https://arm.sputniknews.ru/20230831/arcakhi-nakhagah-arajik-harutjunjany--hrazharakan-e-talu-65121260.html
Արցախի նախագահ Արայիկ Հարությունյանը վաղը հրաժարական կտա
Արցախի նախագահ Արայիկ Հարությունյանը վաղը հրաժարական կտա
Sputnik Արմենիա
Հրաժարականի է դիմում է պատրաստել նաև Արցախի պետնախարար Գուրգեն Ներսիսյանը։ 31.08.2023, Sputnik Արմենիա
2023-08-31T12:56+0400
2023-08-31T12:56+0400
2023-08-31T13:36+0400
արցախ
արցախի նախագահ արայիկ հարությունյան
լեռնային ղարաբաղ
հրաժարական
գուրգեն ներսիսյան
https://cdn.am.sputniknews.ru/img/07e7/07/11/62935209_0:0:1600:900_1920x0_80_0_0_292efa38e01a94862b50258e650785e1.jpg
ԵՐԵՎԱՆ, 31 օգոստոսի – Sputnik. Արցախի Հանրապետության նախագահ Արայիկ Հարությունյանը հայտնել է, որ վաղը արցախցուն ու Ազգային ժողովին ներկայացնելու է իր հրաժարականի դիմումը: Այս մասին «Ֆեյսբուքի» իր էջում գրել է Հարությունյանը։Նա ընդգծել է, որ 2020 թվականի մայիսին իր ընտրվելու հենց հաջորդ օրվանից անցել է Արցախի պաշտպանունակությունն ամրապնդելու գործին, սակայն մի քանի ամիս անց սկսվել է Ադրբեջանի կողմից սանձազերծած 44-օրյա պատերազմը, որն ավարտվել է հայկական կողմի պարտությամբ:«Ես ամենևին չեմ հրաժարվում պատասխանատվությունից, բայց, հավատացեք, մեզանից յուրաքանչյուրն ուներ պատասխանատվության իր բաժինը։ Բոլոր դեպքերում, ես հիմա կրկին ներողություն եմ հայցում հայ ժողովրդից՝ մեղավորության իմ բաժնի համար։ Իրավիճակը ոչ պակաս բարդ էր նաև 44-օրյա պատերազմից հետո, և ստեղծված իրավիճակը պակաս պատասխանատվություն չէր պահանջում: Արցախը կանգնած էր կործանման եզրին»,– նշել է Հարությունյանը։Նա ընդգծել է, որ շարունակելու է ընտանիքի՝ Արցախում գտնվող անդամների հետ ապրել Արցախում, առավելապես ընդգրկվելու է Արցախի անվտանգության ապահովման գործում, շարունակելու է կրել իր բաժին պատասխանատվությունն Արցախի ապագայի նկատմամբ և աջակցելու է երկրի գործող իշխանություններին:«Սամվել Շահրամանյանի ընտրությունը կատարելիս հաշվի եմ առել նրա սկզբունքայնությունը, ճկունությունը, տարբեր պատասխանատու դիրքերում նրա աշխատանքային փորձը և կուտակած գիտելիքները, որոնք անմիջականորեն առնչվում են թե՛ ազգային անվտանգությանը և թե՛ պետական կառավարմանը: Իմ երախտագիտությունն եմ հայտնում Գուրգեն Ներսիսյանին։ Համոզված եմ, որ նրա գիտելիքները և սկզբունքային, արդարացի, անզիջում ու հաստատակամ տեսակը շարունակելու են ծառայել Արցախին ու մեր ժողովրդին»,– հայտնել է Արցախի նախագահը:Հիշեցնենք, որ Արայիկ Հարությունյանը Արցախի նախագահ է ընտրվել 2020թ. մարտի 31-ին, սակայն պարտականությունները ստանձնել է մայիսի 21-ին։ Հարությունյանը մինչ այդ` 2017 թվականի սեպտեմբերի 25-ից 2018 թվականի հունիսի 6-ը եղել է Արցախի պետնախարար։
լեռնային ղարաբաղ
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
արցախ, արցախի նախագահ արայիկ հարությունյան, լեռնային ղարաբաղ, հրաժարական, գուրգեն ներսիսյան
արցախ, արցախի նախագահ արայիկ հարությունյան, լեռնային ղարաբաղ, հրաժարական, գուրգեն ներսիսյան
Արցախի նախագահ Արայիկ Հարությունյանը վաղը հրաժարական կտա
12:56 31.08.2023 (Թարմացված է: 13:36 31.08.2023) Հրաժարականի է դիմում է պատրաստել նաև Արցախի պետնախարար Գուրգեն Ներսիսյանը։
ԵՐԵՎԱՆ, 31 օգոստոսի – Sputnik. Արցախի Հանրապետության նախագահ Արայիկ Հարությունյանը հայտնել է, որ վաղը արցախցուն ու Ազգային ժողովին ներկայացնելու է իր հրաժարականի դիմումը: Այս մասին «Ֆեյսբուքի» իր էջում գրել է Հարությունյանը։
«Այս վերջնական որոշումը կայացրել եմ 2 օր առաջ՝ հաշվի առնելով վերջին շաբաթների իմ շփումները բոլոր ներքին ու արտաքին դերակատարների և լայն հանրության հետ: Սա իմ ունեցած տվյալների վերլուծության արդյունքների հիման վրա կշռադատված որոշում է՝ կայացված բացառապես իմ կողմից»,– նշել է Հարությունյանը։
Նա ընդգծել է, որ 2020 թվականի մայիսին իր ընտրվելու հենց հաջորդ օրվանից անցել է Արցախի պաշտպանունակությունն ամրապնդելու գործին, սակայն մի քանի ամիս անց սկսվել է Ադրբեջանի կողմից սանձազերծած 44-օրյա պատերազմը, որն ավարտվել է հայկական կողմի պարտությամբ:
«Ես ամենևին չեմ հրաժարվում պատասխանատվությունից, բայց, հավատացեք, մեզանից յուրաքանչյուրն ուներ պատասխանատվության իր բաժինը։ Բոլոր դեպքերում, ես հիմա կրկին ներողություն եմ հայցում հայ ժողովրդից՝ մեղավորության իմ բաժնի համար։ Իրավիճակը ոչ պակաս բարդ էր նաև 44-օրյա պատերազմից հետո, և ստեղծված իրավիճակը պակաս պատասխանատվություն չէր պահանջում: Արցախը կանգնած էր կործանման եզրին»,– նշել է Հարությունյանը։
Նա ընդգծել է, որ շարունակելու է ընտանիքի՝ Արցախում գտնվող անդամների հետ ապրել Արցախում, առավելապես ընդգրկվելու է Արցախի անվտանգության ապահովման գործում, շարունակելու է կրել իր բաժին պատասխանատվությունն Արցախի ապագայի նկատմամբ և աջակցելու է երկրի գործող իշխանություններին:
Հարությունյանը շեշտել է, որ մինչ այդ էլ այսօրվա հրամանագրով Արցախի Հանրապետության պետական նախարար Գուրգեն Ներսիսյանն ազատվել է զբաղեցրած պաշտոնից։ Փոխարենը նշանակվել է Անվտանգության խորհրդի քարտուղար Սամվել Շահրամանյանը, ում լայն լիազորություններ են տրվել։
«Սամվել Շահրամանյանի ընտրությունը կատարելիս հաշվի եմ առել նրա սկզբունքայնությունը, ճկունությունը, տարբեր պատասխանատու դիրքերում նրա աշխատանքային փորձը և կուտակած գիտելիքները, որոնք անմիջականորեն առնչվում են թե՛ ազգային անվտանգությանը և թե՛ պետական կառավարմանը: Իմ երախտագիտությունն եմ հայտնում Գուրգեն Ներսիսյանին։ Համոզված եմ, որ նրա գիտելիքները և սկզբունքային, արդարացի, անզիջում ու հաստատակամ տեսակը շարունակելու են ծառայել Արցախին ու մեր ժողովրդին»,– հայտնել է Արցախի նախագահը:
Հիշեցնենք, որ Արայիկ Հարությունյանը Արցախի նախագահ է ընտրվել 2020թ. մարտի 31-ին, սակայն պարտականությունները ստանձնել է մայիսի 21-ին։ Հարությունյանը մինչ այդ` 2017 թվականի սեպտեմբերի 25-ից 2018 թվականի հունիսի 6-ը եղել է Արցախի պետնախարար։
