Կոմիտասի այգում բանաստեղծ Շուշանիկ Կուրղինյանի նոր կիսանդրին է տեղադրվել
© Photo : official site of MESCS of RA Շուշանիկ Կուրղինյանի կիսանդրին
![Շուշանիկ Կուրղինյանի կիսանդրին Շուշանիկ Կուրղինյանի կիսանդրին - Sputnik Արմենիա, 1920, 30.08.2023](https://cdn.am.sputniknews.ru/img/07e7/08/1e/65090116_0:0:1801:1014_1920x0_80_0_0_10044a9316d143c08a54891752aafe5e.jpg)
Շուշանիկ Կուրղինյանի կիսանդրին
© Photo : official site of MESCS of RA
Բաժանորդագրվել
Բանաստեղծի կիսանդրին կրկին պատրաստվել է նախկին քանդակի հիման վրա և վերադարձվել է իր տեղը հենց Կուրղինյանի ծննդյան օրը։
ԵՐԵՎԱՆ, 30 օգոստոսի – Sputnik. Երևանի Կոմիտասի անվան պանթեոնում տեղադրվել է բանաստեղծ Շուշանիկ Կուրղինյանի նոր կիսանդրին: Տեղեկությունը հայտնում է ՀՀ կրթության, գիտության, մշակույթի և սպորտի նախարարության մամուլի ծառայությունը։
Նշենք, որ պատմության և մշակույթի անշարժ հուշարձան հանդիսացող կիսանդրին պանթեոնի տարածքից գողացվել էր 2021 թվականին։ ԿԳՄՍՆ–ն դիմել էր ոստիկանություն, բայց մինչ օրս չի պարզվել, թե ով է եղել գողը։
Կիսանդրու հեղինակն անվանի քանդակագործ, ՀԽՍՀ ժողովրդական նկարիչ Սարգիս Բաղդասարյանն էր։ Այժմյան կիսանդրին քանդակելու համար մրցույթ էր հայտարարվել, հաղթել էր Սուրեն Բաղդասարյանի որդին` Աշոտ Բաղդասարյանը։
ՀՀ ԿԳՄՍ նախարար Ժաննա Անդրեասյանն ու նախարարի տեղակալ Ալֆրեդ Քոչարյանն այսօր ծաղիկներ են խոնարհել Շուշանիկ Կուրղինյանի հուշարձանին:
© Photo : official site of MESCS of RA ՀՀ ԿԳՄՍ նախարար Ժաննա Անդրեասյանն ու նախարարի տեղակալ Ալֆրեդ Քոչարյանն այսօր ծաղիկներ են խոնարհել Շուշանիկ Կուրղինյանի հուշարձանին:
![Министр ОНКС Жанна Андреасян и заместитель министра Альфред Кочарян посетили Пантеон имени Комитаса и возложили цветы к памятнику Шушаник Кургинян (30 августа 2023). Еревaн Министр ОНКС Жанна Андреасян и заместитель министра Альфред Кочарян посетили Пантеон имени Комитаса и возложили цветы к памятнику Шушаник Кургинян (30 августа 2023). Еревaн - Sputnik Արմենիա, 1920, 30.08.2023](https://cdn.am.sputniknews.ru/img/07e7/08/1e/65090138_0:0:1800:1200_1920x0_80_0_0_9995e963ecc2f361e167937ea07f9cef.jpg)
ՀՀ ԿԳՄՍ նախարար Ժաննա Անդրեասյանն ու նախարարի տեղակալ Ալֆրեդ Քոչարյանն այսօր ծաղիկներ են խոնարհել Շուշանիկ Կուրղինյանի հուշարձանին:
© Photo : official site of MESCS of RA
Նշվում է, որ քանդակը պատրաստվել է ոչ թե լուսանկարների, այլ նախկին քանդակի հիման վրա, այսինքն այն այնպիսին է, ինչպիսին ի սկզբանե էր։
«Այսօր՝ Շուշանիկ Կուրղինյանի ծննդյանը օրը, վերադարձնում ենք կիսանդրին իր տեղը, իր միջավայր: Ընդհանուր առմամբ՝ փոքրաթիվ են այն վայրերը, որոնք նվիրված են հանրության կյանքում մեծ վաստակ ունեցած և հետք թողած կանանց: Նոր պատրաստված այս կիսանդրին, տարածքի բարեկարգման որոշակի գործընթացները, հուսով եմ, կնպաստեն Շուշանիկ Կուրղինյանի կյանքի և գործունեության հանրային իրազեկմանը, մասնավորապես՝ երեխաների, դպրոցականների շրջանում»,- նշել է նախարարը։
Կիսանդրու հեղինակ՝ քանդակագործ Աշոտ Բաղդասարյանը շնորհակալություն է հայտնել քանդակի ստեղծման գործում պետական հոգածության համար: