https://arm.sputniknews.ru/20230905/3-vtar-ev-varvordneri-kvoghmic-antesvvogh-argelvogh-nshan-mjasnikjani-chverjacvogh-khcanman-pattshary-65326366.html
3 վթար և վարորդների կողմից անտեսվող արգելող նշան. Մյասնիկյանի չվերջացող խցանման պատճառը
3 վթար և վարորդների կողմից անտեսվող արգելող նշան. Մյասնիկյանի չվերջացող խցանման պատճառը
Sputnik Արմենիա
Երևանի ճանապարհային երթևեկության կարգավորումը քաղաքապետարանի պարտականությունն է, սակայն վթարի դեպքում տվյալ հատվածում հսկողությունը պետք է կատարի ոստիկանության... 05.09.2023, Sputnik Արմենիա
2023-09-05T12:46+0400
2023-09-05T12:46+0400
2023-09-05T12:49+0400
երևան
խցանում
քաղաքապետարան
հհ ոստիկանություն
https://cdn.am.sputniknews.ru/img/1074/05/10740500_0:0:1600:901_1920x0_80_0_0_62458f09ca652b6fb648c421defed652.jpg
ԵՐԵՎԱՆ, 5 սեպտեմբերի – Sputnik. Կրթական հաստատությունների բացման ֆոնին Երևան քաղաքում անվերջանալի խցանումների խնդիրը կրկին ակտուալ է։ Վաղ առավոտից բազմաթիվ քաղաքացիներ սոցցանցերում ահազանգում են, որ Երևանի Ավան և Նոր Նորք վարչական շրջաններում անանցանելի խցանումներ են։ Հասկանալու համար, թե ինչու են նման խցանումներ առաջացել, Sputnik Արմենիան դիմեց Երևանի քաղաքապետարանի լրատվության վարչություն, քանի որ Երևան քաղաքի ճանապարհային երթևեկության կարգավորումը քաղաքապետարանի պարտականությունն է։Բացի այդ, երթևեկության կազմակերպման փոփոխության արդյունքում Մյասնիկյան պողոտայից դեպի Հերացի փողոց տանող հատվածում խնդիր է առաջացել։ Բանն այն է, որ նախկինում Մյասնիկյանից Հերացի իջնող հատվածից թույլատրվում էր աջ երթևեկել, այժմ չի թույլատրվում։«Երթևեկության արդյունավետության բարձրացման համար դեպի աջ թեքվող ուղղությունը մենք փակել ենք և հոսքերը պետք է իջնեն Հերացի փողոց։ Բայց բազմաթիվ վարորդներ, անտեսելով արգելող նշանը, շարունակում են թեքվել աջ, ինչն էլ իր հերթին դժվարանցանելի է դարձնում երթևեկությունը»,–հայտնեցին վարչությունից։Ընդգծվեց, որ ճանապարհային վթարի դեպքում հսկողությունը քաղաքապետարանի տիրույթում չէ, այլ ՀՀ ՆԳՆ ոստիկանության պարեկային ծառայության։Հավելենք, որ մենք պարզաբանում խնդրեցինք նաև ՆԳՆ ոստիկանության լրատվական ծառայությունից։ Սակայն մեզ պատասխանեցին, որ ճանապարհային երթևեկության կարգավորումները դրված են Երևանի քաղաքապետարանի վրա։ Մինչդեռ, մեր տեղեկություններով, օրինակ` Մյասնիկյան պողոտայից Հերացի փողոց տանող ճանապարհին, որտեղ կա աջ թեքվելն արգելող նշան ու վարորդները դա անտեսում են, կապված է նրա հետ, որ տվյալ հատվածում չկա տեսանկարահանող սարք, ինչից էլ օգտվում են վարորդները։ Իսկ տեսանկարահանող սարքեր տեղադրելու լիազորություն ունի միայն ՆԳՆ ոստիկանությունը։
երևան
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
երևան, խցանում, քաղաքապետարան, հհ ոստիկանություն
երևան, խցանում, քաղաքապետարան, հհ ոստիկանություն
3 վթար և վարորդների կողմից անտեսվող արգելող նշան. Մյասնիկյանի չվերջացող խցանման պատճառը
12:46 05.09.2023 (Թարմացված է: 12:49 05.09.2023) Երևանի ճանապարհային երթևեկության կարգավորումը քաղաքապետարանի պարտականությունն է, սակայն վթարի դեպքում տվյալ հատվածում հսկողությունը պետք է կատարի ոստիկանության պարեկային ծառայությունը, որը երբեմն թերի կամ ոչ ժամանակին է կատարում իր աշխատանքը` առաջացնելով խցանումներ։
ԵՐԵՎԱՆ, 5 սեպտեմբերի – Sputnik. Կրթական հաստատությունների բացման ֆոնին Երևան քաղաքում անվերջանալի խցանումների խնդիրը կրկին ակտուալ է։ Վաղ առավոտից բազմաթիվ քաղաքացիներ սոցցանցերում ահազանգում են, որ Երևանի Ավան և Նոր Նորք վարչական շրջաններում անանցանելի խցանումներ են։ Հասկանալու համար, թե ինչու են նման խցանումներ առաջացել,
Sputnik Արմենիան դիմեց Երևանի քաղաքապետարանի լրատվության վարչություն, քանի որ Երևան քաղաքի ճանապարհային երթևեկության կարգավորումը քաղաքապետարանի պարտականությունն է։
«Այն իրավիճակը, որն այսօր ստեղծվել է Մյասնիկյան պողոտայում պայմանավորված է 3 ճանապարհատրանսպորտային պատահարներով։ Անգամ մի վթարի դեպքում մենք ունենում ենք կոլապս, եթե պարեկային ծառայություններն արագ չեն գործում»,– հայտնեցին վարչությունից։
Բացի այդ, երթևեկության կազմակերպման փոփոխության արդյունքում Մյասնիկյան պողոտայից դեպի Հերացի փողոց տանող հատվածում խնդիր է առաջացել։ Բանն այն է, որ նախկինում Մյասնիկյանից Հերացի իջնող հատվածից թույլատրվում էր աջ երթևեկել, այժմ չի թույլատրվում։
«Երթևեկության արդյունավետության բարձրացման համար դեպի աջ թեքվող ուղղությունը մենք փակել ենք և հոսքերը պետք է իջնեն Հերացի փողոց։ Բայց բազմաթիվ վարորդներ, անտեսելով արգելող նշանը, շարունակում են թեքվել աջ, ինչն էլ իր հերթին դժվարանցանելի է դարձնում երթևեկությունը»,–հայտնեցին վարչությունից։
Ընդգծվեց, որ ճանապարհային վթարի դեպքում հսկողությունը քաղաքապետարանի տիրույթում չէ, այլ ՀՀ ՆԳՆ ոստիկանության պարեկային ծառայության։
Ինչ վերաբերվում է պարբերական խցանումներին, Երևանի քաղաքապետարանից նշեցին, որ միայն այսօրվա մասով հստակ կարող են ասել պատճառը, քանի որ ամեն օրն իր վերլուծությունն ունի։
Հավելենք, որ մենք պարզաբանում խնդրեցինք նաև ՆԳՆ ոստիկանության լրատվական ծառայությունից։ Սակայն մեզ պատասխանեցին, որ ճանապարհային երթևեկության կարգավորումները դրված են Երևանի քաղաքապետարանի վրա։ Մինչդեռ, մեր տեղեկություններով, օրինակ` Մյասնիկյան պողոտայից Հերացի փողոց տանող ճանապարհին, որտեղ կա աջ թեքվելն արգելող նշան ու վարորդները դա անտեսում են, կապված է նրա հետ, որ տվյալ հատվածում չկա տեսանկարահանող սարք, ինչից էլ օգտվում են վարորդները։ Իսկ տեսանկարահանող սարքեր տեղադրելու լիազորություն ունի միայն ՆԳՆ ոստիկանությունը։
