https://arm.sputniknews.ru/20230802/tiezerakan-tekhnvolvogianer-5g-canc-khachatrjany-ev-hungariaji-despany-qnnarkum-en-unecel-63821713.html
Տիեզերական տեխնոլոգիաներ, 5G ցանց. Խաչատրյանը և Հունգարիայի դեսպանը քննարկում են ունեցել
Տիեզերական տեխնոլոգիաներ, 5G ցանց. Խաչատրյանը և Հունգարիայի դեսպանը քննարկում են ունեցել
Sputnik Արմենիա
ԲՏԱ նախարարը հույս է հայտնել, որ երկու երկրների միջև վերահաստատվող համագործակցությունը կարող է զարգանալ բարձր տեխնոլոգիական մի շարք ուղղություններով: 02.08.2023, Sputnik Արմենիա
2023-08-02T21:06+0400
2023-08-02T21:06+0400
2023-08-02T21:13+0400
հունգարիա
հայաստան
տտ
ռոբերտ խաչատրյան
https://cdn.am.sputniknews.ru/img/07e7/08/02/63820999_0:3:1600:903_1920x0_80_0_0_2a2e672e41c1a09d7e89c2f4ca6f2e4d.jpg
ԵՐԵՎԱՆ, 2 օգոստոսի - Sputnik. ՀՀ բարձր տեխնոլոգիական արդյունաբերության նախարար Ռոբերտ Խաչատրյանը ՀՀ-ում Հունգարիայի Հանրապետության արտակարգ և լիազոր դեսպան Աննա Մարիա Շիկոյին է ներկայացրել է ԲՏԱ նախարարության կողմից իրականացվող աշխատանքներն ու ծրագրերը, հայտնում են նախարարության մամուլի ծառայությունից` հավելելով, որ նախարարն ընդունել է դեսպանին:Խաչատրյանը անդրադարձել է «Ինժեներական քաղաք» ծրագրին, Ազգային վենչուրային հիմնադրամին, ստարտափ էկոհամակարգի զարգացմանը, տիեզերական գործունեության և թվայնացման ոլորտում տարվող աշխատանքներին: Նախարարը հույս է հայտնել, որ երկու երկրների միջև վերահաստատվող համագործակցությունը կարող է զարգանալ բարձր տեխնոլոգիական մի շարք ուղղություններով:Կողմերը քննարկել են նաև տիեզերական տեխնոլոգիաների, ինժեներիայի, հետազոտությունների ու մշակումների (R&D) էկոհամակարգի, 5G ցանցի, ոլորտային ընկերությունների բիզնես կարողությունների զարգացմանն ուղղված ծրագրերի շրջանակներում փոխգործակցության հնարավորությունները։Հանդիպման ավարտին նախարարը դեսպանին առաջարկել է ճանաչողական այց իրականացնել Ինժեներական քաղաք և «Թումո» ստեղծարար տեխնոլոգիաների կենտրոն: Դեսպանն էլ իր հերթին հրավիրել է Ռոբերտ Խաչատրյանին Հունգարիա՝ ծանոթանալու իրենց երկրի տեխնոլոգիական և գիտակրթական հաստատությունների գործունեությանը, ՏՏ ոլորտում հունգարական փորձին, ինչպես նաև օգոստոսին Երևանում կայանալիք Հունգարիայի ազգային տոնին:Նշենք, որ 11 տարի շարունակ` 2012թ–ից Հայաստանը խզել էր դիվանագիտական հարաբերությունները Հունգարիայի հետ։Հիշեցնենք` 2022-ի դեկտեմբերի 7–ին ՀՀ ԱԳ նախարար Արարատ Միրզոյանը ասել էր, որ առաջիկայում Հայաստանում և Հունգարիայում 2 երկրների կողմից դեսպաններ կնշանակվեն։2 երկրների հարաբերություններում սառույցը հալվեց, երբ 2021–ի դեկտեմբերին Հունգարիայի գործադրած ջանքերով 5 հայ ռազմագերիների վերադարձան հայրենիք։ Հունգարիայի իշխանությունների ներկայացուցիչներն անձամբ գնացին Բաքու և 5 գերիների հետ եկան Երևան։2023թ–ի մայիսին Հայաստանում Հունգարիայի նորանշանակ դեսպան Աննա Մարիա Շիկոն ՀՀ ԱԳ փոխնախարար Պարույր Հովհաննիսյանին էր հանձնել հավատարմագրերի պատճենը։
հունգարիա
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հունգարիա, հայաստան, տտ, ռոբերտ խաչատրյան
հունգարիա, հայաստան, տտ, ռոբերտ խաչատրյան
Տիեզերական տեխնոլոգիաներ, 5G ցանց. Խաչատրյանը և Հունգարիայի դեսպանը քննարկում են ունեցել
21:06 02.08.2023 (Թարմացված է: 21:13 02.08.2023) ԲՏԱ նախարարը հույս է հայտնել, որ երկու երկրների միջև վերահաստատվող համագործակցությունը կարող է զարգանալ բարձր տեխնոլոգիական մի շարք ուղղություններով:
ԵՐԵՎԱՆ, 2 օգոստոսի - Sputnik. ՀՀ բարձր տեխնոլոգիական արդյունաբերության նախարար Ռոբերտ Խաչատրյանը ՀՀ-ում Հունգարիայի Հանրապետության արտակարգ և լիազոր դեսպան Աննա Մարիա Շիկոյին է ներկայացրել է ԲՏԱ նախարարության կողմից իրականացվող աշխատանքներն ու ծրագրերը,
հայտնում են նախարարության մամուլի ծառայությունից` հավելելով, որ նախարարն ընդունել է դեսպանին:
Խաչատրյանը անդրադարձել է «Ինժեներական քաղաք» ծրագրին, Ազգային վենչուրային հիմնադրամին, ստարտափ էկոհամակարգի զարգացմանը, տիեզերական գործունեության և թվայնացման ոլորտում տարվող աշխատանքներին: Նախարարը հույս է հայտնել, որ երկու երկրների միջև վերահաստատվող համագործակցությունը կարող է զարգանալ բարձր տեխնոլոգիական մի շարք ուղղություններով:
Աննա Մարիա Շիկոն էլ ներկայացրել իրենց երկրում բարձր տեխնոլոգիական արդյունաբերության ոլորտում առկա ներուժը և նշել, որ Հունգարիան առաջատարներից է STEM կրթության ծրագրերի իրականացմամբ, ենթակառուցվածքներով հագեցած արդյունաբերական պարկերով, որի փորձը պատրաստ են ներկայացնել Հայաստանին:
Կողմերը քննարկել են նաև տիեզերական տեխնոլոգիաների, ինժեներիայի, հետազոտությունների ու մշակումների (R&D) էկոհամակարգի, 5G ցանցի, ոլորտային ընկերությունների բիզնես կարողությունների զարգացմանն ուղղված ծրագրերի շրջանակներում փոխգործակցության հնարավորությունները։
Հանդիպման ավարտին նախարարը դեսպանին առաջարկել է ճանաչողական այց իրականացնել Ինժեներական քաղաք և «Թումո» ստեղծարար տեխնոլոգիաների կենտրոն: Դեսպանն էլ իր հերթին հրավիրել է Ռոբերտ Խաչատրյանին Հունգարիա՝ ծանոթանալու իրենց երկրի տեխնոլոգիական և գիտակրթական հաստատությունների գործունեությանը, ՏՏ ոլորտում հունգարական փորձին, ինչպես նաև օգոստոսին Երևանում կայանալիք Հունգարիայի ազգային տոնին:
Նշենք, որ 11 տարի շարունակ` 2012թ–ից Հայաստանը խզել էր դիվանագիտական հարաբերությունները Հունգարիայի հետ։
Հիշեցնենք` 2022-ի դեկտեմբերի 7–ին ՀՀ ԱԳ նախարար
Արարատ Միրզոյանը ասել էր, որ առաջիկայում Հայաստանում և Հունգարիայում 2 երկրների կողմից դեսպաններ կնշանակվեն։
2 երկրների հարաբերություններում սառույցը հալվեց, երբ 2021–ի դեկտեմբերին Հունգարիայի գործադրած ջանքերով 5 հայ ռազմագերիների վերադարձան հայրենիք։ Հունգարիայի իշխանությունների ներկայացուցիչներն անձամբ գնացին Բաքու և 5 գերիների հետ եկան Երևան։
2023թ–ի մայիսին Հայաստանում Հունգարիայի նորանշանակ դեսպան Աննա Մարիա Շիկոն ՀՀ ԱԳ փոխնախարար Պարույր Հովհաննիսյանին էր
հանձնել հավատարմագրերի պատճենը։
