Անգամ խորհրդային տարիներին բռնակալ չի եղել. Փաշինյանը ներկա էր Դեմիրճյանի արձանի բացմանը
13:35 09.09.2023 (Թարմացված է: 19:03 09.09.2023)
© Photo : official site of the Government of RAՆիկոլ Փաշինյանը Կարեն Դեմիրճյանի արձանի բացմանը
![Նիկոլ Փաշինյանը Կարեն Դեմիրճյանի արձանի բացմանը Նիկոլ Փաշինյանը Կարեն Դեմիրճյանի արձանի բացմանը - Sputnik Արմենիա, 1920, 09.09.2023](https://cdn.am.sputniknews.ru/img/07e7/09/09/65554440_0:95:1280:815_1920x0_80_0_0_52c3188ab3eaa584471fd7a2b4e63df7.jpg)
Նիկոլ Փաշինյանը Կարեն Դեմիրճյանի արձանի բացմանը
© Photo : official site of the Government of RA
Բաժանորդագրվել
Նիկոլ Փաշինյանն իր ելույթում անդրադարձավ նաև 1999 թ. հոկտեմբերի 27–ի ողբերգական իրադարձություններին։
ԵՐԵՎԱՆ, 9 սեպտեմբերի – Sputnik. Անգամ խորհրդային տարիներին Կարեն Դեմիրճյանը բռնակալ չի եղել, հենց նաև դա էր նրա նկատմամբ ժողովրդի սիրո պատճառներից մեկը։ Երևանի Կ. Դեմիրճյանի անվան մարզահամերգային համալիրի մոտ Կարեն Դեմիրճյանի արձանի բացման արարողության ժամանակ իր ելույթում հայտարարեց ՀՀ վարչապետ Նիկոլ Փաշինյանը։
© Photo : official site of the Government of RAԿարեն Դեմիրճյանի հուշարձանը
![Торжественное открытие памятника Национальному герою Армении Карену Демирчяну перед СКК (9 сентября 2023). Еревaн Торжественное открытие памятника Национальному герою Армении Карену Демирчяну перед СКК (9 сентября 2023). Еревaн - Sputnik Արմենիա, 1920, 09.09.2023](https://cdn.am.sputniknews.ru/img/07e7/09/09/65554418_0:0:1280:853_1920x0_80_0_0_23123403119a93e0eb70af1d203e3280.jpg)
Կարեն Դեմիրճյանի հուշարձանը
© Photo : official site of the Government of RA
Հայ ականավոր պետական գործիչ Կարեն Դեմիրճյանի բրոնզաձույլ արձանի բացման հանդիսավոր արարողությունը տեղի ունեցավ Երևանի մարզահամերգային համալիրի 40–ամյակի միջոցառումների շրջանակում։ Բացման պաշտոնական արարողությանը ներկա էին նաև ՀՀ նախագահ Վահագն Խաչատուրյանը, ԱԺ նախագահ Ալեն Սիմոնյանը, Կարեն Դեմիրճյանի երկու որդիները` Սամվել և Ստեփան Դեմիրճյանները։
Փաշինյանն իր խոսքում նշեց, որ արձանի տեղադրման համար նախատեսված սկզբնական վայրը` Չարենցի տուն–թանգարանի հարևանությամբ գտնվող այգին, անհասկանալի էր, այդ վայրը դուր չէր գալիս անգամ Կարեն Դեմիրճյանի կնոջը` տիկին Ռիմային։
© Photo : official site of the Government of RAՍտեփան Դեմիրճյանը, Արայիկ Հարությունյանը և Տիգրան Ավինյանը ծաղիկներ են դնում Կարեն Դեմիրճյանի հուշարձանին
![Степан Демирчян, Араик Арутюнян и Тигран Авинян возлагают цветы к памятнику Национальному герою Армении Карену Демирчяну перед СКК (9 сентября 2023). Еревaн Степан Демирчян, Араик Арутюнян и Тигран Авинян возлагают цветы к памятнику Национальному герою Армении Карену Демирчяну перед СКК (9 сентября 2023). Еревaн - Sputnik Արմենիա, 1920, 09.09.2023](https://cdn.am.sputniknews.ru/img/07e7/09/09/65554484_0:0:1280:853_1920x0_80_0_0_6f26517d6ff079fb4094a92adfc5652f.jpg)
Ստեփան Դեմիրճյանը, Արայիկ Հարությունյանը և Տիգրան Ավինյանը ծաղիկներ են դնում Կարեն Դեմիրճյանի հուշարձանին
© Photo : official site of the Government of RA
Նա իր ելույթում անդրադարձավ նաև 1999 թ. հոկտեմբերի 27–ի ողբերգական իրադարձություններին, երբ ՀՀ խորհրդարանում սպանվեց 8 մարդ, այդ թվում` ԱԺ նախագահ Կարեն Դեմիրճյանն ու վարչապետ Վազգեն Սարգսյանը։
«Ես չեմ ուզում ու չեմ կարող հավատալ, որ այն ձեռքը, որ կրակել է Կարեն Դեմիրճյանի վրա, կարող է որևէ հոգևոր, արժեքային, մարդկային կապ ունենալ Հայաստանի ու հայ ժողովրդի հետ։ Ես չեմ կարող հավատալ, որ այս հողի վրա քայլող, այս ջուրը խմած կամ, ավելի ճիշտ, դրանից սնուցված որևէ մեկը կարող էր մտքովն անցկացնել Կարեն Դեմիրճյանի ու Վազգեն Սարգսյանի սպանությունը կազմակերպել»,– հայտարարեց նա։
Ըստ նրա` դա հանցագործություն չէր անձանց նկատմամբ, այլ հանցագործություն էր ՀՀ–ի նկատմամբ։
Փաշինյանն ավելացրեց, որ այսօր շատ հին գործեր են սկսել վերանայել և արդյունքում տեսնում են, որ պետական ամենաբարձր մակարդակով շատ ապացույցներ են կեղծվել։
«Շատ մեծ պատիվ կբերի ՀՀ իրավապահ համակարգին այն, եթե մենք կարողանանք հայ ժողովրդին կարողանանք տալ ուղիղ պատասխաններ` ինչու և ինչպես դա տեղի ունեցավ, ովքեր են դրա մեղավորները»,– ընդգծեց նա։
Հիշեցնենք, որ ՀՀ կառավարությունը Կարեն Դեմիրճյանի արձանը մարզահամերգային համալիրի տարածքում տեղադրելու որոշումը կայացրել էր դեռ 2019 թվականին։
Կարեն Դեմիրճյանը եղել է Հայաստանի կոմունիստական կուսակցության կենտրոնական կոմիտեի առաջին քարտուղար, Ազգային ժողովի նախագահ։