https://arm.sputniknews.ru/20230906/tarorinak-ev-artarvoc-e-qaghaqagety-pashinjani-rdi-veraberjal-arats-hajtararutjan-masin-65384181.html
Տարօրինակ և արտառոց է. քաղաքագետը` Փաշինյանի` ՌԴ–ի վերաբերյալ արած հայտարարության մասին
Տարօրինակ և արտառոց է. քաղաքագետը` Փաշինյանի` ՌԴ–ի վերաբերյալ արած հայտարարության մասին
Sputnik Արմենիա
Սուրեն Սուրենյանցը շեշտեց, որ Փաշինյանի` իտալական պարբերականին տված հարցազրույցն ամբողջությամբ միջին կարգի փորձագիտական վերլուծություն էր, փորձագետը պետական... 06.09.2023, Sputnik Արմենիա
2023-09-06T23:08+0400
2023-09-06T23:08+0400
2023-09-06T23:08+0400
նիկոլ փաշինյան
ռուսաստան
հայաստան
տարածաշրջան
խաղաղապահ
լեռնային ղարաբաղ
https://cdn.am.sputniknews.ru/img/07e7/07/19/63444978_0:0:1600:901_1920x0_80_0_0_78efd9ca5de41e7f15552eb3ba07b3ee.jpg
ԵՐԵՎԱՆ, 6 սեպտեմբերի – Sputnik. Ռուսաստանի` Հարավային Կովկասից դուրս գալու վերաբերյալ ՀՀ վարչապետ Նիկոլ Փաշինյանի հայտարարությունը տարօրինակ է և պետական դիվանագիտության տեսանկյունից արտառոց։ Այս մասին Sputnik Արմենիայի հետ զրույցում ասաց քաղաքագետ Սուրեն Սուրենյանցը` անդրադառնալով Փաշինյանի` «La Repubblica» իտալական պարբերականին տված հարցազրույցում ՌԴ–ի վերաբերյալ արված հայտարարություններին։Նշենք, որ ՀՀ վարչապետ Նիկոլ Փաշինյանն իտալական պարբերականին ասել էր, թե պատմության մեջ եղել են օրինակներ, երբ Ռուսաստանը լքել է Հարավային Կովկասը։ Նրա խոսքով` կան գործընթացներ, որոնք հանգեցնում են այն մտքին, որ նույն սցենարը կարող է կրկնվել ու կարելի է առավոտյան արթնանալ և տեսնել, որ ՌԴ–ն այլևս տարածաշրջանում չէ։ Նա շեշտել էր, որ այդ հանգամանքը մտահոգում է հայկական կողմին։Նրա խոսքով` գերտերությունների ղեկավարները, իրենց ռեսուրսներից ելնելով, կարող են փոքր երկրների վարքագծին գնահատականներ տալ։ Ինչ վերաբերում է Հայաստանին, որն իր ունեցած ռեսուրսներով անգամ իր սահմանները չի կարողանում ինքնուրույն պաշտպանել, քննարկում է` արդյոք որևէ գերտերություն տարածաշրջանից դուրս կգա, թե ոչ։«Չգիտեմ, թե ինչու է այս իշխանությունը Ռուսաստանի` երկրից կամ տարածաշրջանից դուրս գալու մասին հայտարարություններ անում։ Չեմ հիշում դեպք, որ նախորդ 3 ղեկավարների օրոք Ռուսաստանին, ԱՄՆ–ին կամ Եվրոպային նման գնահատականներ տրվեին։ Բոլորն էլ, անկախ իրենց քաղաքականության որակից և գործունեության արդյունավետությունից, միշտ ասել են, թե Հայաստանն ինչ պետք է անի կամ ինչ ակնկալիքներ ունենք»,– շեշտեց քաղաքագետը։Հիշեցնենք, որ Ռուսաստանի վերաբերյալ ՀՀ վարչապետ Նիկոլ Փաշինյանի հայտարարություններին ռուսական կողմը բավականին կոշտ արձագանքներ է տվել։ ՌԴ նախագահի մամուլի քարտուղար Դմիտրի Պեսկովը նշել էր, որ իրենք հարգում են Փաշինյանին, սակայն համաձայն չեն նրա թեզերի հետ և վստահեցրել` Ռուսաստանն այս տարածաշրջանի բացարձակ անբաժանելի մասն է, ուստի ոչ մի տեղ չի գնալու և չի հեռանալու Հայաստանից։
լեռնային ղարաբաղ
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
նիկոլ փաշինյան, ռուսաստան, հայաստան, տարածաշրջան , խաղաղապահ, լեռնային ղարաբաղ
նիկոլ փաշինյան, ռուսաստան, հայաստան, տարածաշրջան , խաղաղապահ, լեռնային ղարաբաղ
Տարօրինակ և արտառոց է. քաղաքագետը` Փաշինյանի` ՌԴ–ի վերաբերյալ արած հայտարարության մասին
Սուրեն Սուրենյանցը շեշտեց, որ Փաշինյանի` իտալական պարբերականին տված հարցազրույցն ամբողջությամբ միջին կարգի փորձագիտական վերլուծություն էր, փորձագետը պետական դիվանագիտության պատմության մեջ այսպիսի բան չի հիշում։
ԵՐԵՎԱՆ, 6 սեպտեմբերի – Sputnik. Ռուսաստանի` Հարավային Կովկասից դուրս գալու վերաբերյալ ՀՀ վարչապետ Նիկոլ Փաշինյանի հայտարարությունը տարօրինակ է և պետական դիվանագիտության տեսանկյունից արտառոց։ Այս մասին
Sputnik Արմենիայի հետ զրույցում ասաց քաղաքագետ Սուրեն Սուրենյանցը` անդրադառնալով Փաշինյանի` «La Repubblica» իտալական պարբերականին տված հարցազրույցում ՌԴ–ի վերաբերյալ արված հայտարարություններին։
Նշենք, որ ՀՀ վարչապետ Նիկոլ Փաշինյանն իտալական պարբերականին
ասել էր, թե պատմության մեջ եղել են օրինակներ, երբ Ռուսաստանը լքել է Հարավային Կովկասը։ Նրա խոսքով` կան գործընթացներ, որոնք հանգեցնում են այն մտքին, որ նույն սցենարը կարող է կրկնվել ու կարելի է առավոտյան արթնանալ և տեսնել, որ ՌԴ–ն այլևս տարածաշրջանում չէ։ Նա շեշտել էր, որ այդ հանգամանքը մտահոգում է հայկական կողմին։
«Երբ պետության ղեկավարն իր կարգավիճակը մոռանում է ու սեփական երկրի օրակարգի և պատասխանատվության մասին խոսելու փոխարեն սկսում է փորձագիտական եզրահանգումներ անել, պետք է կոշտ արձագանքի սպասել Մոսկվայից։ Սա, մեղմ ասած, տարօրինակ է և ականջի համար բավական անսովոր։ Այդ հարցազրույցում նա ակնարկներ է արել նաև արևմտյան երկրների մայրաքաղաքներին, և նրանցից էլ կարելի է կոշտ արձագանքի սպասել։ Պետության ղեկավարը 45 րոպե խոսում է և միջին կարգի փորձագիտական վերլուծություն է ներկայացնում։ Պետական դիվանագիտության պատմության մեջ ես այս երևույթն արտառոց եմ համարում, այսպիսի բան չեմ հիշում, հատկապես փոքր պետության պարագայում»,– նշեց Սուրենյանցը։
Նրա խոսքով` գերտերությունների ղեկավարները, իրենց ռեսուրսներից ելնելով, կարող են փոքր երկրների վարքագծին գնահատականներ տալ։ Ինչ վերաբերում է Հայաստանին, որն իր ունեցած ռեսուրսներով անգամ իր սահմանները չի կարողանում ինքնուրույն պաշտպանել, քննարկում է` արդյոք որևէ գերտերություն տարածաշրջանից դուրս կգա, թե ոչ։
«Չգիտեմ, թե ինչու է այս իշխանությունը Ռուսաստանի` երկրից կամ տարածաշրջանից դուրս գալու մասին հայտարարություններ անում։ Չեմ հիշում դեպք, որ նախորդ 3 ղեկավարների օրոք Ռուսաստանին, ԱՄՆ–ին կամ Եվրոպային նման գնահատականներ տրվեին։ Բոլորն էլ, անկախ իրենց քաղաքականության որակից և գործունեության արդյունավետությունից, միշտ ասել են, թե Հայաստանն ինչ պետք է անի կամ ինչ ակնկալիքներ ունենք»,– շեշտեց քաղաքագետը։
Հիշեցնենք, որ Ռուսաստանի վերաբերյալ ՀՀ վարչապետ Նիկոլ Փաշինյանի հայտարարություններին ռուսական կողմը բավականին կոշտ արձագանքներ է տվել։ ՌԴ նախագահի մամուլի քարտուղար Դմիտրի Պեսկովը նշել էր, որ իրենք հարգում են Փաշինյանին, սակայն համաձայն չեն նրա թեզերի հետ և վստահեցրել` Ռուսաստանն այս տարածաշրջանի բացարձակ անբաժանելի մասն է, ուստի ոչ մի տեղ չի գնալու և չի հեռանալու Հայաստանից։
