Հայաստանն ու Չեխիան կհամագործակցեն ռազմատեխնիկական ոլորտում
© Sputnik / Asatur YesayantsՀայաստանի ու Չեխիայի դրոշները
![Հայաստանի ու Չեխիայի դրոշները Հայաստանի ու Չեխիայի դրոշները - Sputnik Արմենիա, 1920, 11.09.2023](https://cdn.am.sputniknews.ru/img/07e5/0a/01/33824360_0:37:1600:938_1920x0_80_0_0_6b244ba343d39c9fe02c5ab74adf8352.jpg)
© Sputnik / Asatur Yesayants
Բաժանորդագրվել
Համաձայնագրով նախատեսված է նաև անհրաժեշտ մասնագետների և տեխնիկական անձնակազմի պատրաստման գործընթացը։
ԵՐԵՎԱՆ, 11 սեպտեմբերի–Sputnik. Հայաստանի և Չեխիայի հանրապետությունները կհամագործակցեն ռազմատեխնիկական ոլորտում։ Նախագիծը խորհրդարանում ներկայացրեց պաշտպանության նախարարի տեղակալ Արման Սարգսյանը։
«Համաձայնագրով սահմանվում է ռազմատեխնիկական բնագավառում համագործակցության ուղղությունները, որոնք ներառում են ռազմական նշանակության արտադրանքի արտադրման, ներմուծման, արտահանման, լիցենզավորման, որակի նկատմամբ հսկողության ապահովման, անհրաժեշտ մասնագետների և տեխնիկական անձնակազմի պատրաստման գործընթացը, ռազմատեխնիկական ոլորտում գործունեություն իրականացնող ընկերություններին աջակցության ապահովման, տեղեկությունների փոխանակման և պահպանման հարաբերությունները»,– ներկայացրեց փոխնախարարը։
Համաձայնագրի դրույթների իրագործման նպատակով կողմերի լիազոր մարմիններն են Հայաստանի և Չեխիայի պաշտպանության նախարարությունները։