https://arm.sputniknews.ru/20230914/eraskhi-gvortsarani-karucman-vajry-pastaci-teghapvokhvel-e-lusankarner-65802810.html

Երասխի գործարանի կառուցման վայրը փաստացի տեղափոխվել է. լուսանկարներ

Երասխի գործարանի կառուցման վայրը փաստացի տեղափոխվել է. լուսանկարներ

Sputnik Արմենիա

Վերջին օրերին գործարանի աշխատակիցները շինհրապարակից ապրանքներ են դուրս բերել ԵՄ դիտորդների ներկայությամբ Ադրբեջանի ԶՈւ-ի կրակոցներից խուսափելու համար: 14.09.2023, Sputnik Արմենիա

2023-09-14T15:46+0400

2023-09-14T15:46+0400

2023-09-14T16:11+0400

երասխ

գործարան

հայ-ադրբեջանական

ադրբեջան

արարատ

կրակոց

https://cdn.am.sputniknews.ru/img/07e7/09/0e/65798708_0:150:1600:1050_1920x0_80_0_0_1a0b06e6b76f9d196126133dc1dca187.jpg

ԵՐԵՎԱՆ, 14 սեպտեմբերի - Sputnik. Երասխում հայ-ամերիկյան մետալուրգիական գործարանի կառուցման վայրը փաստացի տեղափոխվել է Արարատ քաղաքի հարակից տարածք:Ավելի վաղ Sputnik Արմենիան գրել էր, որ Երասխում կառուցվող գործարանն առաջիկայում կարող է տեղափոխվել ավելի անվտանգ վայր։ Դրանից հետո երկու բաժնետերերից մեկը` Virtual Funding ընկերության սեփականատեր, գործարանը կառուցող GTB ընկերության տնօրենների խորհրդի նախագահ Գրիգոր Տեր-Ղազարյանը հայտարարել էր, որ նման ծրագրեր այս պահին չկան, և «տեխնիկական դադարից» հետո շինարարությունը կշարունակվի։Նախօրեին ԵՄ առաքելությունը X–ի իր էջում գրել էր, որ իր ներկայությամբ նպաստում են նյութերի և սարքավորումների ապահով և անվտանգ տեղափոխմանը նոր վայր, սակայն մեկ ժամ անց խմբագրվել էր գրառումը։Sputnik Արմենիայի թղթակիցը եղել է Երասխի տարածքում և համոզվել, որ շինարարությունը սառեցված է։ Գործարանի կառուցման վայրում աշխատակիցներից միայն պահակն է եղել։Տեղացիները թղթակցին հայտնել են, որ գործարանը փաստացի տեղափոխվել է։ Վերջին օրերին նրանք նկատել են, թե ինչպես է աստիճանաբար շինհրապարակից հանվում ամբողջ ապրանքն ու տեխնիկան։ Նրանք նաև փաստել են, որ աշխատանքներն իսկապես տարվել են ԵՄ դիտորդերի հսկողությամբ։«ԵՄ դիտորդները ներկա էին, որ աշխատողները կարողանան ամեն ինչ հանել, այլապես ադրբեջանցիները կրակում էին, թույլ չէին տալիս մտնել շինհրապարակ», - ասաց բնակիչներից մեկը:Փաստացի գործարանն այժմ կառուցվում է Արարատ քաղաքին հարող տարածքում։ Ըստ Sputnik Արմենիայի տեղեկության` այնտեղ շինաշխատանքները մեկնարկել են դեռևս հուլիսին։ՀՀ էկոնոմիկայի նախարարությունից գործարանի տեղափոխման մասին տեղեկությունը ո՛չ հաստատեցին, ո՛չ էլ հերքեցին։«Այս պահին քննարկումներ են ընթանում կառավարության մակարդակով», - նշեցին գերատեսչությունից:Ի դեպ, ՀՀ վարչապետ Նիկոլ Փաշինյանի ընտանիքին պատկանող «Հայկական ժամանակ» թերթն այսօր մեկնաբանություն է ստացել GTB հոլդինգից մամուլում տարածված` գործարանի տեղափոխման լուրերի մասին։«Ոչ մի բան չի տեղափոխվել, չի կասեցվել և չի դադարեցվել։ Երասխն անպայման ունենալու է իր շարունակությունը։ Ինչպես ծրագրված ու նախատեսված էր, սա արտադրական պրոցեսի ընդամենը փուլերից մեկն է։ Թե ո՞ր փուլը, թույլ տվեք այս պահին չմանրամասնել»,– ասել են ընկերությունից։Հիշեցնենք` հունիսի 13-ից ադրբեջանական կողմը պարբերաբար կրակում է Երասխում կառուցվող մետալուրգիական ձեռնարկության ուղղությամբ։ Հունիսի 14-ին տեղի ունեցած հրաձգության հետևանքով հաստատությունում աշխատող Հնդկաստանի երկու քաղաքացի է վիրավորվել։Երասխում կառուցվող մետալուրգիական գործարանի սեփականատերերն են ամերիկյան Virtual Funding և CESI Global Investments ընկերությունները: Հուլիսի 14-ին նրանք համատեղ հայտարարությամբ դիմել էին Ադրբեջանին` զգուշացնելով, որ անզեն աշխատողների ուղղությամբ ադրբեջանական զինված ուժերի գնդակոծությունների վերսկսման դեպքում իրենք դա կդիտարկեն որպես ուղիղ հարված ամերիկյան կապիտալին:

երասխ

ադրբեջան

արարատ

2023

Լուրեր

am_HY

երասխ, գործարան, հայ-ադրբեջանական, ադրբեջան, արարատ, կրակոց