https://arm.sputniknews.ru/20230817/hajastani-ev-chinastani-mijev-arevtri-tsavaly-arajin-kisamjakum-gerazancel-e-800-mln-dvolary-64569370.html
Հայաստանի և Չինաստանի միջև առևտրի ծավալը առաջին կիսամյակում գերազանցել է 800 մլն դոլարը
Հայաստանի և Չինաստանի միջև առևտրի ծավալը առաջին կիսամյակում գերազանցել է 800 մլն դոլարը
Sputnik Արմենիա
Չինաստանի դեսպանի խոսքով՝ Պեկինը տարիներ շարունակ Հայաստանի երկրորդ խոշոր առևտրային գործընկերն է եղել։ 17.08.2023, Sputnik Արմենիա
2023-08-17T22:15+0400
2023-08-17T22:15+0400
2023-08-17T22:16+0400
չինաստան
հայաստան
առևտուր
ներմուծում
արտահանում
ֆան յոնգ
դեսպան
https://cdn.am.sputniknews.ru/img/07e7/08/11/64558329_0:245:1332:994_1920x0_80_0_0_078a5c9edfd33f39dd145159dc548653.jpg
ԵՐԵՎԱՆ, 17 օգոստոսի – Sputnik. Հայաստանի և Չինաստանի միջև առևտրի ծավալը 2023 թվականին կազմել է ավելի քան 800 մլն դոլար։ Այդ մասին ասել է Չինաստանի դեսպան Ֆան Յոնգը ԶԼՄ-ների հետ ճեպազրույցի ժամանակ։Նրա խոսքով՝ վերջին տարիներին «Մեկ գոտի, մեկ ճանապարհ» ծրագրի շրջանակներում երկու երկրների միջև համագործակցությունն աճում է: Բացի այդ, տարիներ շարունակ Չինաստանը Հայաստանի երկրորդ խոշոր առևտրային գործընկերն է եղել։Ֆան Յոնգը նշել է, որ Չինաստանը մասնակցում է «Հյուսիս-Հարավ» մայրուղու մի հատվածի վերանորոգմանը, իսկ վարչապետ Նիկոլ Փաշինյանն այն երկրի լավագույն ճանապարհն է անվանել:Հունիսին 14,4 մլն դոլարի համաձայնագիր է ստորագրվել Չինաստանի կողմից Հայաստանի Հանրային հեռուստատեսության նոր տաղավարի կառուցման ֆինանսավորման մասին:Պարենի համաշխարհային ծրագրի (ՄԱԿ-ի ՊՀԾ) միջոցով Շիրակի Լուսակերտ գյուղում իրականացվել է կաթիլային ոռոգման ներդրման ծրագիր:Ֆան Յոնգը հայտնել է, որ նոյեմբերին Շանհայում կանցկացվի Ներմուծման չինաստանյան վեցերորդ միջազգային ցուցահանդեսը: Չինաստանը Հայաստանին հրավիրել է մասնակցելու դրան, ինչը հայ գործարարներին թույլ կտա ավելի լավ ճանաչել շուկան, խթանել գինու, հանքային ջրի, գյուղատնտեսական մթերքների ներմուծումը։Բացի այդ, դեսպանատան առևտրատնտեսական հարցերով խորհրդական Չժայ Չունը նշել է արտահանման հետ կապված դժվարությունները՝ հաշվի առնելով երկու երկրների աշխարհագրական հեռավորությունը։ Եվ այնուամենայնիվ, չնայած այն հանգամանքին, որ Հայաստանը փոքր երկիր է՝ 3 միլիոնից պակաս բնակչությամբ, Չինաստանն այն կարևոր առևտրային գործընկեր է համարում և ակնկալում է փոխշահավետ համագործակցություն:Չժայ Չունը նշել է, որ անցյալ տարի Չինաստան է արտահանվել ռեկորդային քանակությամբ հայկական կոնյակ՝ մոտ 70 հազար շիշ: Բացի այդ, պահանջարկ ունի նաև հայկական մեղրը։ «Հայկական որակյալ արտադրանքը շատ լավ վաճառվում է Չինաստանում, կցանկանայի, որ այն ավելի շատ լիներ»,- հավելել է դեսպանատան խորհրդականը:Նշենք, որ Հայաստանի և Չինաստանի միջև դիվանագիտական հարաբերությունները հաստատվել են 1992թ.-ի ապրիլի 6-ին: 1992 թվականի հուլիսից Երևանում գործում են ՉԺՀ դեսպանությունը և առևտրային ներկայացուցչությունը: 1996 թվականի հոկտեմբերի 10-ից Պեկինում գործում է Հայաստանի դեսպանությունը:
չինաստան
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
չինաստան, հայաստան, առևտուր, ներմուծում, արտահանում, ֆան յոնգ, դեսպան
չինաստան, հայաստան, առևտուր, ներմուծում, արտահանում, ֆան յոնգ, դեսպան
Հայաստանի և Չինաստանի միջև առևտրի ծավալը առաջին կիսամյակում գերազանցել է 800 մլն դոլարը
22:15 17.08.2023 (Թարմացված է: 22:16 17.08.2023) Չինաստանի դեսպանի խոսքով՝ Պեկինը տարիներ շարունակ Հայաստանի երկրորդ խոշոր առևտրային գործընկերն է եղել։
ԵՐԵՎԱՆ, 17 օգոստոսի – Sputnik. Հայաստանի և Չինաստանի միջև առևտրի ծավալը 2023 թվականին կազմել է ավելի քան 800 մլն դոլար։ Այդ մասին ասել է Չինաստանի դեսպան Ֆան Յոնգը ԶԼՄ-ների հետ ճեպազրույցի ժամանակ։
Նրա խոսքով՝ վերջին տարիներին «Մեկ գոտի, մեկ ճանապարհ» ծրագրի շրջանակներում երկու երկրների միջև համագործակցությունն աճում է: Բացի այդ, տարիներ շարունակ Չինաստանը Հայաստանի երկրորդ խոշոր առևտրային գործընկերն է եղել։
«Չինաստանի վիճակագրական տվյալների համաձայն՝ երկու երկրների միջև առևտրի ծավալը 2022 թվականին կազմել է 1,43 մլրդ դոլար։ Առաջին կիսամյակում ծավալը կազմել է ավելի քան 800 մլն դոլար, ինչը 45%-ով գերազանցում է նախորդ տարվա ցուցանիշը»,-ասել է չինացի դիվանագետը։
Ֆան Յոնգը նշել է, որ Չինաստանը մասնակցում է «Հյուսիս-Հարավ» մայրուղու մի հատվածի վերանորոգմանը, իսկ վարչապետ Նիկոլ Փաշինյանն այն երկրի լավագույն ճանապարհն է անվանել:
Հունիսին 14,4 մլն դոլարի համաձայնագիր է ստորագրվել Չինաստանի կողմից Հայաստանի Հանրային հեռուստատեսության նոր տաղավարի կառուցման ֆինանսավորման մասին:
Պարենի համաշխարհային ծրագրի (ՄԱԿ-ի ՊՀԾ) միջոցով Շիրակի Լուսակերտ գյուղում իրականացվել է կաթիլային ոռոգման ներդրման ծրագիր:
Ֆան Յոնգը հայտնել է, որ նոյեմբերին Շանհայում կանցկացվի Ներմուծման չինաստանյան վեցերորդ միջազգային ցուցահանդեսը: Չինաստանը Հայաստանին հրավիրել է մասնակցելու դրան, ինչը հայ գործարարներին թույլ կտա ավելի լավ ճանաչել շուկան, խթանել գինու, հանքային ջրի, գյուղատնտեսական մթերքների ներմուծումը։
Բացի այդ, դեսպանատան առևտրատնտեսական հարցերով խորհրդական Չժայ Չունը նշել է արտահանման հետ կապված դժվարությունները՝ հաշվի առնելով երկու երկրների աշխարհագրական հեռավորությունը։ Եվ այնուամենայնիվ, չնայած այն հանգամանքին, որ Հայաստանը փոքր երկիր է՝ 3 միլիոնից պակաս բնակչությամբ, Չինաստանն այն կարևոր առևտրային գործընկեր է համարում և ակնկալում է փոխշահավետ համագործակցություն:
Չժայ Չունը նշել է, որ անցյալ տարի Չինաստան է արտահանվել ռեկորդային քանակությամբ հայկական կոնյակ՝ մոտ 70 հազար շիշ: Բացի այդ, պահանջարկ ունի նաև հայկական մեղրը։ «Հայկական որակյալ արտադրանքը շատ լավ վաճառվում է Չինաստանում, կցանկանայի, որ այն ավելի շատ լիներ»,- հավելել է դեսպանատան խորհրդականը:
Նշենք, որ Հայաստանի և Չինաստանի միջև դիվանագիտական հարաբերությունները հաստատվել են 1992թ.-ի ապրիլի 6-ին: 1992 թվականի հուլիսից Երևանում գործում են ՉԺՀ դեսպանությունը և առևտրային ներկայացուցչությունը: 1996 թվականի հոկտեմբերի 10-ից Պեկինում գործում է Հայաստանի դեսպանությունը:
