https://arm.sputniknews.ru/20230818/dvon-pipvoji-merdzavvorneric--mekin-meghadranq-e-arajadrvel-64605415.html
«Դոն Պիպոյի» մերձավորներից մեկին մեղադրանք է առաջադրվել
«Դոն Պիպոյի» մերձավորներից մեկին մեղադրանք է առաջադրվել
Sputnik Արմենիա
Նրանք հիմնել են իբրև թե պահնորդական ընկերություն` հակառակորդներին պատժելու նպատակով։ 18.08.2023, Sputnik Արմենիա
2023-08-18T19:11+0400
2023-08-18T19:11+0400
2023-08-18T19:12+0400
հանցագործություն
խուլիգանություն
մեղադրանք
հհ քննչական կոմիտե
https://cdn.am.sputniknews.ru/img/07e6/09/0d/48124992_0:104:1001:667_1920x0_80_0_0_1db4aab8f5161205c560efb9a79b39d3.jpg
ԵՐԵՎԱՆ, 18 օգոստոսի – Sputnik. «Դոն Պիպո» մականունով հայտնի գործարար Արթուր Ասատրյանի ստեղծած հանցավոր կազմակերպությանը մասնակցելու և զենքի գործադրմամբ խուլիգանություն կատարելու գործով մասնակիցներից մեկի մասով նախաքննությունն ավարտվել է։ Տեղեկությունը հայտնում է ՀՀ քննչական կոմիտեի մամուլի ծառայությունը։«Դոն Պիպոն» և իր կնոջ բարեկամ Կ.Ղ.-ն Վաղարշապատում անօրինական ազդեցության ոլորտը կարգավորելու հարցերը պարզաբանելու, իրենց հակառակորդ համարվող տարբեր անձանց, նրանց համախոհների ու մտերմների հանցավոր ակտիվությունը չեզոքացնելու նպատակով ստեղծել և ղեկավարել են հանցավոր կազմակերպություն։ Դրա կազմում հավաքագրել են բազմաթիվ մտերիմների, այդ թվում «Գոջու տղա Գուգո» մականվամբ հայտնի Գ.Ա.-ին և այլ անձանց: Իրենց հանցավոր գործունեությունը քողարկելու և կատարված գործողություններին օրինական բնույթ հաղորդելու նպատակով Արթուր Ասատրյանն ու Կ.Ղ.-ն վերջինիս անվամբ հիմնել են իբրև պահնորդական ծառայություններ մատուցող «Իմպերիա սեքյուրիթի» ՍՊԸ և տարբեր անձանց՝ հատկապես մարզիկների, առաջարկել աշխատանքի անցնել այնտեղ՝ իբրև պահնորդներ: Ապօրինի կերպով ձեռք են բերել տարբեր տեսակի մարտական և ոչ մարտական հրազեններ։ «Դոն Պիպոյի» նկատմամբ հետախուզում է հայտարարվել2021թ. մարտ ամսին «Դոն Պիպոյի» և հակառակորդ համարվող անձանց հարաբերությունները սրվել են։ Նրանց հրապարակայնորեն պատժելու և վրեժխնդիր լինելու մոլուցքով, մարտի 14-ին «Դոն Պիպոն» հանցավոր կազմակերպության անդամներին հանձնարարել է հավաքվել Վաղարշապատի Նալբանդյան փողոցում գտնվող ռեստորանային համալիրում:«Նույն օրը՝ ժամը 21:00-ի սահմաններում, հիշյալ համալիր են ժամանել նաև հակառակորդ խմբավորման անդամներն ու կողմնակիցները՝ 4 տասնյակից ավելի անձինք, ապօրինի կերպով ձեռք բերած զենքերով: Վերը նշված երկու խմբավորումների կազմում ընդգրկված անձինք, իրենց անձի և խմբավորման առավելություններն ընդգծելու մոլուցքով տարված, դիտավորությամբ կոպիտ կերպով խախտել են հասարակական կարգը, 2-3 րոպե տևողությամբ խաթարել են Էջմիածին քաղաքի Նալբանդյան փողոցի երթևեկությունը, աղմկել են, հայհոյել և փոխադարձ կռվի են բռնվել միմյանց հետ,որի ընթացքում առնվազն երեք՝ 9մմ /9x19/, 9մմ /9x18/ և 5,6x15մմ տրամաչափի ակոսափող հրազեններից և այլ զենքերից փոխադարձ կրակոցներ են արձակել միմյանց ուղղությամբ»,– ներկայացնում է ՔԿ–ն:Այս ամենի հետևանքով տագնապային իրավիճակում են հայտնվել դեպքի վայրի հարակից տարածքում գտնվող հասարակական օբյեկտների աշխատակիցները, բնակելի տների և բազմաբնակարան շենքերի բնակիչները, փողոցի պատահական անցորդները: Նշված գործողություններից հետո ենթադրյալ հանցագործությունը կատարած անձինք դեպքի վայրից դիմել են փախուստի:Ձեռք բերված բավարար փաստերի հիման վրա «Գոջու տղա Գուգոյին» մեղադրանք է ներկայացվել՝ ՀՀ քրեական օրենսգրքի 297-րդ հոդվածի (Խուլիգանություն) 3-րդ մասով և 319-րդ հոդվածի (Հանցավոր կազմակերպությանը մասնակցելը) 1-ին մասով:Վերջինիս վերաբերյալ նախաքննությունն ավարտվել է: Քրեական վարույթի նյութերը, մեղադրական եզրակացությամբ, ուղարկվել են հսկող դատախազին՝ հաստատելու և դատարան ուղարկելու համար:
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հանցագործություն, խուլիգանություն, մեղադրանք, հհ քննչական կոմիտե
հանցագործություն, խուլիգանություն, մեղադրանք, հհ քննչական կոմիտե
«Դոն Պիպոյի» մերձավորներից մեկին մեղադրանք է առաջադրվել
19:11 18.08.2023 (Թարմացված է: 19:12 18.08.2023) Նրանք հիմնել են իբրև թե պահնորդական ընկերություն` հակառակորդներին պատժելու նպատակով։
ԵՐԵՎԱՆ, 18 օգոստոսի – Sputnik. «Դոն Պիպո» մականունով հայտնի գործարար Արթուր Ասատրյանի ստեղծած հանցավոր կազմակերպությանը մասնակցելու և զենքի գործադրմամբ խուլիգանություն կատարելու գործով մասնակիցներից մեկի մասով նախաքննությունն ավարտվել է։ Տեղեկությունը հայտնում է ՀՀ քննչական կոմիտեի մամուլի ծառայությունը։
«Դոն Պիպոն» և իր կնոջ բարեկամ Կ.Ղ.-ն Վաղարշապատում անօրինական ազդեցության ոլորտը կարգավորելու հարցերը պարզաբանելու, իրենց հակառակորդ համարվող տարբեր անձանց, նրանց համախոհների ու մտերմների հանցավոր ակտիվությունը չեզոքացնելու նպատակով ստեղծել և ղեկավարել են հանցավոր կազմակերպություն։ Դրա կազմում հավաքագրել են բազմաթիվ մտերիմների, այդ թվում «Գոջու տղա Գուգո» մականվամբ հայտնի Գ.Ա.-ին և այլ անձանց: Իրենց հանցավոր գործունեությունը քողարկելու և կատարված գործողություններին օրինական բնույթ հաղորդելու նպատակով Արթուր Ասատրյանն ու Կ.Ղ.-ն վերջինիս անվամբ հիմնել են իբրև պահնորդական ծառայություններ մատուցող «Իմպերիա սեքյուրիթի» ՍՊԸ և տարբեր անձանց՝ հատկապես մարզիկների, առաջարկել աշխատանքի անցնել այնտեղ՝ իբրև պահնորդներ: Ապօրինի կերպով ձեռք են բերել տարբեր տեսակի մարտական և ոչ մարտական հրազեններ։
2021թ. մարտ ամսին «Դոն Պիպոյի» և հակառակորդ համարվող անձանց հարաբերությունները սրվել են։ Նրանց հրապարակայնորեն պատժելու և վրեժխնդիր լինելու մոլուցքով, մարտի 14-ին «Դոն Պիպոն» հանցավոր կազմակերպության անդամներին հանձնարարել է հավաքվել Վաղարշապատի Նալբանդյան փողոցում գտնվող ռեստորանային համալիրում:
«Նույն օրը՝ ժամը 21:00-ի սահմաններում, հիշյալ համալիր են ժամանել նաև հակառակորդ խմբավորման անդամներն ու կողմնակիցները՝ 4 տասնյակից ավելի անձինք, ապօրինի կերպով ձեռք բերած զենքերով: Վերը նշված երկու խմբավորումների կազմում ընդգրկված անձինք, իրենց անձի և խմբավորման առավելություններն ընդգծելու մոլուցքով տարված, դիտավորությամբ կոպիտ կերպով խախտել են հասարակական կարգը, 2-3 րոպե տևողությամբ խաթարել են Էջմիածին քաղաքի Նալբանդյան փողոցի երթևեկությունը, աղմկել են, հայհոյել և փոխադարձ կռվի են բռնվել միմյանց հետ,որի ընթացքում առնվազն երեք՝ 9մմ /9x19/, 9մմ /9x18/ և 5,6x15մմ տրամաչափի ակոսափող հրազեններից և այլ զենքերից փոխադարձ կրակոցներ են արձակել միմյանց ուղղությամբ»,– ներկայացնում է ՔԿ–ն:
Այս ամենի հետևանքով «Դոն Պիպոյի» կողմնակիցներից մեկը վնասվածք է ստացել գլխի հատվածում: Այդ ընթացքում հակառակորդ խմբավորման անդամները ծեծի են ենթարկել Կ.Ղ.-ին՝ ձեռքերով և ոտքերով բազմաթիվ հարվածներ հասցնելով նրա մարմնի տարբեր մասերին: «Գոջու տղա Գուգոն» իր մոտ եղած «Վինչեստր» տեսակի զենքով կրակոցներ է արձակել վիճաբանության մյուս կողմի մասնակիցների ուղղությամբ:
Այս ամենի հետևանքով տագնապային իրավիճակում են հայտնվել դեպքի վայրի հարակից տարածքում գտնվող հասարակական օբյեկտների աշխատակիցները, բնակելի տների և բազմաբնակարան շենքերի բնակիչները, փողոցի պատահական անցորդները: Նշված գործողություններից հետո ենթադրյալ հանցագործությունը կատարած անձինք դեպքի վայրից դիմել են փախուստի:
Ձեռք բերված բավարար փաստերի հիման վրա «Գոջու տղա Գուգոյին» մեղադրանք է ներկայացվել՝ ՀՀ քրեական օրենսգրքի 297-րդ հոդվածի (Խուլիգանություն) 3-րդ մասով և 319-րդ հոդվածի (Հանցավոր կազմակերպությանը մասնակցելը) 1-ին մասով:
Վերջինիս վերաբերյալ նախաքննությունն ավարտվել է: Քրեական վարույթի նյութերը, մեղադրական եզրակացությամբ, ուղարկվել են հսկող դատախազին՝ հաստատելու և դատարան ուղարկելու համար:
