https://arm.sputniknews.ru/20230828/hrdehnery-shat-en-vnasum-kensabazmazanutjany-masnagetnery-hvordvorum-en-ushadir-linel-64975546.html
Հրդեհները շատ են վնասում կենսաբազմազանությանը. մասնագետները հորդորում են ուշադիր լինել
Հրդեհները շատ են վնասում կենսաբազմազանությանը. մասնագետները հորդորում են ուշադիր լինել
Sputnik Արմենիա
Հայաստանի Հանրապետությունան մեծ մասում ամենաբարձր՝ 5-րդ կարգի հրդեհավտանգ իրավիճակ է։ 28.08.2023, Sputnik Արմենիա
2023-08-28T13:11+0400
2023-08-28T13:11+0400
2023-08-28T13:49+0400
հրդեհ
բույս
անտառ
արոտավայր
գագիկ սուրենյան
https://cdn.am.sputniknews.ru/img/2019/82/20198218_0:0:1132:636_1920x0_80_0_0_e326d016f558b743ae39753555aff619.jpg
ԵՐԵՎԱՆ, 28 օգոստոսի – Sputnik. Հայաստանում բնածին և մարդածին հրդեհները մեծ վնաս են հասցնում կենսաբազմազանությանը` վերանում են որոշ կենդանիներ, էկոհամակարգերն են խախտվում և այլն։ Այս մասին մամուլի ասուլիսի ժամանակ հայտնեց ՀՀ շրջակա միջավայրի նախարարության Հիդրոօդերևութաբանության և մոնիթորինգի կենտրոնի տնօրենի տեղակալ Գագիկ Սուրենյանը։Խոսելով խոզանների և գյուղատնտեսական հանդակներում բուսածածկույթի այրման բացասական հետևանքների մասին, նա ընդգծեց, որ հրդեհները շրջակա միջավայրի, ինչպես նաև Հայաստանի կենսաբազմազանությանը սպառնացող առաջնային մարտահրավերներից են։«Հրդեհները լինում են մարդածին և բնածին։ Վերջին տարիներին մեր երկրում աճել է հարավային լայնություններից ներթափանցող ջերմային ալիքների կրկնելիությունը, ինչի հետևանքով աճել է բնածին հրդեհների ռիսկայնությունը։ Այստեղ ռիսկն ավելի է մեծանում, երբ ավելանում է նաև մարդածին գործոնը, այսինքն` գյուղացիներն այրում են խոզանները, տերևների թափոնները, հետո չեն հանգցնում։ Սա մեծ վնաս է հասցնում մեր կենսաբազմազանությանը»,– ասաց Սուրենյանը։ Հրդեհ է բռնկվել Փարաքարի կահույքի արտադրամասում. կանչով մեկնել է վեց մարտական հաշվարկՆրա խոսքով` հրդեհների հետևանքով որոշ կենդանիների, գենետիկական բազմազանության կորուստ է գրանցվում, էկոհամակարգերն են խախտվում, ինվիզիվ տեսակներ են ներթափանցում և այլն։ Սուրենյանը շեշտեց, որ անգամ մի փոքր կրակը քամու առկայության պայմաններում կամ տեղումների բացակայության դեպքում կարող է ներթափանցել հարակից խոտածածկ տարածքներ և խոշոր հրդեհի պատճառ դառնալ։Բնապահպանության և ընդերքի տեսչական մարմնի Ջրերի, մթնոլորտի, հողերի, թափոնների և վտանգավոր նյութերի վերահսկողության վարչության պետ Սաղաթել Պետրոսյանը վստահեցրեց, որ գյուղացիների շրջանում թյուր կարծիք կա, թե խոզանների և տերևների թափոնների այրումը կարող է բարձրացնել հողի որակը։ Նրա պնդմամբ` հրդեհների արդյունքում վատթարանում է հողի օրգանական կազմը, ոչնչանում է հողային կենսաբազմազանությունը, նվազեցվում է խոնավությունը, ինչպես նաև հողի բերրիությունը։Պայմանավորված առկա վտանգներով` մասնագետները հորդորում են, որ հատկապես տարվա տաք ժամանակ և աշնանը խոզանների և տերևների թափոնների այրում չիրականացնել։ Հայաստանի Հանրապետությունան մեծ մասում 5-րդ կարգի հրդեհավտանգ իրավիճակ է, որը համարվում է ամենաբարձր ցուցանիշը։Ըստ «Մթնոլորտային օդի պահպանության մասին» ՀՀ օրենքի 11-րդ հոդվածի՝ արգելվում է այրել խոզանները, բուսական մնացորդներն ու չորացած բուսականությամբ տարածքները, արոտավայրերի և խոտհարքների բուսականությունը գյուղատնտեսական, անտառային և բնության հատուկ պահպանվող տարածքների հողերում։ Այս օրենքը խախտելն առաջացնում է վարչական պատասխանատվություն` ֆիզիկական անձանց նկատմամբ սահմանված աշխատավարձի 50-պատիկի չափով, իսկ իրավաբանական անձանց դեպքում՝ 150-պատիկի չափով։
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հրդեհ, բույս, անտառ, արոտավայր, գագիկ սուրենյան
հրդեհ, բույս, անտառ, արոտավայր, գագիկ սուրենյան
Հրդեհները շատ են վնասում կենսաբազմազանությանը. մասնագետները հորդորում են ուշադիր լինել
13:11 28.08.2023 (Թարմացված է: 13:49 28.08.2023) Հայաստանի Հանրապետությունան մեծ մասում ամենաբարձր՝ 5-րդ կարգի հրդեհավտանգ իրավիճակ է։
ԵՐԵՎԱՆ, 28 օգոստոսի – Sputnik. Հայաստանում բնածին և մարդածին հրդեհները մեծ վնաս են հասցնում կենսաբազմազանությանը` վերանում են որոշ կենդանիներ, էկոհամակարգերն են խախտվում և այլն։ Այս մասին մամուլի ասուլիսի ժամանակ հայտնեց ՀՀ շրջակա միջավայրի նախարարության Հիդրոօդերևութաբանության և մոնիթորինգի կենտրոնի տնօրենի տեղակալ Գագիկ Սուրենյանը։
Խոսելով խոզանների և գյուղատնտեսական հանդակներում բուսածածկույթի այրման բացասական հետևանքների մասին, նա ընդգծեց, որ հրդեհները շրջակա միջավայրի, ինչպես նաև Հայաստանի կենսաբազմազանությանը սպառնացող առաջնային մարտահրավերներից են։
«Հրդեհները լինում են մարդածին և բնածին։ Վերջին տարիներին մեր երկրում աճել է հարավային լայնություններից ներթափանցող ջերմային ալիքների կրկնելիությունը, ինչի հետևանքով աճել է բնածին հրդեհների ռիսկայնությունը։ Այստեղ ռիսկն ավելի է մեծանում, երբ ավելանում է նաև մարդածին գործոնը, այսինքն` գյուղացիներն այրում են խոզանները, տերևների թափոնները, հետո չեն հանգցնում։ Սա մեծ վնաս է հասցնում մեր կենսաբազմազանությանը»,– ասաց Սուրենյանը։
Նրա խոսքով` հրդեհների հետևանքով որոշ կենդանիների, գենետիկական բազմազանության կորուստ է գրանցվում, էկոհամակարգերն են խախտվում, ինվիզիվ տեսակներ են ներթափանցում և այլն։ Սուրենյանը շեշտեց, որ անգամ մի փոքր կրակը քամու առկայության պայմաններում կամ տեղումների բացակայության դեպքում կարող է ներթափանցել հարակից խոտածածկ տարածքներ և խոշոր հրդեհի պատճառ դառնալ։
Բնապահպանության և ընդերքի տեսչական մարմնի Ջրերի, մթնոլորտի, հողերի, թափոնների և վտանգավոր նյութերի վերահսկողության վարչության պետ Սաղաթել Պետրոսյանը վստահեցրեց, որ գյուղացիների շրջանում թյուր կարծիք կա, թե խոզանների և տերևների թափոնների այրումը կարող է բարձրացնել հողի որակը։ Նրա պնդմամբ` հրդեհների արդյունքում վատթարանում է հողի օրգանական կազմը, ոչնչանում է հողային կենսաբազմազանությունը, նվազեցվում է խոնավությունը, ինչպես նաև հողի բերրիությունը։
«Նման երևույթների արդյունքում նաև օդի վատթարացում է առաջանում, ավելանում են մարդկանց, կենդանիների շնչառական խնդիրները, բարձրանում է օդի աղտոտվածությունը։ Հրդեհներից հետո անձրևներն էլ կարող են հողի էրոզիա առաջացնել, առաջացած մասնիկերն էլ կարող են հայտնվել ջրային էկոհամակարգեր, ինչի պատճառով ջրերի աղտոտում կարող է տեղի ունենալ։ Մարդու առողջության վրա էլ լուրջ ազդեցություն է ունենում` այրումներից թունավոր քիմիական նյութ է անջատվում` բենզապիլեն, ինչն էլ նպաստում է թոքերում քաղցկեղի առաջացմանը։ Լինում է նաև հազ, ալերգիկ երևույթներ են ի հայտ գալիս»,– ասաց Պետրոսյանը։
Պայմանավորված առկա վտանգներով` մասնագետները հորդորում են, որ հատկապես տարվա տաք ժամանակ և աշնանը խոզանների և տերևների թափոնների այրում չիրականացնել։ Հայաստանի Հանրապետությունան մեծ մասում 5-րդ կարգի հրդեհավտանգ իրավիճակ է, որը համարվում է ամենաբարձր ցուցանիշը։
Ըստ «Մթնոլորտային օդի պահպանության մասին» ՀՀ օրենքի 11-րդ հոդվածի՝ արգելվում է այրել խոզանները, բուսական մնացորդներն ու չորացած բուսականությամբ տարածքները, արոտավայրերի և խոտհարքների բուսականությունը գյուղատնտեսական, անտառային և բնության հատուկ պահպանվող տարածքների հողերում։ Այս օրենքը խախտելն առաջացնում է վարչական պատասխանատվություն` ֆիզիկական անձանց նկատմամբ սահմանված աշխատավարձի 50-պատիկի չափով, իսկ իրավաբանական անձանց դեպքում՝ 150-պատիկի չափով։
