https://arm.sputniknews.ru/20230803/hajastanum-kargelvi-pvolietilenajin-tvoprakneri-ev-plastik-taraneri-vatsharqy-nakharar-63849953.html
Հայաստանում կարգելվի պոլիէթիլենային տոպրակների և պլաստիկ տարաների վաճառքը. նախարար
Հայաստանում կարգելվի պոլիէթիլենային տոպրակների և պլաստիկ տարաների վաճառքը. նախարար
Sputnik Արմենիա
Նախարարն ակնկալում է, որ այս դեպքում վերահսկողությունը կիրականացնեն տեսչությունները, և արդյունքն ավելի լավը կլինի։ 03.08.2023, Sputnik Արմենիա
2023-08-03T12:46+0400
2023-08-03T12:46+0400
2023-08-03T12:53+0400
պոլիէթիլենային տոպրակ
հակոբ սիմիդյան
նախարար
տուգանք
շրջակա միջավայրի նախարարություն
https://cdn.am.sputniknews.ru/img/07e5/0c/1e/37045166_0:63:1600:963_1920x0_80_0_0_b527b2d982e6d9a0b0e87b67e1809d6a.jpg
ԵՐԵՎԱՆ, 3 օգոստոսի – Sputnik. ՀՀ շրջակա միջավայրի նախարարությունը որոշել է ընդհանրապես արգելել պոլիէթիլենային տոպրակների և պլաստիկ տարաների վաճառքը։ ՀՀ կառավարության նիստում այս մասին հայտարարեց ՀՀ շրջակա միջավայրի նախարար Հակոբ Սիմիդյանը։Նա անդրադարձավ ՀՀ վարչապետ Նիկոլ Փաշինյանի այն դիտարկմանը, թե խանութներում իրեն ապրանքը տվել են այն նույն տոպրակներով, որոնք կային դեռ 5 տարի առաջ, այսինքն` տոպրակների հաստությունը չի ավելացվել։Նախարարն ակնկալում է, որ այս դեպքում վերահսկողությունը կիրականացնեն տեսչությունները, և արդյունքն ավելի լավը կլինի։ՀՀ վարչապետ Նիկոլ Փաշինյանը զուգահեռ անդրադարձավ սրճարաններում ծխելու արգելքին` նշելով, որ անգամ բացօթյա սրճարաններում շարունակում են ծխել։ՀՀ կառավարությունը մտադիր է ավելի խստացնել տոպրակների վաճառքի արգելքըՀՀ ՆԳ նախարար Վահե Ղազարյանը վստահեցրեց, որ 2023 թ. հունվարի 1–ին կազմվել է 7186 վարչական արձանագրություն, որից 790–ը հանրային սննդի օբյեկտներում ծխելու հետ է կապված եղել։ «Կակտիվացնենք մեր աշխատանքները և ամեն ինչ կանենք, որ ունենանք դրական արդյունքներ»,– նշեց նա։ՀՀ վարչապետն իր հերթին նկատեց, որ նպատակը տուգանքներ գրելը չէ, այլ այն, որ մարդիկ չծխեն. ծխողի համար դիսկոմֆորտ ստեղծել, որ ծխելու համար պայմանները հարմարավետ չլինեն։Նա հիշեցրեց, որ ՀՀ–ն եղել ու շարունակում է մնալ ամենածխող երկրների շարքում, ու դրան չպետք է վերաբերվել որպես սովորական ավանդույթի, որ միշտ պետք է լինի։Պոլիէթիլենային տոպրակը պետք է այնքան թանկ լինի, որ մարդիկ չգնեն. բնապահպանՀիշեցնենք` 2022 թվականի հունվարի 1-ից հանրապետության տարածքում առևտրի կետերում արգելվեց մինչև 50 միկրոն հաստությամբ պոլիէթիլենային պարկերի և տոպրակների վաճառքը։Վերահսկողությունն ու վարչական պատասխանատվության իրավասությունը օրենքով վերապահվեց համայնքային կառույցներին։ 50 միկրոնից բարակ տոպրակի իրացման համար նախատեսվում է 20-30 հազար դրամի տուգանք։Հավելենք, որ նախկինում 10-15 դրամով վաճառվող տոպրակներն այսօր վաճառվում են 50 դրամով։
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
պոլիէթիլենային տոպրակ, հակոբ սիմիդյան, նախարար, տուգանք, շրջակա միջավայրի նախարարություն
պոլիէթիլենային տոպրակ, հակոբ սիմիդյան, նախարար, տուգանք, շրջակա միջավայրի նախարարություն
Հայաստանում կարգելվի պոլիէթիլենային տոպրակների և պլաստիկ տարաների վաճառքը. նախարար
12:46 03.08.2023 (Թարմացված է: 12:53 03.08.2023) Նախարարն ակնկալում է, որ այս դեպքում վերահսկողությունը կիրականացնեն տեսչությունները, և արդյունքն ավելի լավը կլինի։
ԵՐԵՎԱՆ, 3 օգոստոսի – Sputnik. ՀՀ շրջակա միջավայրի նախարարությունը որոշել է ընդհանրապես արգելել պոլիէթիլենային տոպրակների և պլաստիկ տարաների վաճառքը։ ՀՀ կառավարության նիստում այս մասին հայտարարեց ՀՀ շրջակա միջավայրի նախարար Հակոբ Սիմիդյանը։
Նա անդրադարձավ ՀՀ վարչապետ Նիկոլ Փաշինյանի այն դիտարկմանը, թե խանութներում իրեն ապրանքը տվել են այն նույն տոպրակներով, որոնք կային դեռ 5 տարի առաջ, այսինքն` տոպրակների հաստությունը չի ավելացվել։
«2019 թ. կարգավորումով, որն ուժի մեջ մտավ 2022 թ. հուվարի 1–ին, մինչև 50 միկրոն հաստության տոպրակների վաճառքն արգելվել է։ Վերահսկողությունը հանձնված էր համայնքներին, սակայն ամբողջական արդյունք այն չտվեց։ Այդ պատճառով որոշել ենք պոլիէթիլենային բոլոր տեսակի տոպրակների, ինչպես նաև մեկանգամյա պլաստիկ տարաների վաճառքն արգելել»,– նշեց ՀՀ շրջակա միջավայրի նախարար Հակոբ Սիմիդյանը։
Նախարարն ակնկալում է, որ այս դեպքում վերահսկողությունը կիրականացնեն տեսչությունները, և արդյունքն ավելի լավը կլինի։
ՀՀ վարչապետ Նիկոլ Փաշինյանը զուգահեռ անդրադարձավ սրճարաններում ծխելու արգելքին` նշելով, որ անգամ բացօթյա սրճարաններում շարունակում են ծխել։
ՀՀ ՆԳ նախարար Վահե Ղազարյանը վստահեցրեց, որ 2023 թ. հունվարի 1–ին կազմվել է 7186 վարչական արձանագրություն, որից 790–ը հանրային սննդի օբյեկտներում ծխելու հետ է կապված եղել։ «Կակտիվացնենք մեր աշխատանքները և ամեն ինչ կանենք, որ ունենանք դրական արդյունքներ»,– նշեց նա։
ՀՀ վարչապետն իր հերթին նկատեց, որ նպատակը տուգանքներ գրելը չէ, այլ այն, որ մարդիկ չծխեն. ծխողի համար դիսկոմֆորտ ստեղծել, որ ծխելու համար պայմանները հարմարավետ չլինեն։
«Ուզում ենք բոլոր հնարավոր ձևերով արգելակենք ծխելու հնարավորությունը։ Պատասխանատվությունը պետք է դնենք նաև սննդի օբյեկտների սեփականատերերի և աշխատողների վրա, որ նրանք ևս թույլ չտան»,– ընդգծեց Փաշինյանը։
Նա հիշեցրեց, որ ՀՀ–ն եղել ու շարունակում է մնալ ամենածխող երկրների շարքում, ու դրան չպետք է վերաբերվել որպես սովորական ավանդույթի, որ միշտ պետք է լինի։
Հիշեցնենք` 2022 թվականի հունվարի 1-ից հանրապետության տարածքում առևտրի կետերում արգելվեց մինչև 50 միկրոն հաստությամբ պոլիէթիլենային պարկերի և տոպրակների վաճառքը։
Վերահսկողությունն ու վարչական պատասխանատվության իրավասությունը օրենքով վերապահվեց համայնքային կառույցներին։ 50 միկրոնից բարակ տոպրակի իրացման համար նախատեսվում է 20-30 հազար դրամի տուգանք։
Հավելենք, որ նախկինում 10-15 դրամով վաճառվող տոպրակներն այսօր վաճառվում են 50 դրամով։
