https://arm.sputniknews.ru/20230907/gvor-sahakjany-ashkharhi-arajnutjan-brvonze-medalakir-e-65459243.html
Ծանրորդ Գոռ Սահակյանը աշխարհի առաջնության բրոնզե մեդալակիր է
Ծանրորդ Գոռ Սահակյանը աշխարհի առաջնության բրոնզե մեդալակիր է
Sputnik Արմենիա
Ծանրամարտի աշխարհի 2023 թվականի առաջնությունում 2024 թվականին Փարիզում կայանալիք ամառային օլիմպիական խաղերի վարկանիշների համար պայքարի մեջ մտավ նաև տղամարդկանց... 07.09.2023, Sputnik Արմենիա
2023-09-07T21:59+0400
2023-09-07T21:59+0400
2023-09-07T23:06+0400
գոռ սահակյան
էր ռիադ
սաուդյան արաբիա
ծանրամարտ
https://cdn.am.sputniknews.ru/img/07e7/04/11/58320085_0:0:1600:901_1920x0_80_0_0_07e59b9a8e84879cd1f49bccdfeb2344.jpg
ԵՐԵՎԱՆ, 7 սեպտեմբերի, Sputnik - Խաչիկ Չախոյան. Սաուդյան Արաբիայի մայրաքաղաք Էր Ռիադում սեպտեմբերի 4-17-ն անցկացվող ծանրամարտի աշխարհի առաջնության 67 կգ քաշայինների մրցավեճում Գոռ Սահակյանը պոկում վարժությունում 142 կգ արդյունքով բրոնզե մեդալ վաստակեց, հրում վարժությունում նույն արդյունքին հասավ՝ բարձրացնելով 170 կգ և երկամարտում բրոնզե մեդալ նվաճեց 312 կգ արդյունքով։Այս տարի Գոռ Սահակյանն արդեն զարմացրել է շատերին Երևանում կայացած ծանրամարտի Եվրոպայի առաջնությունում։ Այն ժամանակ 19-ամյա Գոռը պոկում և հրում վարժություններում, ինպես նաև երկամարտում նվաճեց միայն ոսկե մեդալներ։ Աշխարհի առաջնությունում սակայն 20-ամյա ծանրորդի մրցակիցները անհամեմատ ուժեղ էին։Պոկում վարժությունում Գոռ Սահակյանը առաջին մոտեցման համար պատվիրել էր 140կգ, հետո փոխեց 142կգ ու ձախողեց մոտեցումը։ Երկրորդ փորձն էլ աանարդյունավետ ստացվեց հայ ծանրորդի համար, և արդեն վտանգ կար վարժությունում և հետևաբար նաև երկամարտում զրո ստանալու։ Երրորդ մոտեցման ժամանակ մեծ դժվարությամբ Սահակյանը բարձրացրեց 142 կգ կշռող ծանրաձողն ու նույնիսկ ժեստերով ցույց տվեց, որ իր համար էլ անհասկանալի էին առաջին և երկրորդ մոտեցման ժամանակ անհաջողությունները։ Ինչևէ, 142 կգ-ը Գոռին ապահովեց բրոնզե փոքր մեդալը պոկում վարժությունում։ Այդ վարժությունում 153 կգ արդյունքով չեմպիոն հռչակվեց չինացի Չեն Լիժունը, իսկ արծաթը բաժին հասավ B խմբում հանդես եկած ինդոնեզացի Էկո Յուլի Իրավանին։ՀՀ–ն ներկայացնող ծանրորդները մեկնել են Սաուդյան Արաբիա՝ մասնակցելու աշխարհի առաջնությանըՀրում վարժությունում Գոռը առաջին մոտեցման ժամանակ չկարողացավ բարձրացնել 170 կգ-ոց ծանրաձողը։ Երկրորդ մոտեցման ժամանակ էլ նույն պատմությունը, և նորից հայ ծանրորդը մեկ մոտեցում ուներ երկամարտի արդյունք ձևակերպելու համար։ Երրորդ մոտեցման ժամանակ Սահակյանը բարձրացրեց քաշն ու նկատելի էր, որ հայ ծանրորդը ոչ թե ֆիզիկական ինչ-որ խնդիր ունի, այլ հոգեբանական։ 170 կգ-ը բարձրացրեց ու երկամարտում ստացավ 312կգ արդյունք։ Այս արդյունքը բավարար եղավ մեր մարզիկին աշխարհի առաջնության բրոնզե մեդալակիր դառնալու համար, բայց նշենք, որ իրենց ձախողումներով Գոռին «օգնեցին» նրա մրցակիցները։Հիշեցնենք, որ սեպտեմբերի 6-ին կանանց 55 կգ քաշային կարգում Իզաբելյա Յայլյանը վնասվածքի պատճառով հրաժարվեց մասնակցությունից առաջին մոտեցումից հետո, իսկ Ալեքսանդրա Գրիգորյանը երկամարտի 190կգ արդյունքով զբաղեցրեց 6-րդ տեղը։Հայաստանի հավաքականի կազմում հաջորդ մրցելույթը Էր Ռիադի մրցահարթակում լինելու է սեպտեմբերի 11-ին։ Այդ օրը մեդալների համար պայքարին կմասնակցեն նախ Ռաֆիկ Հարությունյանը (81 կգ, մեկնարկը՝ 17:30), ապա Անդրանիկ Կարապետյանը (89 կգ, մեկնարկը՝ 20:00)։
էր ռիադ
սաուդյան արաբիա
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
գոռ սահակյան, էր ռիադ, սաուդյան արաբիա, ծանրամարտ
գոռ սահակյան, էր ռիադ, սաուդյան արաբիա, ծանրամարտ
Ծանրորդ Գոռ Սահակյանը աշխարհի առաջնության բրոնզե մեդալակիր է
21:59 07.09.2023 (Թարմացված է: 23:06 07.09.2023) Ծանրամարտի աշխարհի 2023 թվականի առաջնությունում 2024 թվականին Փարիզում կայանալիք ամառային օլիմպիական խաղերի վարկանիշների համար պայքարի մեջ մտավ նաև տղամարդկանց Հայաստանի հավաքականը։ Մեր ծանրորդներից, ինչպես միշտ, սպասելիքները մեծ են։
ԵՐԵՎԱՆ, 7 սեպտեմբերի, Sputnik - Խաչիկ Չախոյան. Սաուդյան Արաբիայի մայրաքաղաք Էր Ռիադում սեպտեմբերի 4-17-ն անցկացվող ծանրամարտի աշխարհի առաջնության 67 կգ քաշայինների մրցավեճում Գոռ Սահակյանը պոկում վարժությունում 142 կգ արդյունքով բրոնզե մեդալ վաստակեց, հրում վարժությունում նույն արդյունքին հասավ՝ բարձրացնելով 170 կգ և երկամարտում բրոնզե մեդալ նվաճեց 312 կգ արդյունքով։
Այս տարի Գոռ Սահակյանն արդեն զարմացրել է շատերին Երևանում կայացած ծանրամարտի Եվրոպայի առաջնությունում։ Այն ժամանակ 19-ամյա Գոռը պոկում և հրում վարժություններում, ինպես նաև երկամարտում նվաճեց միայն ոսկե մեդալներ։ Աշխարհի առաջնությունում սակայն 20-ամյա ծանրորդի մրցակիցները անհամեմատ ուժեղ էին։
Պոկում վարժությունում Գոռ Սահակյանը առաջին մոտեցման համար պատվիրել էր 140կգ, հետո փոխեց 142կգ ու ձախողեց մոտեցումը։ Երկրորդ փորձն էլ աանարդյունավետ ստացվեց հայ ծանրորդի համար, և արդեն վտանգ կար վարժությունում և հետևաբար նաև երկամարտում զրո ստանալու։ Երրորդ մոտեցման ժամանակ մեծ դժվարությամբ Սահակյանը բարձրացրեց 142 կգ կշռող ծանրաձողն ու նույնիսկ ժեստերով ցույց տվեց, որ իր համար էլ անհասկանալի էին առաջին և երկրորդ մոտեցման ժամանակ անհաջողությունները։ Ինչևէ, 142 կգ-ը Գոռին ապահովեց բրոնզե փոքր մեդալը պոկում վարժությունում։ Այդ վարժությունում 153 կգ արդյունքով չեմպիոն հռչակվեց չինացի Չեն Լիժունը, իսկ արծաթը բաժին հասավ B խմբում հանդես եկած ինդոնեզացի Էկո Յուլի Իրավանին։
Հրում վարժությունում Գոռը առաջին մոտեցման ժամանակ չկարողացավ բարձրացնել 170 կգ-ոց ծանրաձողը։ Երկրորդ մոտեցման ժամանակ էլ նույն պատմությունը, և նորից հայ ծանրորդը մեկ մոտեցում ուներ երկամարտի արդյունք ձևակերպելու համար։ Երրորդ մոտեցման ժամանակ Սահակյանը բարձրացրեց քաշն ու նկատելի էր, որ հայ ծանրորդը ոչ թե ֆիզիկական ինչ-որ խնդիր ունի, այլ հոգեբանական։ 170 կգ-ը բարձրացրեց ու երկամարտում ստացավ 312կգ արդյունք։ Այս արդյունքը բավարար եղավ մեր մարզիկին աշխարհի առաջնության բրոնզե մեդալակիր դառնալու համար, բայց նշենք, որ իրենց ձախողումներով Գոռին «օգնեցին» նրա մրցակիցները։
Հիշեցնենք, որ սեպտեմբերի 6-ին կանանց 55 կգ քաշային կարգում Իզաբելյա Յայլյանը վնասվածքի պատճառով հրաժարվեց մասնակցությունից առաջին մոտեցումից հետո, իսկ Ալեքսանդրա Գրիգորյանը երկամարտի 190կգ արդյունքով զբաղեցրեց 6-րդ տեղը։
Հայաստանի հավաքականի կազմում հաջորդ մրցելույթը Էր Ռիադի մրցահարթակում լինելու է սեպտեմբերի 11-ին։ Այդ օրը մեդալների համար պայքարին կմասնակցեն նախ Ռաֆիկ Հարությունյանը (81 կգ, մեկնարկը՝ 17:30), ապա Անդրանիկ Կարապետյանը (89 կգ, մեկնարկը՝ 20:00)։
