https://arm.sputniknews.ru/20230901/teghin-che-gvortsughumnery-tshampvordutjan-het-havasarecnely-azh-n-zlm-neri-hraparakman-masin-65163437.html
Տեղին չէ գործուղումները ճամփորդության հետ հավասարեցնելը. ԱԺ-ն՝ ԶԼՄ-ների հրապարակման մասին
Տեղին չէ գործուղումները ճամփորդության հետ հավասարեցնելը. ԱԺ-ն՝ ԶԼՄ-ների հրապարակման մասին
Sputnik Արմենիա
Խորհրդարանից մեկնաբանել են պատգամավորների առաջիկա գործուղումները։ 01.09.2023, Sputnik Արմենիա
2023-09-01T13:17+0400
2023-09-01T13:17+0400
2023-09-01T13:18+0400
աժ (ազգային ժողով)
խորհրդարան
գործուղում
https://cdn.am.sputniknews.ru/img/07e7/02/07/54972173_0:0:1600:901_1920x0_80_0_0_9364000b9914cf67a3304ae1c80c3363.jpg
ԵՐԵՎԱՆ, 1 սեպտեմբերի – Sputnik. ԱԺ նախագահ Ալեն Սիմոնյանի մամուլի խոսնակ Ծովինար Խաչատրյանն անտեղի է համարում գործուղումները ճանապարհորդության հետ հավասարեցնելը: Այս մասին Խաչատրյանն ասաց Sputnik Արմենիայի հետ զրույցում՝ մեկնաբանելով «Ժողովուրդ» օրաթերթի հրապարակումը։Օրաթերթը գրել էր, թե ԱԺ խոսնակ Ալեն Սիմոնյանի որոշմամբ` պետբյուջեի հաշվին պատգամավորները սեպտեմբեր և հոկտեմբեր ամիսներին շրջագայությունների կմեկնեն։ Ընդ որում՝ խոսքը թե՛ իշխանականների, թե՛ ընդդիմադիրների մասին է։Նրա խոսքով ՝ գոյություն ունի խորհրդարանական դիվանագիտություն հասկացությունը, որը ենթադրում է տարբեր երկրներում միջոցառումների շրջանակներում հանդիպումների կազմակերպում: Դա սովորական գործընթաց է։«Ժողովուրդ» օրաթերթի հրապարակման մեջ նշվում էր, որ ՔՊ-ական Արմեն Խաչատրյանը. կգործուղվի Մինսկ՝ ՀԱՊԿ անդամ պետությունների խորհրդարանների արտաքին հարաբերությունների, պաշտպանության և անվտանգության հարցերի հանձնաժողովների նախագահների խորհրդակցությանը մասնակցելու համար, իսկ սեպտեմբերի 6-ին կմեկնի Բելառուս՝ Բրեստ, «Փոխգործակցություն-2023» ՀԱՊԿ արագ արձագանքման հավաքական ուժերի համատեղ զորավարժություններին խորհրդարանական մոնիթորինգ իրականացնելու համար:Սեպտեմբերի 10-14-ը գործուղման կգնա նաև ԱԺ փոխխոսնակ Ռուբեն Ռուբինյանը: Նա Փարիզում կմասնակցի ԵԽԽՎ քաղաքական և ժողովրդավարության հարցերի և Մոնիտորինգի հանձնաժողովների նիստերին:Սեպտեմբերի 14-18-ը ՔՊ-ական Հասմիկ Հակոբյանի հետ Վիետնամ կգործուղվի նաև «Հայաստան» խմբակցության պատգամավոր Էլինար Վարդանյանը. նրանք Հանոյ քաղաքում կմասնակցեն Միջխորհրդարանական միության երիտասարդ պատգամավորների 9-րդ գլոբալ համաժողովին:«Քաղաքացիական պայմանագիր» խմբակցության պատգամավորներ Նարեկ Զեյնալյանը, Լուսինե Բադալյանը և Արփինե Դավոյանը կմեկնեն Նյու Յորք՝ ՄԱԿ-ի Գլխավոր ասամբլեայի 78-րդ նստաշրջանին մասնակցելու համար:Հոկտեմբերի 5-10-ը խորհրդարանի պատվիրակությունը կգտնվի Կոպենհագեն՝ մասնակցելու ՆԱՏՕ-ի Խորհրդարանական վեհաժողովի ամենամյա նստաշրջանին: Պատվիրակների թվում կլինեն ԱԺ պաշտպանության և անվտանգության հանձնաժողովի նախագահ Անդրանիկ Քոչարյանը, պատգամավորներ Վահագն Ալեքսանյանը և Արուսյակ Ջուլհակյանը:Պատգամավոր Արմեն Գևորգյանը հոկտեմբերի 22-27-ը կմեկնի Ստրասբուրգ: Իսկ պատգամավոր Մարիա Կարապետյանը հոկտեմբերի 29-ից նոյեմբերի 2-ը Լոնդոնում կմասնակցի «Ալյանս հանուն պատասխանատու քաղաքացիության» կազմակերպության առաջին նիստին:
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
աժ (ազգային ժողով), խորհրդարան, գործուղում
աժ (ազգային ժողով), խորհրդարան, գործուղում
Տեղին չէ գործուղումները ճամփորդության հետ հավասարեցնելը. ԱԺ-ն՝ ԶԼՄ-ների հրապարակման մասին
13:17 01.09.2023 (Թարմացված է: 13:18 01.09.2023) Խորհրդարանից մեկնաբանել են պատգամավորների առաջիկա գործուղումները։
ԵՐԵՎԱՆ, 1 սեպտեմբերի – Sputnik. ԱԺ նախագահ Ալեն Սիմոնյանի մամուլի խոսնակ Ծովինար Խաչատրյանն անտեղի է համարում գործուղումները ճանապարհորդության հետ հավասարեցնելը: Այս մասին Խաչատրյանն ասաց Sputnik Արմենիայի հետ զրույցում՝ մեկնաբանելով «Ժողովուրդ» օրաթերթի հրապարակումը։
Օրաթերթը գրել էր, թե ԱԺ խոսնակ Ալեն Սիմոնյանի որոշմամբ` պետբյուջեի հաշվին պատգամավորները սեպտեմբեր և հոկտեմբեր ամիսներին շրջագայությունների կմեկնեն։ Ընդ որում՝ խոսքը թե՛ իշխանականների, թե՛ ընդդիմադիրների մասին է։
«Բուն հոդվածը չեմ մեկնաբանում։ Ինչ վերաբերում է գործուղումներին, նշեմ, որ խորհրդարանական նոր նստաշրջանը՝ նոր հաշվետու տարին, միշտ ենթադրում է գործուղումներ։ Տեղին չէ գործուղումները նույնացնել ճամփորդությունների հետ», - ասաց Խաչատրյանը։
Նրա խոսքով ՝ գոյություն ունի խորհրդարանական դիվանագիտություն հասկացությունը, որը ենթադրում է տարբեր երկրներում միջոցառումների շրջանակներում հանդիպումների կազմակերպում: Դա սովորական գործընթաց է։
«Ժողովուրդ» օրաթերթի հրապարակման մեջ նշվում էր, որ ՔՊ-ական Արմեն Խաչատրյանը. կգործուղվի Մինսկ՝ ՀԱՊԿ անդամ պետությունների խորհրդարանների արտաքին հարաբերությունների, պաշտպանության և անվտանգության հարցերի հանձնաժողովների նախագահների խորհրդակցությանը մասնակցելու համար, իսկ սեպտեմբերի 6-ին կմեկնի Բելառուս՝ Բրեստ, «Փոխգործակցություն-2023» ՀԱՊԿ արագ արձագանքման հավաքական ուժերի համատեղ զորավարժություններին խորհրդարանական մոնիթորինգ իրականացնելու համար:
Սեպտեմբերի 10-14-ը գործուղման կգնա նաև ԱԺ փոխխոսնակ Ռուբեն Ռուբինյանը: Նա Փարիզում կմասնակցի ԵԽԽՎ քաղաքական և ժողովրդավարության հարցերի և Մոնիտորինգի հանձնաժողովների նիստերին:
Սեպտեմբերի 14-18-ը ՔՊ-ական Հասմիկ Հակոբյանի հետ Վիետնամ կգործուղվի նաև «Հայաստան» խմբակցության պատգամավոր Էլինար Վարդանյանը. նրանք Հանոյ քաղաքում կմասնակցեն Միջխորհրդարանական միության երիտասարդ պատգամավորների 9-րդ գլոբալ համաժողովին:
«Քաղաքացիական պայմանագիր» խմբակցության պատգամավորներ Նարեկ Զեյնալյանը, Լուսինե Բադալյանը և Արփինե Դավոյանը կմեկնեն Նյու Յորք՝ ՄԱԿ-ի Գլխավոր ասամբլեայի 78-րդ նստաշրջանին մասնակցելու համար:
Հոկտեմբերի 5-10-ը խորհրդարանի պատվիրակությունը կգտնվի Կոպենհագեն՝ մասնակցելու ՆԱՏՕ-ի Խորհրդարանական վեհաժողովի ամենամյա նստաշրջանին: Պատվիրակների թվում կլինեն ԱԺ պաշտպանության և անվտանգության հանձնաժողովի նախագահ Անդրանիկ Քոչարյանը, պատգամավորներ Վահագն Ալեքսանյանը և Արուսյակ Ջուլհակյանը:
Պատգամավոր Արմեն Գևորգյանը հոկտեմբերի 22-27-ը կմեկնի Ստրասբուրգ: Իսկ պատգամավոր Մարիա Կարապետյանը հոկտեմբերի 29-ից նոյեմբերի 2-ը Լոնդոնում կմասնակցի «Ալյանս հանուն պատասխանատու քաղաքացիության» կազմակերպության առաջին նիստին:
