https://arm.sputniknews.ru/20230907/hajastany-shahagrgrvats-che-razmakan-eskalaciajvov-hh-agnn-ardzaganqel-e-adrbejani-agnin-65445130.html
Հայաստանը շահագրգռված չէ ռազմական էսկալացիայով. ՀՀ ԱԳՆ–ն արձագանքել է Ադրբեջանի ԱԳՆ–ին
Հայաստանը շահագրգռված չէ ռազմական էսկալացիայով. ՀՀ ԱԳՆ–ն արձագանքել է Ադրբեջանի ԱԳՆ–ին
Sputnik Արմենիա
ՀՀ ԱԳՆ–ն շեշտում է, որ Հայաստանը նախկինում առաջարկել է, հիմա էլ առաջարկում է ռազմական էսկալացիայի ռիսկերը բացառելու մեխանիզմներ, որոնք մինչ օրս անպատասխան են... 07.09.2023, Sputnik Արմենիա
2023-09-07T18:33+0400
2023-09-07T18:33+0400
2023-09-07T18:37+0400
հայաստան
ադրբեջան
նիկոլ փաշինյան
արտաքին գործերի նախարարություն (ագն)
https://cdn.am.sputniknews.ru/img/2344/76/23447699_0:0:1600:901_1920x0_80_0_0_ecdf6091beef8c07739f215345480d5f.jpg
ԵՐԵՎԱՆ, 7 սեպտեմբերի – Sputnik. Հայաստանն Ադրբեջանից ոչ մի տարածքային պահանջ չունի և նույնն ակնկալում է Ադրբեջանից, որը մինչ օրս հրապարակայնորեն չի հաստատել իր հավատարմությունը մինչ այս ձեռք բերված պայմանավորվածություններին: ՀՀ արտաքին գործերի նախարարությունն անդրադարձել է այսօր ՀՀ կառավարությունում ՀՀ վարչապետ Նիկոլ Փաշինյանի ելույթից հետո Ադրբեջանի արտաքին գործերի նախարարության տարածած հայտարարությանը։Փաշինյանը հայտարարել էր, որ տարածաշրջանում ռազմաքաղաքական իրավիճակն էականորեն սրվել է։ Պատճառը, ըստ նրա, այն է, որ Ադրբեջանը օրեր շարունակ զորքեր է կուտակում ՀՀ–ի և Արցախի շփման գծերում։ ՀՀ վարչապետի հայտարարությունից հետո Ադրբեջանի ԱԳՆ–ն հաղորդագրություն էր տարածել` նշելով, թե իբր դա հայկական կողմի հերթական կեղծ քաղաքական մանիպուլյացիայի մասն է, և հայկական զինված ուժերը, հակառակ իրենց պարտավորությունների, զորքերը դուրս չեն բերում ադրբեջանական տարածքներից։ՀՀ ԱԳՆ հայտարարության մեջ ընդգծվում է, որ սոցիալական ցանցերի ադրբեջանցի օգտատերերը և լրատվամիջոցներն իրենք են հրապարակել Հայաստան-Ադրբեջան սահմանի մոտակայքում և Լեռնային Ղարաբաղի շփման գծի երկայնքով ադրբեջանական զորքեր կուտակելու մասին վկայող տեղեկություններ, ինչը հաստատվում է նաև այլ աղբյուրների տեղեկատվությամբ:Այսօրվա ելույթում Փաշինյանը հայտարարել է, որ ՀՀ-ն հավատարիմ է 2022թ. հոկտեմբերի 6-ին Պրահայում, 2022թ. հոկտեմբերի 31-ին Սոչիում և 2023թ. մայիսի 14-ին Բրյուսելում ձեռք բերված պայմանավորվածություններին, ինչով վերահաստատվել է Հայաստանի և Ադրբեջանի կողմից փոխադարձաբար միմյանց տարածքային ամբողջականության անվերապահ ճանաչումը։Գերատեսչությունը շեշտել է, որ ՀՀ–ն նվիրված է և շարունակում է հավատարիմ լինել Հարավային Կովկասում խաղաղության և կայունության օրակարգին՝ միևնույն ժամանակ ընդգծելով պաշտոնական Բաքվի կողմից նույնպիսի հռետորաբանության և գործնական ազդակների անհրաժեշտությունը:«Ակնհայտ է, որ Լաչինի միջանցքի արգելափակումը, Լեռնային Ղարաբաղում հաստատված հումանիտար ճգնաժամը և Բաքու-Ստեփանակերտ երկխոսության բացակայությունը՝ միջազգային մեխանիզմի շրջանակներում, չի նպաստում տարածաշրջանում մթնոլորտի բարելավմանը»,– նշված է հաղորդագրության մեջ:Հիշեցնենք` 2022–ի դեկտեմբերի 12-ին քաղաքացիական հագուստով մի խումբ ադրբեջանցիներ բնապահպանական պատճառաբանությամբ փակեցին Արցախը ՀՀ–ին կապող Ստեփանակերտ-Գորիս մայրուղին, որտեղից հեռացան ապրիլի 28-ին, քանի որ ապրիլի 23-ին Ադրբեջանն անցակետ տեղադրեց Լաչինի ճանապարհի վրա` այն ամբողջությամբ առնելով իր վերահսկողության տակ։ Արցախը զրկվել է նաև ՀՀ–ից մատակարարվող գազից և էլեկտրաէներգիայից։Հուլիսի 26-ին առաջին անհրաժեշտության շուրջ 400 տ ապրանքով բեռնված 19 բեռնատար Երևանից ուղևորվեցինշրջափակման մեջ գտնվող Արցախ։ Բեռնատարները հասել են Սյունիքի Կոռնիձոր համայնք և մինչ օրս կանգնած են Լաչինի միջանցքի սահմանին։Օգոստոսի 30–ից սահմանին կանգնած են մնացել նաև Ֆրանսիայի տարբեր քաղաքներից Արցախի համար բեռ տանող ֆրանսիական բեռնատարները։
ադրբեջան
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, ադրբեջան, նիկոլ փաշինյան, արտաքին գործերի նախարարություն (ագն)
հայաստան, ադրբեջան, նիկոլ փաշինյան, արտաքին գործերի նախարարություն (ագն)
Հայաստանը շահագրգռված չէ ռազմական էսկալացիայով. ՀՀ ԱԳՆ–ն արձագանքել է Ադրբեջանի ԱԳՆ–ին
18:33 07.09.2023 (Թարմացված է: 18:37 07.09.2023) ՀՀ ԱԳՆ–ն շեշտում է, որ Հայաստանը նախկինում առաջարկել է, հիմա էլ առաջարկում է ռազմական էսկալացիայի ռիսկերը բացառելու մեխանիզմներ, որոնք մինչ օրս անպատասխան են մնացել Ադրբեջանի կողմից։
ԵՐԵՎԱՆ, 7 սեպտեմբերի – Sputnik. Հայաստանն Ադրբեջանից ոչ մի տարածքային պահանջ չունի և նույնն ակնկալում է Ադրբեջանից, որը մինչ օրս հրապարակայնորեն չի հաստատել իր հավատարմությունը մինչ այս ձեռք բերված պայմանավորվածություններին:
ՀՀ արտաքին գործերի նախարարությունն անդրադարձել է այսօր ՀՀ կառավարությունում ՀՀ վարչապետ Նիկոլ Փաշինյանի ելույթից հետո Ադրբեջանի արտաքին գործերի նախարարության տարածած հայտարարությանը։
Փաշինյանը հայտարարել էր, որ տարածաշրջանում ռազմաքաղաքական իրավիճակն էականորեն սրվել է։ Պատճառը, ըստ նրա, այն է, որ Ադրբեջանը օրեր շարունակ զորքեր է կուտակում ՀՀ–ի և Արցախի շփման գծերում։ ՀՀ վարչապետի հայտարարությունից հետո Ադրբեջանի ԱԳՆ–ն հաղորդագրություն էր տարածել` նշելով, թե իբր դա հայկական կողմի հերթական կեղծ քաղաքական մանիպուլյացիայի մասն է, և հայկական զինված ուժերը, հակառակ իրենց պարտավորությունների, զորքերը դուրս չեն բերում ադրբեջանական տարածքներից։
ՀՀ ԱԳՆ հայտարարության մեջ ընդգծվում է, որ սոցիալական ցանցերի ադրբեջանցի օգտատերերը և լրատվամիջոցներն իրենք են հրապարակել Հայաստան-Ադրբեջան սահմանի մոտակայքում և Լեռնային Ղարաբաղի շփման գծի երկայնքով ադրբեջանական զորքեր կուտակելու մասին վկայող տեղեկություններ, ինչը հաստատվում է նաև այլ աղբյուրների տեղեկատվությամբ:
Այսօրվա ելույթում Փաշինյանը հայտարարել է, որ ՀՀ-ն հավատարիմ է 2022թ. հոկտեմբերի 6-ին Պրահայում, 2022թ. հոկտեմբերի 31-ին Սոչիում և 2023թ. մայիսի 14-ին Բրյուսելում ձեռք բերված պայմանավորվածություններին, ինչով վերահաստատվել է Հայաստանի և Ադրբեջանի կողմից փոխադարձաբար միմյանց տարածքային ամբողջականության անվերապահ ճանաչումը։
«Հայաստանը շահագրգռված չէ ռազմական էսկալացիայով, նախկինում առաջարկել է, հիմա էլ առաջարկում է նման ռիսկերը բացառելու մեխանիզմներ, որոնք մինչ օրս անպատասխան են մնացել, և պատրաստ է քննարկել արդյունավետ այլ մեխանիզմների ներդրումը նույնպես: ՀՀ–ն պատրաստ է շարունակել ակտիվ ջանքեր ներդնել հնարավորինս շուտ Ադրբեջանի հետ խաղաղության և հարաբերությունների կարգավորման պայմանագրի նախագծի շուրջ աշխատանքներն ավարտելու և այն ստորագրելու ուղղությամբ»,– նշված է ԱԳՆ–ի հայտարարության մեջ:
Գերատեսչությունը շեշտել է, որ ՀՀ–ն նվիրված է և շարունակում է հավատարիմ լինել Հարավային Կովկասում խաղաղության և կայունության օրակարգին՝ միևնույն ժամանակ ընդգծելով պաշտոնական Բաքվի կողմից նույնպիսի հռետորաբանության և գործնական ազդակների անհրաժեշտությունը:
«Ակնհայտ է, որ Լաչինի միջանցքի արգելափակումը, Լեռնային Ղարաբաղում հաստատված հումանիտար ճգնաժամը և Բաքու-Ստեփանակերտ երկխոսության բացակայությունը՝ միջազգային մեխանիզմի շրջանակներում, չի նպաստում տարածաշրջանում մթնոլորտի բարելավմանը»,– նշված է հաղորդագրության մեջ:
Հիշեցնենք` 2022–ի դեկտեմբերի 12-ին
քաղաքացիական հագուստով մի խումբ ադրբեջանցիներ բնապահպանական պատճառաբանությամբ փակեցին Արցախը ՀՀ–ին կապող Ստեփանակերտ-Գորիս մայրուղին, որտեղից
հեռացան ապրիլի 28-ին, քանի որ ապրիլի 23-ին Ադրբեջանն
անցակետ տեղադրեց Լաչինի ճանապարհի վրա` այն ամբողջությամբ առնելով իր վերահսկողության տակ։ Արցախը զրկվել է նաև ՀՀ–ից մատակարարվող գազից և էլեկտրաէներգիայից։
Հուլիսի 26-ին առաջին անհրաժեշտության շուրջ 400 տ ապրանքով բեռնված 19 բեռնատար Երևանից
ուղևորվեցինշրջափակման մեջ գտնվող Արցախ։ Բեռնատարները հասել են Սյունիքի Կոռնիձոր համայնք և մինչ օրս կանգնած են Լաչինի միջանցքի սահմանին։
Օգոստոսի 30–ից սահմանին կանգնած են մնացել նաև Ֆրանսիայի տարբեր քաղաքներից Արցախի համար բեռ տանող ֆրանսիական բեռնատարները։
