https://arm.sputniknews.ru/20230804/avtvomeqenaneri-verartahanum-hh-ic-rd-ka-erkrvordajin-patzhamijvocneri-tak-hajtnvelu-vtang-63875467.html
Ավտոմեքենաների վերարտահանում ՀՀ-ից ՌԴ. կա՞ երկրորդային պատժամիջոցների տակ հայտնվելու վտանգ
Ավտոմեքենաների վերարտահանում ՀՀ-ից ՌԴ. կա՞ երկրորդային պատժամիջոցների տակ հայտնվելու վտանգ
Sputnik Արմենիա
ՀՀ էկոնոմիկայի նախարարության պաշտոնյան նշեց, որ երկրորդային պատժամիջոցներ կարող են կիրառվել երկակի նշանակության ապրանքների նկատմամբ։ 04.08.2023, Sputnik Արմենիա
2023-08-04T21:49+0400
2023-08-04T21:49+0400
2023-08-04T22:04+0400
ապրանք
ավտոմեքենա
հայաստան
ռուսաստան
պատժամիջոցներ
արմեն եգանյան
https://cdn.am.sputniknews.ru/img/2092/44/20924408_0:84:1601:984_1920x0_80_0_0_65346b4a0c8f7818517e331a070654f2.jpg
ԵՐԵՎԱՆ, 4 օգոստոսի – Sputnik. Արևմուտքը երկրորդային պատժամիջոցներ է կիրառում այն դեպքում, եթե խախտվում է արտահանվող կամ ներկրվող կոնկրետ ապրանքախմբերի նկատմամբ իր սահմանած արգելքի պահանջը։ Մնացած ապրանքատեսակների, այդ թվում՝ ավտոմեքենաների վրա, դրանք չեն տարածվում. մեքենաները շարունակում են անարգել արտահանվել Ռուսաստան։ Այս մասին Sputnik Արմենիայի հետ զրույցում ասաց ՀՀ էկոնոմիկայի նախարարության արդյունաբերական քաղաքականության վարչության պետ Արմեն Եգանյանը՝ մեկնաբանելով Հայաստանից ՌԴ օգտագործված ավտոմեքենաների վերաարտահանման վերաբերյալ հրապարակումները։Նա այդպիսով անդրադաձավ շրջանառվող տեղեկություններին, թե Հայաստանը ՌԴ-ի համար դարձել է ավտոմեքենաներ վերարտահանող երկիր, ու չի բացառվում, որ մեր երկիրը ևս հայտնվի արևմտյան պատժամիջոցների տիրույթում։Պաշտոնյան հիշեցրեց, որ բոլոր ժամանակներում պատժամիջոցները հիմնականում կիրառվել են երկակի նշանակության ապրանքների նկատմամբ։Երկակի նշանակության ապրանք է, օրինակ, միկրոէլեկտրոնիկա պարունակող արտադրանքը, որը որոշակի վերափոխումների արդյունքում կարող է օգտագործվել զենքի արտադրության մեջ։«Դրա համար փորձագիտական եզրակացություն է անհրաժեշտ։ Այսինքն, կարող է սովորական մի հեռախոսն իր պարամետրերով լինել երկակի, իսկ մյուսը` ոչ։ Ինչ վերաբերում է մարդատար մեքենաներին, ապա դրանք երկակի նշանակության ապրանք չեն և, հետևաբար, հսկման դաշտում չեն»,– նշեց Եգանյանը։ՀՀ էկոնոմիկայի նախարարության արդյունաբերության քաղաքականության վարչության պետը տեղեկացրեց, որ ՀՀ–ն միացել է երկակի նշանակության ապրանքների հսկողության միջազգային համաձայնագրին, ըստ որի` ՀՀ–ում իրականացվում է այդ ապրանքատեսակների հսկողությունը։Վերջերս ՀՀ կառավարությունն ընդունեց ևս մեկ որոշում, ըստ որի` կան ապրանքներ, որոնք որոշակի վերափոխման արդյունքում կարող են հանդիսանալ երկակի նշանակության ապրանք։ Դրանք նույնպես, ըստ Եգանյանի, անցնում են երկակի նշանակության ապրանքների հսկողության և արտահանման վերահսկողության ընթացակարգերով` անկախ նրանից, թե որ երկիր է արտահանվում։Հիշեցնենք, որ հուլիսի 18–ին «Financial Times»–ը գրել էր, որ Հայաստանից ՌԴ ավտոմեքենաների արտահանումը միայն 2023 թվականի հունվարին 2022 թ. նույն ժամանակահատվածի համեմատ աճել է 200 անգամ՝ կազմելով 180 մլն դոլար։ Եվ այս ամենը պարբերականը դիտարկել է ՌԴ–ի նկատմամբ արևմտյան պատժամիջոցների ֆոնին։Օրեր անց ՀՀ ՊԵԿ նախագահ Ռուստամ Բադասյանը, մեկնաբանելով «Financial Times»–ի հոդվածն, ասել էր, որ հրապարակման մեջ կան որոշ անհամապատասխանություններ։ Բացի այդ, նա նաև նշել էր, որ ՀՀ իշխանությունները թե՛ Եվրամիության, թե՛ ԱՄՆ գործընկերների հետ ամենօրյա կապի մեջ են, գործընկերների հետ բաց ու պարզ եղանակով են աշխատում և համագործակցում։
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ապրանք, ավտոմեքենա, հայաստան, ռուսաստան, պատժամիջոցներ, արմեն եգանյան
ապրանք, ավտոմեքենա, հայաստան, ռուսաստան, պատժամիջոցներ, արմեն եգանյան
Ավտոմեքենաների վերարտահանում ՀՀ-ից ՌԴ. կա՞ երկրորդային պատժամիջոցների տակ հայտնվելու վտանգ
21:49 04.08.2023 (Թարմացված է: 22:04 04.08.2023) ՀՀ էկոնոմիկայի նախարարության պաշտոնյան նշեց, որ երկրորդային պատժամիջոցներ կարող են կիրառվել երկակի նշանակության ապրանքների նկատմամբ։
ԵՐԵՎԱՆ, 4 օգոստոսի – Sputnik. Արևմուտքը երկրորդային պատժամիջոցներ է կիրառում այն դեպքում, եթե խախտվում է արտահանվող կամ ներկրվող կոնկրետ ապրանքախմբերի նկատմամբ իր սահմանած արգելքի պահանջը։ Մնացած ապրանքատեսակների, այդ թվում՝ ավտոմեքենաների վրա, դրանք չեն տարածվում. մեքենաները շարունակում են անարգել արտահանվել Ռուսաստան։ Այս մասին
Sputnik Արմենիայի հետ զրույցում ասաց ՀՀ էկոնոմիկայի նախարարության արդյունաբերական քաղաքականության վարչության պետ Արմեն Եգանյանը՝ մեկնաբանելով Հայաստանից ՌԴ օգտագործված ավտոմեքենաների վերաարտահանման վերաբերյալ հրապարակումները։
Նա այդպիսով անդրադաձավ շրջանառվող տեղեկություններին, թե Հայաստանը ՌԴ-ի համար դարձել է ավտոմեքենաներ վերարտահանող երկիր, ու չի բացառվում, որ մեր երկիրը ևս հայտնվի արևմտյան պատժամիջոցների տիրույթում։
«Աշխարհում վերարտահանող երկներ շատ կան։ Տարբեր իրավիճակներից ելնելով` ՀՀ–ն Ռուսաստանի կամ Իրանի համար դարձել է այդպիսին։ Կոնկրետ ավտոմեքենաների արտահանման կամ ներկրման դեպքում ես չգիտեմ մի դեպք, երբ պատժամիջոցներ կիրառվեն ՌԴ-ի նկատմամբ։ Կարծում եմ` խնդիրն ուղղակի կոմունիկացիաների մեջ է։ Օրինակ` Գերմանիան ուղիղ արտահանում չի անում ՌԴ, այլ դա անում է այլ երկրներով»,– նկատեց Եգանյանը։
Պաշտոնյան հիշեցրեց, որ բոլոր ժամանակներում պատժամիջոցները հիմնականում կիրառվել են երկակի նշանակության ապրանքների նկատմամբ։
Երկակի նշանակության ապրանք է, օրինակ, միկրոէլեկտրոնիկա պարունակող արտադրանքը, որը որոշակի վերափոխումների արդյունքում կարող է օգտագործվել զենքի արտադրության մեջ։
«Դրա համար փորձագիտական եզրակացություն է անհրաժեշտ։ Այսինքն, կարող է սովորական մի հեռախոսն իր պարամետրերով լինել երկակի, իսկ մյուսը` ոչ։ Ինչ վերաբերում է մարդատար մեքենաներին, ապա դրանք երկակի նշանակության ապրանք չեն և, հետևաբար, հսկման դաշտում չեն»,– նշեց Եգանյանը։
ՀՀ էկոնոմիկայի նախարարության արդյունաբերության քաղաքականության վարչության պետը տեղեկացրեց, որ ՀՀ–ն միացել է երկակի նշանակության ապրանքների հսկողության միջազգային համաձայնագրին, ըստ որի` ՀՀ–ում իրականացվում է այդ ապրանքատեսակների հսկողությունը։
«Երկակի նշանակության ապրանքները, երբ արտահանվում են, կապ չունի` ՌԴ, Բելառուս, ԱՄՆ, ԵՄ, արաբական երկրներ թե Չինաստան, նրանց բոլորի դեպքում կիրառվում է միջազգայնորեն ընդունված կարգավորումը»,– ընդգծեց նա։
Վերջերս ՀՀ կառավարությունն ընդունեց ևս մեկ որոշում, ըստ որի` կան ապրանքներ, որոնք որոշակի վերափոխման արդյունքում կարող են հանդիսանալ երկակի նշանակության ապրանք։ Դրանք նույնպես, ըստ Եգանյանի, անցնում են երկակի նշանակության ապրանքների հսկողության և արտահանման վերահսկողության ընթացակարգերով` անկախ նրանից, թե որ երկիր է արտահանվում։
Հիշեցնենք, որ հուլիսի 18–ին «Financial Times»–ը գրել էր, որ Հայաստանից ՌԴ ավտոմեքենաների արտահանումը միայն 2023 թվականի հունվարին 2022 թ. նույն ժամանակահատվածի համեմատ աճել է 200 անգամ՝ կազմելով 180 մլն դոլար։ Եվ այս ամենը պարբերականը դիտարկել է ՌԴ–ի նկատմամբ արևմտյան պատժամիջոցների ֆոնին։
Օրեր անց ՀՀ ՊԵԿ նախագահ Ռուստամ Բադասյանը, մեկնաբանելով «Financial Times»–ի հոդվածն, ասել էր, որ հրապարակման մեջ կան որոշ անհամապատասխանություններ։ Բացի այդ, նա նաև նշել էր, որ ՀՀ իշխանությունները թե՛ Եվրամիության, թե՛ ԱՄՆ գործընկերների հետ ամենօրյա կապի մեջ են, գործընկերների հետ բաց ու պարզ եղանակով են աշխատում և համագործակցում։
