https://arm.sputniknews.ru/20230906/rd-n-petq-e-veranaji-ir-qaghaqakanutjuny-hajastani-ev-ambvoghj-aph-i-nkatmamb-krivvopuskvov-65400028.html
ՌԴ-ն պետք է վերանայի իր քաղաքականությունը Հայաստանի և ամբողջ ԱՊՀ-ի նկատմամբ. Կրիվոպուսկով
ՌԴ-ն պետք է վերանայի իր քաղաքականությունը Հայաստանի և ամբողջ ԱՊՀ-ի նկատմամբ. Կրիվոպուսկով
Sputnik Արմենիա
Հայաստանի հետ բարեկամության և համագործակցության ռուսական միավորման նախագահը ներկայացրել է հայ-ռուսական հարաբերությունների շուրջ ստեղծված իրավիճակի վերաբերյալ... 06.09.2023, Sputnik Արմենիա
2023-09-06T19:56+0400
2023-09-06T19:56+0400
2023-09-06T19:56+0400
հայաստան
անկախ պետությունների համագործակցություն (ապհ)
ռուսաստան
վիկտոր կրիվոպուսկով
https://cdn.am.sputniknews.ru/img/07e7/08/18/64803808_0:120:2413:1477_1920x0_80_0_0_ca97fa42dd260d2bfcc0e897857f1488.jpg
ԵՐԵՎԱՆ, 6 սեպտեմբերի - Sputnik. Հայաստանի և ԱՊՀ մյուս երկրների նկատմամբ Ռուսաստանի քաղաքականությունը վերանայման կարիք ունի։ Այս մասին Sputnik Արմենիա մամուլի կենտրոնում Մոսկվա –Երևան տեսակամուրջի ժամանակ ասաց Հայաստանի հետ բարեկամության և համագործակցության ռուսական միավորման նախագահ, սոցիոլոգիական գիտությունների դոկտոր, Մոսկվայի պետական կառավարման համալսարանի պրոֆեսոր Վիկտոր Կրիվոպուսկովը։Նա կարծում է, որ պետք է զղջալ նաև, որ 44-օրյա պատերազմը տեղի ունեցավ։ Նրա խոսքով՝ ՌԴ նախագահ Վլադիմիր Պուտինը երեք անգամ դիմել է Նիկոլ Փաշինյանին, որպեսզի Հայաստանի ղեկավարությունը ճանաչի Լեռնային Ղարաբաղի անկախությունը, ինչը Ռուսաստանին թույլ կտար ռազմատեխնիկական օգնություն ցուցաբերել ՀԱՊԿ կանոնադրությանը համապատասխան։«Բայց դա տեղի չունեցավ։ Պետական քաղաքականություն կա, պարտավորություններ»,-ասել է Կրիվոպուսկովը։Նա ընդգծել է, որ Փաշինյանի վերջին հայտարարություններին ի պատասխան՝ ռուսական կողմից շատ պարզ և միանշանակ մեսիջներ են հնչել ոչ միայն Հայաստանի վարչապետի, այլև Բաքվի համար՝ «չդիպչեք ղարաբաղցիներին»։Կրիվոպուսկովն ընդգծել է, որ այս պահին Ղարաբաղն ադրբեջանական չէ, բայց հիմա այլևս հայկական էլ չէ, քանի որ Հայաստանը, ի դեմս իր ղեկավարության, հրաժարվել է Ղարաբաղից:Նա ընդգծել է, որ այստեղ Ռուսաստանի քաղաքականությունը փոխվում է և շարունակելու է փոխվել: Կրիվոպուսկովը նաև կարծում է, որ իզուր է Հայաստանի ղեկավարությունը գնացել պատմության մեջ առաջին հայ-ամերիկյան զորավարժությունների անցկացմանը: Նա կարծում է, որ ար այդ խաղաթուղթը ո՛չ այսօր, ո՛չ երեկ է հայտնվել, այլ վաղուց։ Քանի որ մեկ օրում դժվար է հայտարարել հայ-ամերիկյան համատեղ զորավարժությունների անցկացման մասին։«Գնալով սրվում է»․ Կրիվոպուսկովը՝ ՀՀ իր մուտքի արգելքի մասին
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, անկախ պետությունների համագործակցություն (ապհ), ռուսաստան, վիկտոր կրիվոպուսկով
հայաստան, անկախ պետությունների համագործակցություն (ապհ), ռուսաստան, վիկտոր կրիվոպուսկով
ՌԴ-ն պետք է վերանայի իր քաղաքականությունը Հայաստանի և ամբողջ ԱՊՀ-ի նկատմամբ. Կրիվոպուսկով
Հայաստանի հետ բարեկամության և համագործակցության ռուսական միավորման նախագահը ներկայացրել է հայ-ռուսական հարաբերությունների շուրջ ստեղծված իրավիճակի վերաբերյալ իր տեսլականը:
ԵՐԵՎԱՆ, 6 սեպտեմբերի - Sputnik. Հայաստանի և ԱՊՀ մյուս երկրների նկատմամբ Ռուսաստանի քաղաքականությունը վերանայման կարիք ունի։ Այս մասին Sputnik Արմենիա մամուլի կենտրոնում Մոսկվա –Երևան տեսակամուրջի ժամանակ ասաց Հայաստանի հետ բարեկամության և համագործակցության ռուսական միավորման նախագահ, սոցիոլոգիական գիտությունների դոկտոր, Մոսկվայի պետական կառավարման համալսարանի պրոֆեսոր Վիկտոր Կրիվոպուսկովը։
«Ռուսաստանի Դաշնության ռազմաքաղաքական ղեկավարության քաղաքականությունը, ոչ միայն Հայաստանի, այլև ԱՊՀ երկրների այլ պետությունների նկատմամբ, և ոչ միայն նրանց՝ դա ներքին գործերին չմիջամտելն է։ Միշտ ընդգծվում է, որ մենք աջակցում ենք այն ամենին, ինչն ուզում է տվյալ երկրի ժողովուրդը։ Ճիշտ է, այսօր մենք արդեն զղջում ենք, որ երբեմն չափազանց դյուրահավատ ենք եղել ոչ միայն եվրատլանտիստների նկատմամբ, այլև պարզվում է` այստեղ էլ կարող էինք սխալներ, վրիպումներ թույլ տալ»,-ասել է Կրիվոպուսկովը ՝ հիմնավորելով իր դիրքորոշումը։
Նա կարծում է, որ պետք է զղջալ նաև, որ 44-օրյա պատերազմը տեղի ունեցավ։ Նրա խոսքով՝ ՌԴ նախագահ Վլադիմիր Պուտինը երեք անգամ դիմել է Նիկոլ Փաշինյանին, որպեսզի Հայաստանի ղեկավարությունը ճանաչի Լեռնային Ղարաբաղի անկախությունը, ինչը Ռուսաստանին թույլ կտար ռազմատեխնիկական օգնություն ցուցաբերել ՀԱՊԿ կանոնադրությանը համապատասխան։
«Բայց դա տեղի չունեցավ։ Պետական քաղաքականություն կա, պարտավորություններ»,-ասել է Կրիվոպուսկովը։
Նա ընդգծել է, որ Փաշինյանի վերջին հայտարարություններին ի պատասխան՝ ռուսական կողմից շատ պարզ և միանշանակ մեսիջներ են հնչել ոչ միայն Հայաստանի վարչապետի, այլև Բաքվի համար՝ «չդիպչեք ղարաբաղցիներին»։
Կրիվոպուսկովն ընդգծել է, որ այս պահին Ղարաբաղն ադրբեջանական չէ, բայց հիմա այլևս հայկական էլ չէ, քանի որ Հայաստանը, ի դեմս իր ղեկավարության, հրաժարվել է Ղարաբաղից:
«Ճիշտ է, հիմա նա էլ է այդ հարցի շուրջ խուսանավում, կարծես թե հրաժարվել է և ճանաչում է Ղարաբաղը 1991 թվականի սահմաններում, և անմիջապես էլ հարց է առաջանում, որ պետք է ապահովել անվտանգությունը։ Նա արթնացել է կամ պարբերաբար արթնանում է նման վախեցնող երազներից հետո», - ասել է Կրիվոպուսկովը։
Նա ընդգծել է, որ այստեղ Ռուսաստանի քաղաքականությունը փոխվում է և շարունակելու է փոխվել: Կրիվոպուսկովը նաև կարծում է, որ իզուր է Հայաստանի ղեկավարությունը գնացել պատմության մեջ առաջին հայ-ամերիկյան զորավարժությունների անցկացմանը: Նա կարծում է, որ ար այդ խաղաթուղթը ո՛չ այսօր, ո՛չ երեկ է հայտնվել, այլ վաղուց։ Քանի որ մեկ օրում դժվար է հայտարարել հայ-ամերիկյան համատեղ զորավարժությունների անցկացման մասին։
