https://arm.sputniknews.ru/20230907/hajastanum-grancvats-gvortsazurkneri-tivy-hulisin-krkin-amenametsn-e-eghel-eatm-um-65492044.html
Հայաստանում գրանցված գործազուրկների թիվը հուլիսին կրկին ամենամեծն է եղել ԵԱՏՄ-ում
Հայաստանում գրանցված գործազուրկների թիվը հուլիսին կրկին ամենամեծն է եղել ԵԱՏՄ-ում
Sputnik Արմենիա
Հայաստանում պաշտոնապես գրանցված գործազուրկների թիվը 3,4% է, իսկ նրանց գումարային թիվը՝ 13,7%: Բայց մեկ տարվա ընթացքում այդ ցուցանիշը նվազել է ռուսաստանցիների և... 07.09.2023, Sputnik Արմենիա
2023-09-07T16:06+0400
2023-09-07T16:06+0400
2023-09-08T16:09+0400
հայաստան
գործազուրկներ
եվրասիական տնտեսական միություն (եատմ)
վիճակագրություն
https://cdn.am.sputniknews.ru/img/2088/80/20888020_0:85:1600:985_1920x0_80_0_0_ac3f073db63f096548b03cc5055f2d5a.jpg
ԵՐԵՎԱՆ, 7 սեպտեմբերի – Sputnik. Հայաստանում գրանցված գործազուրկների թիվը 2023 թվականի հուլիսին, ինչպես նախորդ ամիսներին, կրկին ամենամեծն է եղել Եվրասիական միությունում։Եվրասիական տնտեսական հանձնաժողովի վիճակագրության բաժինը հայտնում է, որ Հայաստանում այդ ցուցանիշը կազմել է 3,4%, Ղազախստանում՝ 3,1%, Ղրղզստանում՝ 2,7%, Ռուսաստանում՝ 0,7%, Բելառուսում՝ 0,1%: Հայաստանում պաշտոնապես աշխատանք փնտրող գրանցված քաղաքացիների բացարձակ թիվը մեկ տարում նվազել է 4 հազարով (2022 թվականի հուլիսի համեմատ)` կազմելով 44,3 հազար։Նշենք, որ Հայաստանում գործազուրկների հիմնական մասը գրանցված չէ զբաղվածության ծառայությունում, ինչը հաստատում են նաև աշխատաշուկայի ուսումնասիրությունները, որոնց հիման վրա ազգային վիճակագրական կոմիտեն հրապարակում է գործազրկության ընդհանուր տվյալները:Այս տվյալները հրապարակվում են եռամսյակային կտրվածքով որոշակի ուշացումով։ 2023 թվականի առաջին եռամսյակում (առկա վերջին տվյալները) Հայաստանում ընդհանուր գործազրկությունը կազմել է 13,7%:ԵԱՏՄ–ում հունվար-հուլիսին անասնաբուծական արտադրանքի ծավալներն աճել են, Հայաստանում՝ նվազելԱնցյալ տարի գործազրկությունը նվազել էր ռուսաստանցիների ներհոսքի պատճառով, ինչը ծառայությունների ոլորտում զբաղվածության աճ էր առաջացրել: Այսպիսով աշխատաշուկան «գերտաքացել» էր, քանի որ աճում էր աշխատողների թիվը, բայց ոչ ապրանքների արտադրությունը։ Գնաճը կանխելու համար ԿԲ-ն մի քանի անգամ բարձրացրեց առանցքային տոկոսադրույքը։ Արդյունքում (ոչ միայն, այլև այդ պատճառով) տնտեսության մեջ պահանջարկը սկսեց դանդաղել, գնաճը նվազեց, իսկ աշխատաշուկան մի փոքր «սառեց»։Ավելացնենք, որ ԵԱՏՄ մյուս երկրներն արդեն հրապարակել են երկրորդեռամսյակի ցուցանիշները` Ղրղզստանում ընդհանուր գործազրկությունը կազմել է 4,9%, Ղազախստանում՝ 4,7%, Բելառուսում՝ 3,4%, Ռուսաստանում՝ 3,2%:Ո՞ւմ հետ է համագործակցում ԵԱՏՄ–ն
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, գործազուրկներ, եվրասիական տնտեսական միություն (եատմ), վիճակագրություն
հայաստան, գործազուրկներ, եվրասիական տնտեսական միություն (եատմ), վիճակագրություն
Հայաստանում գրանցված գործազուրկների թիվը հուլիսին կրկին ամենամեծն է եղել ԵԱՏՄ-ում
16:06 07.09.2023 (Թարմացված է: 16:09 08.09.2023) Հայաստանում պաշտոնապես գրանցված գործազուրկների թիվը 3,4% է, իսկ նրանց գումարային թիվը՝ 13,7%: Բայց մեկ տարվա ընթացքում այդ ցուցանիշը նվազել է ռուսաստանցիների և այլ օտարերկրյա քաղաքացիների ներհոսքի ու ծառայությունների ոլորտում ակտիվության աճի շնորհիվ։
ԵՐԵՎԱՆ, 7 սեպտեմբերի – Sputnik. Հայաստանում գրանցված գործազուրկների թիվը 2023 թվականի հուլիսին, ինչպես նախորդ ամիսներին, կրկին ամենամեծն է եղել Եվրասիական միությունում։
Եվրասիական տնտեսական հանձնաժողովի վիճակագրության բաժինը հայտնում է, որ Հայաստանում այդ ցուցանիշը կազմել է 3,4%, Ղազախստանում՝ 3,1%, Ղրղզստանում՝ 2,7%, Ռուսաստանում՝ 0,7%, Բելառուսում՝ 0,1%: Հայաստանում պաշտոնապես աշխատանք փնտրող գրանցված քաղաքացիների բացարձակ թիվը մեկ տարում նվազել է 4 հազարով (2022 թվականի հուլիսի համեմատ)` կազմելով 44,3 հազար։
Նշենք, որ Հայաստանում գործազուրկների հիմնական մասը գրանցված չէ զբաղվածության ծառայությունում, ինչը հաստատում են նաև աշխատաշուկայի ուսումնասիրությունները, որոնց հիման վրա ազգային վիճակագրական կոմիտեն հրապարակում է գործազրկության ընդհանուր տվյալները:
Այս տվյալները հրապարակվում են եռամսյակային կտրվածքով որոշակի ուշացումով։ 2023 թվականի առաջին եռամսյակում (առկա վերջին տվյալները) Հայաստանում ընդհանուր գործազրկությունը կազմել է 13,7%:
Անցյալ տարի գործազրկությունը նվազել էր ռուսաստանցիների ներհոսքի պատճառով, ինչը ծառայությունների ոլորտում զբաղվածության աճ էր առաջացրել: Այսպիսով աշխատաշուկան «գերտաքացել» էր, քանի որ աճում էր աշխատողների թիվը, բայց ոչ ապրանքների արտադրությունը։ Գնաճը կանխելու համար ԿԲ-ն մի քանի անգամ բարձրացրեց առանցքային տոկոսադրույքը։ Արդյունքում (ոչ միայն, այլև այդ պատճառով) տնտեսության մեջ պահանջարկը սկսեց դանդաղել, գնաճը նվազեց, իսկ աշխատաշուկան մի փոքր «սառեց»։
Ավելացնենք, որ ԵԱՏՄ մյուս երկրներն արդեն հրապարակել են երկրորդեռամսյակի ցուցանիշները` Ղրղզստանում ընդհանուր գործազրկությունը կազմել է 4,9%, Ղազախստանում՝ 4,7%, Բելառուսում՝ 3,4%, Ռուսաստանում՝ 3,2%:
