https://arm.sputniknews.ru/20230801/simfvonik-nvagakhumby-hujs-uni-vor-smbatjany-shutvov-azatutjan-mej-klini-63738966.html
Սիմֆոնիկ նվագախումբը հույս ունի, որ Սմբատյանը շուտով ազատության մեջ կլինի
Սիմֆոնիկ նվագախումբը հույս ունի, որ Սմբատյանը շուտով ազատության մեջ կլինի
Sputnik Արմենիա
Գործընթացի անաչառության և պատշաճության պահպանման դեպքում Սմբատյանը հնարավորություն կունենա վերականգնելու իր մշակութային գործունեությունը։ 01.08.2023, Sputnik Արմենիա
2023-08-01T10:56+0400
2023-08-01T10:56+0400
2023-08-01T10:57+0400
սերգեյ սմբատյան
հայաստանի սիմֆոնիկ նվագախումբ
կալանք
https://cdn.am.sputniknews.ru/img/2064/66/20646681_0:0:1600:901_1920x0_80_0_0_340f6b9c68cb182b1e2c0ba332c07c09.jpg
ԵՐԵՎԱՆ, 1 օգոստոսի – Sputnik. Մաեստրո Սերգեյ Սմբատյանի միջազգային մշակութային ներգրավվածության անխաթարությունը Հայաստանի պետական սիմֆոնիկ նվագախմբի և Հայաստանի Հանրապետության միջազգային վարկանիշի պահպանման խնդիրն է: Այս մասին հայտարարություն է տարածել նվագախմբի մամուլի ծառայությունը։Նշվում է, որ նվագախմբի հիմնադիր գեղարվեստական ղեկավար և գլխավոր դիրիժոր Սերգեյ Սմբատյանի անվան շուրջ ծավալվող տեղեկությունները տարակուսանք են առաջացրել ինչպես ներքին, այնպես էլ միջազգային լսարանի շրջանում: Նվագախումբը շարունակում է մեծաթիվ արձագանքներ ստանալ հայաստանյան և արտասահմանյան գործընկերներից, արվեստի աշխարհի հեղինակավոր գործիչներից։Նվագախումբը հույս է հայտնում, որ բարձրացված աղմուկին շուտափույթ կփոխարինեն հավասարակշռված տեղեկատվությունն ու վերլուծությունը։ Հավատում են, որ կկայացվեն ողջամիտ որոշումներ, և մինչև քննության ավարտը Սերգեյ Սմբատյանին հնարավորություն կտրվի լինելու ազատության մեջ` նվագախմբի կողքին:Ավելի վաղ հայտնել էինք, որ հուլիսի 29-ին դիրիժոր Սերգեյ Սմբատյանը և նրա հայրը` Իսրայելում ՀՀ արտակարգ և լիազոր նախկին դեսպան Արմեն Սմբատյանը ձերբակալվել են պետությանը 966 մլն դրամի գույքային վնաս պատճառելու կասկածանքով։ Գործով անցնում է նաև գործարար Ա.Պ.–ն։Գործարարը Սերգեյ և Արմեն Սմբատյանների հետ 2012 թ. ՀՀ կառավարությանը ներկայացրել է 800 մլն դրամ արժողության «Գրքի աշխարհ» բազմաֆունկցիոնալ համալիր կառուցելու կեղծ ներդրումային ծրագիր:Հուլիսի 30–ին հայտնի դարձավ, որ կալանավորվել են նախկին դեսպան Արմեն Սմբատյանն ու նրա որդին` դիրիժոր Սերգեյ Սմբատյանը։Արմեն Սմբատյանին մեղադրանք է ներկայացվել 2003 թ. ընդունված ՀՀ քրեական օրենսգրքի 38-178-րդ հոդվածի 3-րդ մասի 1-ին կետով (առանձնապես խոշոր չափերի խարդախության կազմակերպիչ), իսկ Սերգեյ Սմբատյանին և գործարար Ա.Պ–ին՝ 178-րդ հոդվածի 3-րդ մասի 1-ին կետով (առանձնապես խոշոր չափերի խարդախություն)։
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
սերգեյ սմբատյան, հայաստանի սիմֆոնիկ նվագախումբ, կալանք
սերգեյ սմբատյան, հայաստանի սիմֆոնիկ նվագախումբ, կալանք
Սիմֆոնիկ նվագախումբը հույս ունի, որ Սմբատյանը շուտով ազատության մեջ կլինի
10:56 01.08.2023 (Թարմացված է: 10:57 01.08.2023) Գործընթացի անաչառության և պատշաճության պահպանման դեպքում Սմբատյանը հնարավորություն կունենա վերականգնելու իր մշակութային գործունեությունը։
ԵՐԵՎԱՆ, 1 օգոստոսի – Sputnik. Մաեստրո Սերգեյ Սմբատյանի միջազգային մշակութային ներգրավվածության անխաթարությունը Հայաստանի պետական սիմֆոնիկ նվագախմբի և Հայաստանի Հանրապետության միջազգային վարկանիշի պահպանման խնդիրն է: Այս մասին
հայտարարություն է տարածել նվագախմբի մամուլի ծառայությունը։
Նշվում է, որ նվագախմբի հիմնադիր գեղարվեստական ղեկավար և գլխավոր դիրիժոր Սերգեյ Սմբատյանի անվան շուրջ ծավալվող տեղեկությունները տարակուսանք են առաջացրել ինչպես ներքին, այնպես էլ միջազգային լսարանի շրջանում: Նվագախումբը շարունակում է մեծաթիվ արձագանքներ ստանալ հայաստանյան և արտասահմանյան գործընկերներից, արվեստի աշխարհի հեղինակավոր գործիչներից։
«Համոզված ենք, որ գործընթացի անաչառության և պատշաճության պահպանման դեպքում Մաեստրո Սմբատյանին կընձեռվի հնարավորություն՝ վերականգնելու իր և Հայաստանի համար չափազանց մեծ նշանակություն ունեցող մշակութային գործունեությունը»,– նշված է հաղորդագրության մեջ։
Նվագախումբը հույս է հայտնում, որ բարձրացված աղմուկին շուտափույթ կփոխարինեն հավասարակշռված տեղեկատվությունն ու վերլուծությունը։ Հավատում են, որ կկայացվեն ողջամիտ որոշումներ, և մինչև քննության ավարտը Սերգեյ Սմբատյանին հնարավորություն կտրվի լինելու ազատության մեջ` նվագախմբի կողքին:
Ավելի վաղ հայտնել էինք, որ հուլիսի 29-ին դիրիժոր Սերգեյ Սմբատյանը և նրա հայրը` Իսրայելում ՀՀ արտակարգ և լիազոր նախկին դեսպան Արմեն Սմբատյանը ձերբակալվել են պետությանը 966 մլն դրամի գույքային վնաս պատճառելու կասկածանքով։ Գործով անցնում է նաև գործարար Ա.Պ.–ն։
Գործարարը Սերգեյ և Արմեն Սմբատյանների հետ 2012 թ. ՀՀ կառավարությանը ներկայացրել է 800 մլն դրամ արժողության «Գրքի աշխարհ» բազմաֆունկցիոնալ համալիր կառուցելու կեղծ ներդրումային ծրագիր:
Հուլիսի 30–ին հայտնի դարձավ, որ կալանավորվել են նախկին դեսպան
Արմեն Սմբատյանն ու նրա որդին` դիրիժոր
Սերգեյ Սմբատյանը։
Արմեն Սմբատյանին մեղադրանք է ներկայացվել 2003 թ. ընդունված ՀՀ քրեական օրենսգրքի 38-178-րդ հոդվածի 3-րդ մասի 1-ին կետով (առանձնապես խոշոր չափերի խարդախության կազմակերպիչ), իսկ Սերգեյ Սմբատյանին և գործարար Ա.Պ–ին՝ 178-րդ հոդվածի 3-րդ մասի 1-ին կետով (առանձնապես խոշոր չափերի խարդախություն)։
