https://arm.sputniknews.ru/20230729/pvogheri-lvacman-mej-meghadrvvogh-navasard-ktshvojany-krkin-meghadrjali-kargavitshak-uni-63646427.html
Փողերի լվացման մեջ մեղադրվող Նավասարդ Կճոյանը կրկին մեղադրյալի կարգավիճակ ունի
Փողերի լվացման մեջ մեղադրվող Նավասարդ Կճոյանը կրկին մեղադրյալի կարգավիճակ ունի
Sputnik Արմենիա
ԵՐԵՎԱՆ, 29 հուլիսի – Sputnik. Արարատյան Հայրապետական թեմի առաջնորդ Նավասարդ արքեպիսկոպոս Կճոյանը (ավազանի անունը՝ Սամվել), որը մեղադրվում է փողերի լվացման մեջ... 29.07.2023, Sputnik Արմենիա
2023-07-29T12:45+0400
2023-07-29T12:45+0400
2023-07-29T13:46+0400
հայաստան
նավասարդ կճոյան
փող
հհ դատախազություն
https://cdn.am.sputniknews.ru/img/637/52/6375231_0:0:1600:901_1920x0_80_0_0_73f47d400276a97394bf568c43a9be1c.jpg
ԵՐԵՎԱՆ, 29 հուլիսի – Sputnik. Արարատյան Հայրապետական թեմի առաջնորդ Նավասարդ արքեպիսկոպոս Կճոյանը (ավազանի անունը՝ Սամվել), որը մեղադրվում է փողերի լվացման մեջ, կրկին մեղադրյալի կարգավիճակ ունի։ Տեղեկությունը հայտնում է ՀՀ գլխավոր դատախազությունը` նշելով միայն նրա անվան և ազգանունի սկզբնատառերը` Ս.Կ։Ըստ հաղորդագրության` ՀՀ քաղաքացի Ս.Կ.-ն 2010 թվականի հուլիսի 15-ին ձեռք է բերել Կիպրոսում հիմնադրված «WLISPERA HOLDINGS LIMITED» կազմակերպության բաժնետոմսերը և նշված ընկերության կառավարումը հանձնել իր սանիկին` «Ձորագյուղ» արտադրական կոոպերատիվի հիմնադիր տնօրեն Ա.Ս.-ին (գործարար Աշոտ Սուքիասյան. խմբ)։ Քրեական վարույթով պարզվել է, որ «Ձորագյուղ» արտադրական կոոպերատիվի և բանկերից մեկի միջև կնքված պայմանագրով՝ Ա.Ս.-ն բանկից ստացել է 3 մլրդ 664 մլն 175 հազար դրամ (9 մլն ԱՄՆ դոլար) և 361 մլն 500 հազար դրամի վարկ։ Նա Կիպրոսի «HELLENIC BANK PUBLIK COMPANY LTD» բանկի և այնտեղ բացված ընկերության միջոցով «լվացել է» այդ գումարները։Նավասարդ Կճոյանին հրավիրել են ապօրինի գույքի բռնագանձման գործերով վարչությունՄասնավորապես՝ «Ձորագյուղ» արտադրական կոոպերատիվի անվամբ բացված դոլարային հաշվից՝ Կիպրոսի Հանրապետության «HELLENIC BANK PUBLIK COMPANY LTD» բանկում բացված, իրեն և Ս.Կ.-ին պատկանող «WLISPERA HOLDINGS LIMITED» ընկերությանը փոխանցել է հանցավոր ճանապարհով ստացված առանձնապես խոշոր չափերի՝ 131 մլն 950 հազար դրամին համարժեք 350 հազար ԱՄՆ դոլարի եկամուտ, որին միախառնել է նույն բանկում իրեն պատկանող 2 այլ ընկերության հաշվեհամարներից փոխանցված, հանցավոր նույն եղանակով ստացված գումարները: Փոխարենը տվյալ ընկերության կողմից «Ձորագյուղ» արտադրական կոոպերատիվի դոլարային հաշիվներին փոխանցվել է 1 մլն 707 հազար 32,3 ԱՄՆ դոլար:Վճռաբեկ դատարանի որոշմամբ Ա.Ս.–ն 2021 թվականին դատապարտվել է (հեռակա. խմբ.) 10 տարվա ազատազրկման` գույքի բռնագրավմամբ։ Նրա նկատմամբ հետախուզում է հայտարարվել։Նախաքննության ընթացքում՝ 2020 թվականի ապրիլի 13-ին, Ս.Կ.-ին (Նավասարդ արքեպիսկոպոս Կճոյան) մեղադրանք է առաջադրվել առանձնապես խոշոր չափերով կատարված խարդախության և հանցավոր ճանապարհով ստացված եկամուտներն օրինականացնելու, փողերի լվացման հոդվածներով: Որպես խափանման միջոց՝ կիրառվել է ստորագրություն չհեռանալու մասին: Առաջադրված մեղադրանքում Ս.Կ.-ն իրեն մեղավոր չի ճանաչել: 2021 թվականի դեկտեմբերի 17-ին որոշում է կայացվել Ս.Կ.-ի նկատմամբ քրեական հետապնդումը դադարեցնելու և նրա նկատմամբ կիրառված ստորագրություն չհեռանալու մասին խափանման միջոցը վերացնելու մասին՝ նրա արարքներում հանցակազմի բացակայության հիմքով:Վերադաս դատախազը 2023 թվականի հուլիսի 11-ին քննիչի կողմից 2021 թվականի դեկտեմբերի 17-ին կայացված որոշումը վերացրել է՝ վաղաժամ և անհիմն լինելու պատճառաբանությամբ:
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, նավասարդ կճոյան, փող, հհ դատախազություն
հայաստան, նավասարդ կճոյան, փող, հհ դատախազություն
Փողերի լվացման մեջ մեղադրվող Նավասարդ Կճոյանը կրկին մեղադրյալի կարգավիճակ ունի
12:45 29.07.2023 (Թարմացված է: 13:46 29.07.2023) ԵՐԵՎԱՆ, 29 հուլիսի – Sputnik. Արարատյան Հայրապետական թեմի առաջնորդ Նավասարդ արքեպիսկոպոս Կճոյանը (ավազանի անունը՝ Սամվել), որը մեղադրվում է փողերի լվացման մեջ, կրկին մեղադրյալի կարգավիճակ ունի։ Տեղեկությունը հայտնում է
ՀՀ գլխավոր դատախազությունը` նշելով միայն նրա անվան և ազգանունի սկզբնատառերը` Ս.Կ։
Ըստ հաղորդագրության` ՀՀ քաղաքացի Ս.Կ.-ն 2010 թվականի հուլիսի 15-ին ձեռք է բերել Կիպրոսում հիմնադրված «WLISPERA HOLDINGS LIMITED» կազմակերպության բաժնետոմսերը և նշված ընկերության կառավարումը հանձնել իր սանիկին` «Ձորագյուղ» արտադրական կոոպերատիվի հիմնադիր տնօրեն Ա.Ս.-ին (գործարար Աշոտ Սուքիասյան. խմբ)։ Քրեական վարույթով պարզվել է, որ «Ձորագյուղ» արտադրական կոոպերատիվի և բանկերից մեկի միջև կնքված պայմանագրով՝ Ա.Ս.-ն բանկից ստացել է 3 մլրդ 664 մլն 175 հազար դրամ (9 մլն ԱՄՆ դոլար) և 361 մլն 500 հազար դրամի վարկ։ Նա Կիպրոսի «HELLENIC BANK PUBLIK COMPANY LTD» բանկի և այնտեղ բացված ընկերության միջոցով «լվացել է» այդ գումարները։
Մասնավորապես՝ «Ձորագյուղ» արտադրական կոոպերատիվի անվամբ բացված դոլարային հաշվից՝ Կիպրոսի Հանրապետության «HELLENIC BANK PUBLIK COMPANY LTD» բանկում բացված, իրեն և Ս.Կ.-ին պատկանող «WLISPERA HOLDINGS LIMITED» ընկերությանը փոխանցել է հանցավոր ճանապարհով ստացված առանձնապես խոշոր չափերի՝ 131 մլն 950 հազար դրամին համարժեք 350 հազար ԱՄՆ դոլարի եկամուտ, որին միախառնել է նույն բանկում իրեն պատկանող 2 այլ ընկերության հաշվեհամարներից փոխանցված, հանցավոր նույն եղանակով ստացված գումարները: Փոխարենը տվյալ ընկերության կողմից «Ձորագյուղ» արտադրական կոոպերատիվի դոլարային հաշիվներին փոխանցվել է 1 մլն 707 հազար 32,3 ԱՄՆ դոլար:
Վճռաբեկ դատարանի որոշմամբ Ա.Ս.–ն 2021 թվականին դատապարտվել է (հեռակա. խմբ.) 10 տարվա ազատազրկման` գույքի բռնագրավմամբ։ Նրա նկատմամբ հետախուզում է հայտարարվել։
Նախաքննության ընթացքում՝ 2020 թվականի ապրիլի 13-ին, Ս.Կ.-ին (Նավասարդ արքեպիսկոպոս Կճոյան) մեղադրանք է առաջադրվել առանձնապես խոշոր չափերով կատարված խարդախության և հանցավոր ճանապարհով ստացված եկամուտներն օրինականացնելու, փողերի լվացման հոդվածներով: Որպես խափանման միջոց՝ կիրառվել է ստորագրություն չհեռանալու մասին: Առաջադրված մեղադրանքում Ս.Կ.-ն իրեն մեղավոր չի ճանաչել: 2021 թվականի դեկտեմբերի 17-ին որոշում է կայացվել Ս.Կ.-ի նկատմամբ քրեական հետապնդումը դադարեցնելու և նրա նկատմամբ կիրառված ստորագրություն չհեռանալու մասին խափանման միջոցը վերացնելու մասին՝ նրա արարքներում հանցակազմի բացակայության հիմքով:
Վերադաս դատախազը 2023 թվականի հուլիսի 11-ին քննիչի կողմից 2021 թվականի դեկտեմբերի 17-ին կայացված որոշումը վերացրել է՝ վաղաժամ և անհիմն լինելու պատճառաբանությամբ:
