Նվաստացման ենթարկված երեխայի դեպքի առնչությամբ ԱՍՀ–ում հրատապ քննարկում է անցկացվել
16:00 19.08.2023 (Թարմացված է: 16:01 19.08.2023)
© Photo : press office of the Ministry of Labor and Social Affairs of RA Հրատապ քննարկում Աշխատանքի և սոցիալական հարցերի նախարարությունում
![Հրատապ քննարկում Աշխատանքի և սոցիալական հարցերի նախարարությունում Հրատապ քննարկում Աշխատանքի և սոցիալական հարցերի նախարարությունում - Sputnik Արմենիա, 1920, 19.08.2023](https://cdn.am.sputniknews.ru/img/07e7/08/13/64627238_0:63:1200:738_1920x0_80_0_0_c257e039c662b6e78717a91e747b9cc7.jpg)
Հրատապ քննարկում Աշխատանքի և սոցիալական հարցերի նախարարությունում
Բաժանորդագրվել
Քննարկումների ընթացքում պայմանավորվածություն է ձեռք բերվել օպերատիվ շտաբ ստեղծել։
ԵՐԵՎԱՆ, 19 օգոստոսի – Sputnik. Ծեծի և նվաստացման ենթարկված աղջկա, ինչպես նաև այդ ընտանիքի մյուս երեխաների մասնակցությամբ աղմկահարույց դեպքի առնչությամբ Աշխատանքի և սոցիալական հարցերի նախարարությունում միջգերատեսչական հրատապ հանդիպում է անցկացվել։ Գերատեսչությունից հայտնում են, որ հանդիպմանը ներկա են եղել աշխատանքի և սոցիալական հարցերի նախարարին այս պահին փոխարինող Աննա Ժամակոչյանը, նախարարի տեղակալները, Գեղարքունիքի մարզպետը և մի շարք այլ գերատեսչությունների ներկայացուցիչներ։
«Հանդիպման ընթացքում քննարկվել են դեպքի առնչությամբ մինչ այժմ իրականացված և նախատեսվող գործողությունները։ Խոսվել է նաև նմանօրինակ դեպքերը կանխարգելելու հնարավոր միջոցների մասին։ Իրավասու մարմիններն իրենց լիազորությունների շրջանակում ներկայացրել են տարվող աշխատանքների ընթացքը՝ վերահաստատելով, որ յուրաքանչյուր գործողության հիմքում երեխայի լավագույն շահն է»,– ասված է հաղորդագրությունում։
Ընդգծելով նոր միջոցառումների իրականացման կարևորությունը՝ պայմանավորվածություն է ձեռք բերվել քննարկման մասնակիցների ներգրավմամբ շարունակել աշխատանքներն օպերատիվ շտաբի ձևաչափով։ Այն կգործի Երեխաների իրավունքների պաշտպանության ազգային հանձնաժողովի լիազորությունների համատեքստում։
Հիշեցնենք` օգոստոսի 18-ին համացանցում տեսանյութ տարածվեց, որում մի կին բռնության է ենթարկում անչափահաս աղջկան, մյուս երեխաներին էլ ներգրավում է, որպեսզի նվաստացնեն դստերը: Ավելի ուշ հայտնի դարձավ, որ աղջկան ծեծում է 34-ամյա Աննա Արևշատյանը։ Դեպքը տեսանկարահանվել է Գավառում։ Արևշատյանը ձերբակալվել է։
© Photo : press office of the Ministry of Labor and Social Affairs of RA Հրատապ քննարկում Աշխատանքի և սոցիալական հարցերի նախարարությունում
![Экстренное межведомственное совещание по факту распространения насилия в отношении детей в Интернете (19.08.2023) Еревaн Экстренное межведомственное совещание по факту распространения насилия в отношении детей в Интернете (19.08.2023) Еревaн - Sputnik Արմենիա, 1920, 19.08.2023](https://cdn.am.sputniknews.ru/img/07e7/08/13/64627270_0:0:1200:800_1920x0_80_0_0_9e486debcbd4bb972d5627ebd7e27499.jpg)
Հրատապ քննարկում Աշխատանքի և սոցիալական հարցերի նախարարությունում