան), 157 ձայն, 1.5 տոկոս
«Ազգային առաջընթաց» կուսակցություն (Հայկ Մարության), 2728 ձայն, 18.19 տոկոս
«Հանուն սոցիալական արդարության» կուսակցություն (Արման Ղուկասյան), 53 ձայն, 0.35 տոկոս
«Հանրապետություն» կուսակցություն (Արտակ Զեյնալյան), 1698 ձայն, 11.32 տոկոս
«Միացյալ Հայաստան» կուսակցություն (Երվանդ Թարվերդյան), 61 ձայն, 0.41 տոկոս
«Լուսավոր Հայաստան» կուսակցություն (Դավիթ Խաժակյան), 336 ձայն, 2.24 տոկոս
«Ժողովրդավարական համախմբում» կուսակցություն (Սուրեն Պետրոսյան), 159 ձայն, 1.6 տոկոս
«Ապրելու երկիր» կուսակցություն (Մանե Թանդիլյան), 435 ձայն, 2.9 տոկոս
«Մայր Հայաստան» դաշինք («Երկիր Ծիրանի» և «Ինտելեկտուալ Հայաստան կուսակցություններ) (Անդրանիկ Թևանյան) 2102 ձայն, 14.2 տոկոս։
Հիշեցնենք` Երևանում այսօր ավագանու ընտրություններ էին, որին մասնակցում էին 13 կուսակցություն և 1 դաշինք։ Երևանի 12 վարչական շրջաններում գործել են 475 ընտրական տեղամասերի դռները։
Ըստ ԿԸՀ նախագահ Վահագն Հովակիմյանի հրապարակած տվյալների՝ ընտրություններին մասնակցել է 234 553 քաղաքացի կամ ընտրողների 28.46 տոկոսը։
Данные ЦИК по итогам голосования на полночь
© Photo
Սեպտեմբերի 7-ի դրությամբ Երևանում ընտրողների թիվը կազմում է 824 հազար 250։
Ըստ վարչական շրջանների` ամենաշատ ընտրողները Շենգավիթ համայնքում են` 110780, իսկ ամենաքիչը Նուբարաշենում` 8065։
Մանդատները բաշխվում են համամասնորեն բոլոր քաղաքական ուժերի միջև, որոնք հաղթահարել են նվազագույն ձայների շեմը (4 տոկոս՝ կուսակցությունների համար և 6 տոկոս՝ կուսակցությունների դաշինքների համար)։
