https://arm.sputniknews.ru/20230823/eatm-um-arvoghjapahutjan-miasnakan-hamakarg-e-petq-onishchenkvo-64774775.html
ԵԱՏՄ-ում առողջապահության միասնական համակարգ է պետք․ Օնիշչենկո
ԵԱՏՄ-ում առողջապահության միասնական համակարգ է պետք․ Օնիշչենկո
Sputnik Արմենիա
Ակադեմիկոսը կարծում է, որ Եվրասիական հանձնաժողովի կողմից ընդունված շուրջ 70 վերազգային փաստաթղթերը թույլ կտան առավելագույնս մոտեցնել առողջապահության... 23.08.2023, Sputnik Արմենիա
2023-08-23T15:39+0400
2023-08-23T15:39+0400
2023-08-23T15:43+0400
եվրասիական տնտեսական միություն (եատմ)
հայաստան և եատմ
ապահովագրություն
առողջության ապահովագրություն
https://cdn.am.sputniknews.ru/img/07e7/08/17/64771553_0:155:1600:1055_1920x0_80_0_0_387d34f3db82fd5e4579ab5362e1b3ce.jpg
ԵՐԵՎԱՆ, 23 օգոստոսի – Sputnik. ԵԱՏՄ շրջանակում բժշկական ապահովագրության համակարգերի ներդաշնակեցումն առաջարկել է Ռուսաստանի Գիտությունների ակադեմիայի ակադեմիկոս, Ռուսաստանի կրթության ակադեմիայի նախագահի տեղակալ Գենադի Օնիշչենկոն Մոսկվա-Մինսկ-Բիշքեկ-Երևան-Աստանա տեսակամուրջի ընթացքում՝ Sputnik Արմենիա մուլտիմեդիոն մամուլի կենտրոնի միացմամբ։Նրա կարծիքով՝ դա թույլ կտար հինգ անդամ երկրների քաղաքացիներին բուժման համար ընտրել բժշկական կենտրոն այն հանրապետությունում, որը մասնագիտացած է այս կամ այն կոնկրետ հիվանդության դեմ պայքարում։Ակադեմիկոսի խոսքով՝ ԵՏՀ-ում ընդունվել է մեր երկրներում կատարման համար պարտադիր շուրջ 70 վերազգային փաստաթուղթ, ինչը թույլ կտա առավելագույնս մոտեցնել առողջապահության կառույցներն ու գաղափարախոսությունը ԵԱՏՄ շրջանակում:«Միասնական աշխատանք է տարվում այդ ուղղությամբ և տարվում է ավելի էվոլուցիոն կերպով, երբ ընդունվում է վերազգային փաստաթղթերի մակարդակով։ Վարչականորեն այդ հարցը «բռունցքը սեղանին խփելով» լուծել չի հաջողվի», - ասաց նա։Օնիշչենկոն նաև նշեց, որ պարտադիր ապահովագրական բժշկությունն այսօր գործում է ԵԱՏՄ երկրների մեծ մասում, բացի Բելառուսից և Հայաստանից: Ընդ որում, Հայաստանն արդեն ընդունել է համապատասխան օրենսդրական ակտեր, ու համակարգը կսկսի ներդրվել 2025թ-ից, իսկ Բելառուսում հաստատվել են բժշկական օգնության տրամադրման նվազագույն չափորոշիչները, ինչը նույնպես կարելի է «քվազի-բժշկական ապահովագրություն» համարել։Ավելի վաղ տնտեսական գիտությունների դոկտոր, «Այլընտրանք» հետազոտական կենտրոնի ղեկավար Թաթուլ Մանասերյանը Sputnik Արմենիա մամուլի կենտրոնում կայացած ասուլիսի ժամանակ կարծիք էր հայտնել, որ ԵԱՏՄ երկրների միասնական ֆինանսական համակարգը կօգնի բարձրացնել եվրասիական հնգյակի երկրների տնտեսական անվտանգությունը։2015 թվականին ստեղծված ԵԱՏՄ-ին անդամակցում են Հայաստանը, Ռուսաստանը, Բելառուսը, Ղազախստանը և Ղրղզստանը:
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
եվրասիական տնտեսական միություն (եատմ), հայաստան և եատմ, ապահովագրություն, առողջության ապահովագրություն
եվրասիական տնտեսական միություն (եատմ), հայաստան և եատմ, ապահովագրություն, առողջության ապահովագրություն
ԵԱՏՄ-ում առողջապահության միասնական համակարգ է պետք․ Օնիշչենկո
15:39 23.08.2023 (Թարմացված է: 15:43 23.08.2023) Ակադեմիկոսը կարծում է, որ Եվրասիական հանձնաժողովի կողմից ընդունված շուրջ 70 վերազգային փաստաթղթերը թույլ կտան առավելագույնս մոտեցնել առողջապահության կառույցներն ու գաղափարախոսությունը ԵԱՏՄ շրջանակում:
ԵՐԵՎԱՆ, 23 օգոստոսի – Sputnik. ԵԱՏՄ շրջանակում բժշկական ապահովագրության համակարգերի ներդաշնակեցումն առաջարկել է Ռուսաստանի Գիտությունների ակադեմիայի ակադեմիկոս, Ռուսաստանի կրթության ակադեմիայի նախագահի տեղակալ Գենադի Օնիշչենկոն Մոսկվա-Մինսկ-Բիշքեկ-Երևան-Աստանա տեսակամուրջի ընթացքում՝
Sputnik Արմենիա մուլտիմեդիոն մամուլի կենտրոնի միացմամբ։
Նրա կարծիքով՝ դա թույլ կտար հինգ անդամ երկրների քաղաքացիներին բուժման համար ընտրել բժշկական կենտրոն այն հանրապետությունում, որը մասնագիտացած է այս կամ այն կոնկրետ հիվանդության դեմ պայքարում։
«Պետք է զարգացնել ԵԱՏՄ անդամ երկրների բժշկական կենտրոնները։ Ավելի լավ կլիներ, եթե միասնական բժշկական ապահովագրություն լիներ։ Դրա համար պետք է համապատասխան տնտեսական գործիքներ կառուցել։ Տնտեսությունը մեզ մոտ ընդհանուր է, միգրացիան՝ ընդհանուր, ապրանքների, ծառայությունների, կապիտալի և աշխատանքային ռեսուրսների անարգել տեղաշարժի խոչընդոտներ չկան։ Իսկ ահա միասնական առողջապահության մասին խոսել, չգիտես ինչու, չենք ուզում։ Չնայած ես կարծում եմ, որ մենք դրան կհասնենք», - ընդգծեց Օնիշչենկոն։
Ակադեմիկոսի խոսքով՝ ԵՏՀ-ում ընդունվել է մեր երկրներում կատարման համար պարտադիր շուրջ 70 վերազգային փաստաթուղթ, ինչը թույլ կտա առավելագույնս մոտեցնել առողջապահության կառույցներն ու գաղափարախոսությունը ԵԱՏՄ շրջանակում:
«Միասնական աշխատանք է տարվում այդ ուղղությամբ և տարվում է ավելի էվոլուցիոն կերպով, երբ ընդունվում է վերազգային փաստաթղթերի մակարդակով։ Վարչականորեն այդ հարցը «բռունցքը սեղանին խփելով» լուծել չի հաջողվի», - ասաց նա։
Օնիշչենկոն նաև նշեց, որ պարտադիր ապահովագրական բժշկությունն այսօր գործում է ԵԱՏՄ երկրների մեծ մասում, բացի Բելառուսից և Հայաստանից: Ընդ որում, Հայաստանն արդեն ընդունել է համապատասխան օրենսդրական ակտեր, ու համակարգը կսկսի ներդրվել 2025թ-ից, իսկ Բելառուսում հաստատվել են բժշկական օգնության տրամադրման նվազագույն չափորոշիչները, ինչը նույնպես կարելի է «քվազի-բժշկական ապահովագրություն» համարել։
Ռուսաստանի կրթության ակադեմիայի փոխնախագահը նաև հիշեցրեց, որ ԵԱՏՄ երկրներին միավորում է անդամակցությունը ՀԱՊԿ-ին և առողջապահության միասնական համակարգի ձևավորումը թույլ կտա ընդհանուր ծրագիր մշակել միության տարածքում զորքերն ու բնակչությանը զանգվածային ոչնչացման զենքից պաշտպանելու համար:
Ավելի վաղ տնտեսական գիտությունների դոկտոր, «Այլընտրանք» հետազոտական կենտրոնի ղեկավար Թաթուլ Մանասերյանը Sputnik Արմենիա մամուլի կենտրոնում կայացած ասուլիսի ժամանակ
կարծիք էր հայտնել, որ ԵԱՏՄ երկրների միասնական ֆինանսական համակարգը կօգնի բարձրացնել եվրասիական հնգյակի երկրների տնտեսական անվտանգությունը։
2015 թվականին ստեղծված ԵԱՏՄ-ին անդամակցում են Հայաստանը, Ռուսաստանը, Բելառուսը, Ղազախստանը և Ղրղզստանը:
