https://arm.sputniknews.ru/20230729/adrbejany-argelanqi-e-vercrel-kkhmki-mijvocvov-hh-teghapvokhvvogh-qaghaqacineric-mekin-nersisjan-63648634.html
Ադրբեջանն արգելանքի է վերցրել ԿԽՄԿ–ի միջոցով ՀՀ տեղափոխվող քաղաքացիներից մեկին. Ներսիսյան
Ադրբեջանն արգելանքի է վերցրել ԿԽՄԿ–ի միջոցով ՀՀ տեղափոխվող քաղաքացիներից մեկին. Ներսիսյան
Sputnik Արմենիա
ՀՀ–ում բուժված անձանց Արցախ վերադարձնելու երթը չեղարկվել է։ 29.07.2023, Sputnik Արմենիա
2023-07-29T13:52+0400
2023-07-29T13:52+0400
2023-07-29T14:08+0400
ադրբեջան
արցախ
կարմիր խաչ
գուրգեն ներսիսյան
https://cdn.am.sputniknews.ru/img/07e7/03/07/56357768_0:0:1600:901_1920x0_80_0_0_a7071c517e9b7a3283333e3fcf296737.jpg
ԵՐԵՎԱՆ, 29 հուլիսի – Sputnik. Ադրբեջանն այսօր արգելանքի է վերցրել Կարմիր խաչի միջոցով բուժման նպատակով ՀՀ տեղափոխվող հիվանդներից 68-ամյա մի քաղաքացու և անցակետից տեղափոխվել այլ վայր։ Տեղեկությունը հայտնում է Արցախի պետնախարար Գուրգեն Ներսիսյանը։Նույն երթով ՀՀ տեղափոխվող քաղաքացիները Գորիս քաղաքից ներկայացած ԿԽՄԿ ներկայացուցչի ուղեկցությամբ տեղափոխվել են Գորիսի բուժհաստատություն, իսկ ՀՀ-ում բուժված քաղաքացիներին Արցախ վերադարձնելու երթը չեղարկվել է։Ներսիսյանը նշել է, որ Ադրբեջանը մշտապես ամեն կերպ փորձում էր խոչընդոտել նույնիսկ ԿԽՄԿ–ի միջոցով հիվանդներին ՀՀ տեղափոխելու գործընթացը և ամեն անգամ նոր պայմաններ էր ներկայացնում ԿԽՄԿ-ին։ Սա, ըստ նրա, հերթական քայլն էր՝ մարդկանց մոտ ձևավորելու նույնիսկ բուժման նպատակով Լաչինի միջանցքով անցնելու մտավախություն։«Ահա սա է Ադրբեջանի տարածքային ամբողջականությունը ճանաչելու և Արցախը Ադրբեջան կոչելու ՀՀ իշխանությունների, Արցախի ժողովրդի նկատմամբ արդեն ամիսներ տևող հանցագործությունները անբավարար չափով դատապարտելու և գրեթե անգործություն ցուցաբերող միջազգային հանրության վարքագծի օր օրի ահագնացող հետևանքները։ Այս ամենը ցանկացած գնով պետք է կանխվի»,– ընդգծել է Արցախի պետնախարարը։Ներսիսյանը հայ ժողովրդին կոչ է արել արթնանալ ու դեմ կանգնել այս ամենին։Հիշեցնենք` 2022–ի դեկտեմբերի 12-ին քաղաքացիական հագուստով մի խումբ ադրբեջանցիներ բնապահպանական պատճառաբանությամբ փակեցին Արցախը Հայաստանին կապող Ստեփանակերտ-Գորիս մայրուղին, որտեղից հեռացան ապրիլի 28-ին, քանի որ ապրիլի 23-ին Ադրբեջանն անցակետ տեղադրեց Լաչինի ճանապարհի վրա` այն ամբողջությամբ առնելով իր վերահսկողության տակ։ Արցախը զրկվել է նաև Հայաստանից մատակարարվող գազից և էլեկտրաէներգիայից։Հուլիսի 26-ին առաջին անհրաժեշտության շուրջ 400 տոննա ապրանքով բեռնված 19 մեքենա Երևանից ուղևորվել են ավելի քան 225 օր շրջափակման մեջ գտնվող Արցախ։ Բեռնատարները հասել են Կոռնիձոր և կանգ առել․ Ադրբեջանի կողմից արգելափակված Լաչինի միջանցքով ճանապարհը շարունակելու համար սպասում են ՌԴ խաղաղապահների պատասխանին։
ադրբեջան
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ադրբեջան, արցախ, կարմիր խաչ, գուրգեն ներսիսյան
ադրբեջան, արցախ, կարմիր խաչ, գուրգեն ներսիսյան
Ադրբեջանն արգելանքի է վերցրել ԿԽՄԿ–ի միջոցով ՀՀ տեղափոխվող քաղաքացիներից մեկին. Ներսիսյան
13:52 29.07.2023 (Թարմացված է: 14:08 29.07.2023) ՀՀ–ում բուժված անձանց Արցախ վերադարձնելու երթը չեղարկվել է։
ԵՐԵՎԱՆ, 29 հուլիսի – Sputnik. Ադրբեջանն այսօր արգելանքի է վերցրել Կարմիր խաչի միջոցով բուժման նպատակով ՀՀ տեղափոխվող հիվանդներից 68-ամյա մի քաղաքացու և անցակետից տեղափոխվել այլ վայր։ Տեղեկությունը հայտնում է Արցախի պետնախարար Գուրգեն Ներսիսյանը։
«Այս պահին ԿԽՄԿ ներկայացուցիչը գտնվում է մեր քաղաքացու մոտ, սակայն բանակցությունները դեռևս որևէ արդյունք չեն տվել, սպասում ենք նոր տեղեկությունների»,– գրել է նա ֆեյսբուքյան էջում։
Նույն երթով ՀՀ տեղափոխվող քաղաքացիները Գորիս քաղաքից ներկայացած ԿԽՄԿ ներկայացուցչի ուղեկցությամբ տեղափոխվել են Գորիսի բուժհաստատություն, իսկ ՀՀ-ում բուժված քաղաքացիներին Արցախ վերադարձնելու երթը չեղարկվել է։
Ներսիսյանը նշել է, որ Ադրբեջանը մշտապես ամեն կերպ փորձում էր խոչընդոտել նույնիսկ ԿԽՄԿ–ի միջոցով հիվանդներին ՀՀ տեղափոխելու գործընթացը և ամեն անգամ նոր պայմաններ էր ներկայացնում ԿԽՄԿ-ին։ Սա, ըստ նրա, հերթական քայլն էր՝ մարդկանց մոտ ձևավորելու նույնիսկ բուժման նպատակով Լաչինի միջանցքով անցնելու մտավախություն։
«Ահա սա է Ադրբեջանի տարածքային ամբողջականությունը ճանաչելու և Արցախը Ադրբեջան կոչելու ՀՀ իշխանությունների, Արցախի ժողովրդի նկատմամբ արդեն ամիսներ տևող հանցագործությունները անբավարար չափով դատապարտելու և գրեթե անգործություն ցուցաբերող միջազգային հանրության վարքագծի օր օրի ահագնացող հետևանքները։ Այս ամենը ցանկացած գնով պետք է կանխվի»,– ընդգծել է Արցախի պետնախարարը։
Ներսիսյանը հայ ժողովրդին կոչ է արել արթնանալ ու դեմ կանգնել այս ամենին։
Հիշեցնենք` 2022–ի դեկտեմբերի 12-ին
քաղաքացիական հագուստով մի խումբ ադրբեջանցիներ բնապահպանական պատճառաբանությամբ փակեցին Արցախը Հայաստանին կապող Ստեփանակերտ-Գորիս մայրուղին, որտեղից
հեռացան ապրիլի 28-ին, քանի որ ապրիլի 23-ին Ադրբեջանն
անցակետ տեղադրեց Լաչինի ճանապարհի վրա` այն ամբողջությամբ առնելով իր վերահսկողության տակ։ Արցախը զրկվել է նաև Հայաստանից մատակարարվող գազից և էլեկտրաէներգիայից։
Հուլիսի 26-ին առաջին անհրաժեշտության շուրջ 400 տոննա ապրանքով բեռնված
19 մեքենա Երևանից ուղևորվել են ավելի քան 225 օր շրջափակման մեջ գտնվող Արցախ։ Բեռնատարները հասել են Կոռնիձոր և կանգ առել․ Ադրբեջանի կողմից արգելափակված Լաչինի միջանցքով ճանապարհը շարունակելու համար սպասում են ՌԴ խաղաղապահների պատասխանին։
