https://arm.sputniknews.ru/20230818/nvor-ughghutjun-hajastanjan-shukajum-erevanic-shri-lanka-ughigh-chvertvov-64601484.html
Նոր ուղղություն հայաստանյան շուկայում. Երևանից Շրի Լանկա` ուղիղ չվերթով
Նոր ուղղություն հայաստանյան շուկայում. Երևանից Շրի Լանկա` ուղիղ չվերթով
Sputnik Արմենիա
Ուղիղ թռիչքները կմեկնարկեն հոկտեմբերի 20-ից` 8-օրյա պարբերականությամբ։ 18.08.2023, Sputnik Արմենիա
2023-08-18T18:07+0400
2023-08-18T18:07+0400
2023-08-18T18:17+0400
թռիչք
չվերթ
շրի լանկա
երևան
https://cdn.am.sputniknews.ru/img/07e7/08/12/64598487_0:114:1601:1014_1920x0_80_0_0_3634674749f1aea0a0ad4b3ede47cef2.jpg
ԵՐԵՎԱՆ, 18 օգոստոսի – Sputnik. Այսուհետև հայաստանցի զբոսաշրջիկները կկարողանան Շրի Լանկա մեկնել ուղիղ չվերթով։ Կոլոմբո–Երևան–Կոլոմբո չարտերային նոր չվերթերն իրականացնում է Sky&more ընկերությունը` Fits Air ավիաընկերության հետ համատեղ։«Շրի Լանկայի ուղղությունը բավականին պահանջված է եղել այս տարիների ընթացքում, 2021-2023 թթ. թվերն ուսումնասիրելիս էլ տեսանք, որ աճն աննախադեպ է` 178 տոկոս։ Սա առաջին պատճառն էր, թե ինչու այս ուղղությունն ընտրեցինք։ Երկրորդ պատճառն այն է, որ Կոլոմբոյի օդանավակայանը կարող է տարանցիկ կետ լինել դեպի ասիական այլ երկրներ մեկնելու համար»,– Sputnik Արմենիայի հետ զրույցում նշեց ընկերության գործադիր տնօրեն Գևորգ Խաչատրյանը։Նրա խոսքով` հայաստանցի զբոսաշրջիկները հիմա կարող են բավականին մատչելի արժեքով Կոլոմբոյից հասնել, օրինակ, Մալդիվներ, Մալայզիա, Թաիլանդ, Ավստրալիա, Չինաստան, Սինգապուր, Բալի, Հնդկաստան և այլն, ունենալ համակցված տուրեր։Ինչ վերաբերում է Երևանից Կոլոմբո հասնելուն, ուղիղ թռիչքը տևելու է 7 ժամ 50 րոպե` Ֆուջեյրայում կեսժամանոց տեխնիկական վայրէջքով։ Մինչդեռ նախկինում մոտ 12-14 ժամ էին ուղևորները ծախսում Շրի Լանկա հասնելու համար` տարանցիկ օդանավակայանում 5-6 ժամ սպասելով։8-օրյա հանգստի համար միջին արժեքը, ներառյալ` հյուրանոցում կեցությունը, արժենալու է 1100-1200 դոլար։Շրի Լանկան գրավիչ է հայաստանցի զբոսաշրջիկների համար նաև այն պատճառով, որ վիզայի ստացումն է դյուրին. կա՛մ նախապես են ստանում` օնլայն, կա՛մ օդանավակայան ժամանելիս, հյուպատոսական վճարը 60 դոլար է։Չվերթի կազմակերպիչները չեն բացառում, որ ապագայում ոչ միայն Հայաստանից զբոսաշրջիկներ կգնան Շրի Լանկա, այլև այնտեղից էլ կգան։ Ներկայում Հայաստանի մուտքի վիզայի ստացման հետ կապված խնդիրներ կան, բայց խոսակցություններ արդեն տարվում են։ Ուստի ուղիղ չվերթերը կարող են նաև երկու երկրների միջև տնտեսական կապերի զարգացմանը նպաստել։
շրի լանկա
երևան
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
թռիչք, չվերթ, շրի լանկա, երևան
թռիչք, չվերթ, շրի լանկա, երևան
Նոր ուղղություն հայաստանյան շուկայում. Երևանից Շրի Լանկա` ուղիղ չվերթով
18:07 18.08.2023 (Թարմացված է: 18:17 18.08.2023) Ուղիղ թռիչքները կմեկնարկեն հոկտեմբերի 20-ից` 8-օրյա պարբերականությամբ։
ԵՐԵՎԱՆ, 18 օգոստոսի – Sputnik. Այսուհետև հայաստանցի զբոսաշրջիկները կկարողանան Շրի Լանկա մեկնել ուղիղ չվերթով։ Կոլոմբո–Երևան–Կոլոմբո չարտերային նոր չվերթերն իրականացնում է Sky&more ընկերությունը` Fits Air ավիաընկերության հետ համատեղ։
«Շրի Լանկայի ուղղությունը բավականին պահանջված է եղել այս տարիների ընթացքում, 2021-2023 թթ. թվերն ուսումնասիրելիս էլ տեսանք, որ աճն աննախադեպ է` 178 տոկոս։ Սա առաջին պատճառն էր, թե ինչու այս ուղղությունն ընտրեցինք։ Երկրորդ պատճառն այն է, որ Կոլոմբոյի օդանավակայանը կարող է տարանցիկ կետ լինել դեպի ասիական այլ երկրներ մեկնելու համար»,–
Sputnik Արմենիայի հետ զրույցում նշեց ընկերության գործադիր տնօրեն Գևորգ Խաչատրյանը։
Նրա խոսքով` հայաստանցի զբոսաշրջիկները հիմա կարող են բավականին մատչելի արժեքով Կոլոմբոյից հասնել, օրինակ, Մալդիվներ, Մալայզիա, Թաիլանդ, Ավստրալիա, Չինաստան, Սինգապուր, Բալի, Հնդկաստան և այլն, ունենալ համակցված տուրեր։
Ինչ վերաբերում է Երևանից Կոլոմբո հասնելուն, ուղիղ թռիչքը տևելու է 7 ժամ 50 րոպե` Ֆուջեյրայում կեսժամանոց տեխնիկական վայրէջքով։ Մինչդեռ նախկինում մոտ 12-14 ժամ էին ուղևորները ծախսում Շրի Լանկա հասնելու համար` տարանցիկ օդանավակայանում 5-6 ժամ սպասելով։
8-օրյա հանգստի համար միջին արժեքը, ներառյալ` հյուրանոցում կեցությունը, արժենալու է 1100-1200 դոլար։
Ուղիղ չվերթերը մեկնարկելու են հոկտեմբերի 20-ից` 8-օրյա պարբերականությամբ։ Այս պահին ծրագրի ավարտը նախատեսված է ապրիլի 30-ին։ Սակայն հաշվի առնելով արդեն իսկ նկատվող պահանջարկը` չի բացառվում, որ չվերթերը կշարունակվեն։ Անձրևների սեզոնին արդեն թռիչքներ կիրականացվեն ոչ թե դեպի Կոլոմբո, այլ կղզու ոչ անձրևային շրջաններ։
Շրի Լանկան գրավիչ է հայաստանցի զբոսաշրջիկների համար նաև այն պատճառով, որ վիզայի ստացումն է դյուրին. կա՛մ նախապես են ստանում` օնլայն, կա՛մ օդանավակայան ժամանելիս, հյուպատոսական վճարը 60 դոլար է։
Չվերթի կազմակերպիչները չեն բացառում, որ ապագայում ոչ միայն Հայաստանից զբոսաշրջիկներ կգնան Շրի Լանկա, այլև այնտեղից էլ կգան։ Ներկայում Հայաստանի մուտքի վիզայի ստացման հետ կապված խնդիրներ կան, բայց խոսակցություններ արդեն տարվում են։ Ուստի ուղիղ չվերթերը կարող են նաև երկու երկրների միջև տնտեսական կապերի զարգացմանը նպաստել։
