https://arm.sputniknews.ru/20230803/ajvo-razmardjunaberutjany-voch-khnjujqin-hh-karavarutjan-mvot-bvoghvoqi-akcia-e-63840427.html
Այո՛ ռազմարդյունաբերությանը, ո՛չ խնջույքին. ՀՀ կառավարության մոտ բողոքի ակցիա է
Այո՛ ռազմարդյունաբերությանը, ո՛չ խնջույքին. ՀՀ կառավարության մոտ բողոքի ակցիա է
Sputnik Արմենիա
Ըստ Վահագն Չախալյանի` ռազմարդյունաբերության զարգացման հարցը պետք է պետական քաղաքականության առաջին պլան բերվի։ 03.08.2023, Sputnik Արմենիա
2023-08-03T11:48+0400
2023-08-03T11:48+0400
2023-08-03T11:55+0400
հայաստան
հհ կառավարություն
բողոքի ակցիա
վահագն չախալյան
արցախ
տեսանյութ
տեսանյութեր
https://cdn.am.sputniknews.ru/img/07e7/08/03/63840659_0:0:1280:720_1920x0_80_0_0_7f0691ae2ec27b551580426326aaf7c7.jpg
ԵՐԵՎԱՆ, 3 օգոստոսի – Sputnik. ՀՀ կառավարության շենքի դիմաց, որտեղ այս պահին ընթանում է գործադիր մարմնի նիստը, բողոքի ակցիա է ընթանում ի պաշտպանություն Արցախի։ Ակցիան իրականացնում է «Կամք» նախաձեռնությունը, որը երկրի ղեկավարությունից պահանջում են զարգացնել ռազմարդյունաբերությունը։Ցուցարարներն իրենց հետ պաստառներ են բերել, որոնց վրա գրված է` «Ո՛չ խրախճանքին ժանտախտի պահին», «Ո՛չ տեսարան–զվարճանքին», «Այո՛ ռազմարդյունաբերությանը» գրառումներով պաստառներ։Չախալյանը շեշտեց, որ այս օրերին, երբ ադրբեջանական կողմը Լաչինի միջանցքում ապօրինի անցակետ է դրել ու թույլ չի տալիս անգամ մարդասիրական օգնություն տանել Արցախ, ՀՀ տարածքում փառատոներ են կազմակերպվում, խնջույքներ են իրականացվում, համաշխարհային աստղեր են հրավիրվում ու մեծ գումարներ ծախսվում։Հիշեցնենք` 2022–ի դեկտեմբերի 12-ին քաղաքացիական հագուստով մի խումբ ադրբեջանցիներ բնապահպանական պատճառաբանությամբ փակեցին Արցախը Հայաստանին կապող Ստեփանակերտ-Գորիս մայրուղին, որտեղից հեռացան ապրիլի 28-ին, քանի որ ապրիլի 23-ին Ադրբեջանն անցակետ տեղադրեց Լաչինի ճանապարհի վրա` այն ամբողջությամբ առնելով իր վերահսկողության տակ։ Արցախը զրկվել է նաև Հայաստանից մատակարարվող գազից և էլեկտրաէներգիայից։Հուլիսի 26-ին առաջին անհրաժեշտության շուրջ 400 տոննա ապրանքով բեռնված 19 բեռնատար Երևանից ուղևորվեցին ավելի քան 225 օր շրջափակման մեջ գտնվող Արցախ։ Բեռնատարները հասել են Սյունիքի Կոռնիձոր համայնք և մինչ օրս կանգնած են Լաչինի միջանցքի սահմանին։ Իրավիճակին տեղում ծանոթանալու համար այնտեղ էին մեկնել ՀՀ–ում հավատարմագրված դիվանագետները։
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, հհ կառավարություն, բողոքի ակցիա, վահագն չախալյան, արցախ, տեսանյութ, տեսանյութեր
հայաստան, հհ կառավարություն, բողոքի ակցիա, վահագն չախալյան, արցախ, տեսանյութ, տեսանյութեր
Այո՛ ռազմարդյունաբերությանը, ո՛չ խնջույքին. ՀՀ կառավարության մոտ բողոքի ակցիա է
11:48 03.08.2023 (Թարմացված է: 11:55 03.08.2023) Ըստ Վահագն Չախալյանի` ռազմարդյունաբերության զարգացման հարցը պետք է պետական քաղաքականության առաջին պլան բերվի։
ԵՐԵՎԱՆ, 3 օգոստոսի – Sputnik. ՀՀ կառավարության շենքի դիմաց, որտեղ այս պահին ընթանում է գործադիր մարմնի նիստը, բողոքի ակցիա է ընթանում ի պաշտպանություն Արցախի։ Ակցիան իրականացնում է «Կամք» նախաձեռնությունը, որը երկրի ղեկավարությունից պահանջում են զարգացնել ռազմարդյունաբերությունը։
«Մենք տեսնում ենք, որ անգամ 44-օրյա աղետալի պատերազմից հետո, երբ պարտություն արձանագրվեց, ՀՀ պետական քաղաքականությունը չի փոխվել դեպի ռազմարդյունաբերության զարգացում։ Ուղիղ 1 տարի առաջ ադրբեջանցիները «Բայրաքթարներով» հարձակվեցին, ու մենք կրկին անպաշտպան էինք։ Պահանջում ենք ռազմարդյունաբերությունը դարձնել պետական քաղաքականություն, առաջին պլան»,– ասաց «Կամք» նախաձեռնության համակարգող Վահագն Չախալյանը։
Ցուցարարներն իրենց հետ պաստառներ են բերել, որոնց վրա գրված է` «Ո՛չ խրախճանքին ժանտախտի պահին», «Ո՛չ տեսարան–զվարճանքին», «Այո՛ ռազմարդյունաբերությանը» գրառումներով պաստառներ։
Չախալյանը շեշտեց, որ այս օրերին, երբ ադրբեջանական կողմը Լաչինի միջանցքում ապօրինի անցակետ է դրել ու թույլ չի տալիս անգամ մարդասիրական օգնություն տանել Արցախ, ՀՀ տարածքում փառատոներ են կազմակերպվում, խնջույքներ են իրականացվում, համաշխարհային աստղեր են հրավիրվում ու մեծ գումարներ ծախսվում։
«ՀՀ–ում կան տարբեր խմբեր, որոնք փորձում են ԱԹՍ–ներ, հարձակողական, պաշտպանողական ռոբոտներ ստեղծել։ Մենք ասում ենք այո՛ ռազմարդյունաբերությանը և ո՛չ խրախճանքին ու խնջույքին։ Մենք դեմ չենք այլ երկրներից զենք գնելուն, բայց մեր պոտենցիալը պետք է օգտագործվի»,– նշեց նա։
Հիշեցնենք` 2022–ի դեկտեմբերի 12-ին
քաղաքացիական հագուստով մի խումբ ադրբեջանցիներ բնապահպանական պատճառաբանությամբ փակեցին Արցախը Հայաստանին կապող Ստեփանակերտ-Գորիս մայրուղին, որտեղից
հեռացան ապրիլի 28-ին, քանի որ ապրիլի 23-ին Ադրբեջանն
անցակետ տեղադրեց Լաչինի ճանապարհի վրա` այն ամբողջությամբ առնելով իր վերահսկողության տակ։ Արցախը զրկվել է նաև Հայաստանից մատակարարվող գազից և էլեկտրաէներգիայից։
Հուլիսի 26-ին առաջին անհրաժեշտության շուրջ 400 տոննա ապրանքով բեռնված 19 բեռնատար Երևանից
ուղևորվեցին ավելի քան 225 օր շրջափակման մեջ գտնվող Արցախ։ Բեռնատարները հասել են Սյունիքի Կոռնիձոր համայնք և մինչ օրս կանգնած են Լաչինի միջանցքի սահմանին։ Իրավիճակին տեղում ծանոթանալու համար
այնտեղ էին մեկնել ՀՀ–ում հավատարմագրված դիվանագետները։
