https://arm.sputniknews.ru/20230826/miak-erkiry-ur-mez-chen-hravirel-vardanjan-eghbajrnery-shapitvo-krkesy-hajastan-kberen-64802831.html
«Միակ երկիրը, ուր մեզ չեն հրավիրել». Վարդանյան եղբայրները շապիտո կրկեսը Հայաստան կբերեն
«Միակ երկիրը, ուր մեզ չեն հրավիրել». Վարդանյան եղբայրները շապիտո կրկեսը Հայաստան կբերեն
Sputnik Արմենիա
Ամբողջ աշխարհի հանդիսատեսի սրտերը հիրավի զարմանահրաշ համարներով գերած Վարդանյան եղբայները որոշել են վերածնել կրկեսային արվեստն իրենց հայրենիքում։ Ի՞նչ... 26.08.2023, Sputnik Արմենիա
2023-08-26T13:19+0400
2023-08-26T13:19+0400
2023-08-26T13:21+0400
կրկես
գևորգ վարդանյան
եղբայր
անդրանիկ վարդանյան
շապիտո կրկես
https://cdn.am.sputniknews.ru/img/847/73/8477344_0:0:1920:1080_1920x0_80_0_0_e3a8e435435454ce3366cc8bc0b0b8a6.jpg
Գևորգ և Անդրանիկ Վարդանյանները Երևանում շապիտո կրկես են բացում այնպիսի համարներով, որոնք անկախ Հայաստանում կներկայացվեն առաջին անգամ։ Շոուի պրեմիերան կկայանա սեպտեմբերի 2-ին։«Բացառիկ ներկայացում ենք պատրաստել երիտասարդ, բայց շատ պրոֆեսիոնալ արտիստներով։ Ելույթ կունենան օդային մարմնամարզիկներ, աճպարարներ, էկվիլիբրիստներ, դանակ նետողներ, ծաղրածուներ, և, իհարկե, մենք կցուցադրենք մեր համարները։ Կարճ ասած` մեր հայրենակիցներին բարձր մակարդակի ծրագիր կներկայացնենք»,–պատմում է Անդրանիկը։Եղբայրները շրջել են գրեթե ամբողջ աշխարհով, սակայն իրենց համար երկու ամենակարևոր երկրներում դեռ երբեք ելույթ չեն ունեցել։ Առաջինն ԱՄՆ–ն է, ուր իրենց բազմիցս հրավիրել են, սակայն ժամանակի սղության պատճառով նրանք ստիպված են եղել մերժեք հրավերները։ Երկրորդը` հարազատ Հայաստանը։«Հայաստանը միակ երկիրն է, ուր մեզ ոչ մի անգամ չեն հրավիրել, և մենք որոշեցինք ինքներս մեզ հրավիրել», – կատակում է Գևորգը։Հայ երեխաներին կրկես շատ է պետք, կամ ինչպես Գագիկ Ավետիսյանը դարձավ Չարլի ծաղրածուԻսկ եթե ավելի լուրջ` եղբայրները դեռ 6-7 տարի առաջ էին կապում իրենց ապագան կրկեսի հետ, մասնավորապես, երազում էին զարգացնել կրկեսային արվեստը, ինչի մասին դեռ այն ժամանակ խոստովանեցին Sputnik Արմենիայի հետ զրույցում։Եվ հիմա, Անդրանիկի խոսքով, նրանք զգում են, որ լիարժեք պատրաստ են հանդիսատեսի դատին հանձնել երկարամյա աշխատանքի ընթացքում կուտակած փորձի արդյունքները։Հավակնոտ այս նախագծի իրականացման համար Վարդանյան եղբայրները խզել են առաջիկա 2-3 տարիների իրենց բոլոր պայմանագրերը և ժամանել Հայաստան։ Չի բացառվում, որ շապիտո կրկեսի հաջողության դեպքում նրանք այստեղ մշտական կրկես հիմնեն։ Գևորգն ու Անդրանիկը վստահ են, որ կկարողանան բարձրացնել Հայաստանում կրկեսային արվեստի մակարդակը։Շատ երեխաներ կրկես են գալիս վայրի կենդանիներ տեսնելու. օրենքի դրական և բացասական կողմերըԱրտիստները պատմեցին նաև հեղինակավոր միջազգային մրցույթներում իրենց ձեռքբերումների մասին։ Մասնավորապես իսպանական All Stars–ում, որտեղ հավաքվել էին տաղանդների շոուի հաղթողներն ամբողջ աշխարհից, Գևորգն ու Անդրանիկը գրավեցին պատվավոր երկրորդ տեղը (առաջինը զբաղեցրեց իսպանացի մի երգչուհի), ինչպես նաև դարձան «Ոսկե կոճակի» հաղթող։Վերջում հավելենք, որ All Stars–ում իրենց հիանալի ելույթից հետո եղբայրներին հրավիրեցին America's Got Talent–ին մասնակցելու։Եվ երեք ամիս անց Անդրանիկն ու Գևորգն իրենց համարները կներկայացնեն աշխարհի տաղանդների, կարելի է ասել, ամենահեղինակավոր մրցույթում։«Ինձ լավ ծեծում էին, բայց ես մնացի կրկեսում». բացառիկ հարցազրույց Միխայիլ Բաղդասարովի հետՎարդանյան եղբայրների հետ ունեցած հարցազրույցի ամբողջական տարբերակը կարելի է դիտել այստեղ։
Sputnik Արմենիա
media@sputniknews.com
+74956456601
MIA „Rossiya Segodnya“
2023
Լիլիթ Հարությունյան
https://cdn.am.sputniknews.ru/img/571/40/5714017_266:0:1334:1068_100x100_80_0_0_a1465eaabaa7263ce5e52223ed2d2950.jpg
Լիլիթ Հարությունյան
https://cdn.am.sputniknews.ru/img/571/40/5714017_266:0:1334:1068_100x100_80_0_0_a1465eaabaa7263ce5e52223ed2d2950.jpg
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
Լիլիթ Հարությունյան
https://cdn.am.sputniknews.ru/img/571/40/5714017_266:0:1334:1068_100x100_80_0_0_a1465eaabaa7263ce5e52223ed2d2950.jpg
կրկես, գևորգ վարդանյան, եղբայր, անդրանիկ վարդանյան, շապիտո կրկես, видео
կրկես, գևորգ վարդանյան, եղբայր, անդրանիկ վարդանյան, շապիտո կրկես, видео
«Միակ երկիրը, ուր մեզ չեն հրավիրել». Վարդանյան եղբայրները շապիտո կրկեսը Հայաստան կբերեն
13:19 26.08.2023 (Թարմացված է: 13:21 26.08.2023) Ամբողջ աշխարհի հանդիսատեսի սրտերը հիրավի զարմանահրաշ համարներով գերած Վարդանյան եղբայները որոշել են վերածնել կրկեսային արվեստն իրենց հայրենիքում։ Ի՞նչ անակնկալներ են սպասում հայ հանդիսատեսին։ Sputnik Արմենիային եղբայրները պատմել են այս և մի շարք այլ բաների մասին։
Գևորգ և Անդրանիկ Վարդանյանները Երևանում շապիտո կրկես են բացում այնպիսի համարներով, որոնք անկախ Հայաստանում կներկայացվեն առաջին անգամ։ Շոուի պրեմիերան կկայանա սեպտեմբերի 2-ին։
«Բացառիկ ներկայացում ենք պատրաստել երիտասարդ, բայց շատ պրոֆեսիոնալ արտիստներով։ Ելույթ կունենան օդային մարմնամարզիկներ, աճպարարներ, էկվիլիբրիստներ, դանակ նետողներ, ծաղրածուներ, և, իհարկե, մենք կցուցադրենք մեր համարները։ Կարճ ասած` մեր հայրենակիցներին բարձր մակարդակի ծրագիր կներկայացնենք»,–պատմում է Անդրանիկը։
Եղբայրները շրջել են գրեթե ամբողջ աշխարհով, սակայն իրենց համար երկու ամենակարևոր երկրներում դեռ երբեք ելույթ չեն ունեցել։ Առաջինն ԱՄՆ–ն է, ուր իրենց բազմիցս հրավիրել են, սակայն ժամանակի սղության պատճառով նրանք ստիպված են եղել մերժեք հրավերները։ Երկրորդը` հարազատ Հայաստանը։
«Հայաստանը միակ երկիրն է, ուր մեզ ոչ մի անգամ չեն հրավիրել, և մենք որոշեցինք ինքներս մեզ հրավիրել», – կատակում է Գևորգը։
Իսկ եթե ավելի լուրջ` եղբայրները դեռ 6-7 տարի առաջ էին կապում իրենց ապագան կրկեսի հետ, մասնավորապես, երազում էին զարգացնել կրկեսային արվեստը, ինչի մասին դեռ այն ժամանակ խոստովանեցին
Sputnik Արմենիայի հետ զրույցում։
Եվ հիմա, Անդրանիկի խոսքով, նրանք զգում են, որ լիարժեք պատրաստ են հանդիսատեսի դատին հանձնել երկարամյա աշխատանքի ընթացքում կուտակած փորձի արդյունքները։
«Շատ ենք ուզում հայ հանդիսատեսին ցույց տալ, որ կրկեսը միայն ծաղրածուն կամ առանձին համարները չէ. այն շատ գեղեցիկ և միաժամանակ բավական դժվար մի արվեստ է, որտեղ հանդիսատեսին խաբելն անհնար է»։
Հավակնոտ այս նախագծի իրականացման համար Վարդանյան եղբայրները խզել են առաջիկա 2-3 տարիների իրենց բոլոր պայմանագրերը և ժամանել Հայաստան։ Չի բացառվում, որ շապիտո կրկեսի հաջողության դեպքում նրանք այստեղ մշտական կրկես հիմնեն։ Գևորգն ու Անդրանիկը վստահ են, որ կկարողանան բարձրացնել Հայաստանում կրկեսային արվեստի մակարդակը։
Արտիստները պատմեցին նաև հեղինակավոր միջազգային մրցույթներում իրենց ձեռքբերումների մասին։ Մասնավորապես իսպանական All Stars–ում, որտեղ հավաքվել էին տաղանդների շոուի հաղթողներն ամբողջ աշխարհից, Գևորգն ու Անդրանիկը գրավեցին պատվավոր երկրորդ տեղը (առաջինը զբաղեցրեց իսպանացի մի երգչուհի), ինչպես նաև դարձան «Ոսկե կոճակի» հաղթող։
«Քանի որ մինչ օրս մենք հանդես ենք եկել միայն միջազգային հարթակներում, մեր հայրենակիցները մեզ հիմնականում տեսել են հեռուստացույցով կամ համացանցում։ Այժմ ուզում ենք, որ կարողանան տեսնել մեզ և մեր համարները իրականում», – ասում է Գևորգը։
Վերջում հավելենք, որ All Stars–ում իրենց հիանալի ելույթից հետո եղբայրներին հրավիրեցին America's Got Talent–ին մասնակցելու։
Եվ երեք ամիս անց Անդրանիկն ու Գևորգն իրենց համարները կներկայացնեն աշխարհի տաղանդների, կարելի է ասել, ամենահեղինակավոր մրցույթում։
Վարդանյան եղբայրների հետ ունեցած հարցազրույցի ամբողջական տարբերակը կարելի է դիտել այստեղ։
