https://arm.sputniknews.ru/20230728/qaghaqashinutjan-kvomiteum-qnnarkvel-en-akademiakan-qaghaqin-arnchvvogh-harcer-63641044.html
Քաղաքաշինության կոմիտեում քննարկվել են Ակադեմիական քաղաքին առնչվող հարցեր
Քաղաքաշինության կոմիտեում քննարկվել են Ակադեմիական քաղաքին առնչվող հարցեր
Sputnik Արմենիա
Ակադեմիական քաղաքի տեղակայման հնարավոր տարբերակներից են Երևանի Աջափնյակ վարչական շրջանի 17-րդ թաղամասի հողամասերը։ 28.07.2023, Sputnik Արմենիա
2023-07-28T22:36+0400
2023-07-28T22:36+0400
2023-07-28T22:36+0400
ակադեմիական քաղաք
քաղաքաշինության կոմիտե
արմեն ղուլարյան
https://cdn.am.sputniknews.ru/img/07e7/07/1c/63640571_0:95:1600:995_1920x0_80_0_0_1c231fbc084cbc16c34334c5ae6031fa.jpg
ԵՐԵՎԱՆ, 28 հուլիսի-Sputnik. Քաղաքաշինության կոմիտեի նախագահ Արմեն Ղուլարյանը «Ակադեմիական քաղաք» հիմնադրամի տնօրեն Արմեն Սիմոնյանի, հիմնադրամի իրավաբան Տաթև Դանիելյանի, Ճարտարապետության և շինարարության Հայաստանի ազգային համալսարանի ռեկտոր Եղիազար Վարդանյանի հետ քննարկել է Ակադեմիական քաղաքի ստեղծման ծրագիրը։ Տեղեկությունը հայտնում է քաղաքաշինության կոմիտեն։Մասնավորապես, հիմնադրամի տնօրենը տեղեկատվություն է հայտնել Ակադեմիական քաղաքի ստեղծման ծրագիրն իրագործելու համար դիտարկվող տարածքների վերաբերյալ՝ ներկայացնելով նախագծային խմբին ելակետային տվյալների, նորմատիվատեխնիկական փաստաթղթերի տրամադրման անհրաժեշտությունը և վերհանված հնարավոր խնդիրները:Կոմիտեից պատրաստակամություն են հայտնել աջակցություն ցուցաբերել ծրագրին։Քննարկվել են Ակադեմիական քաղաքի տեղակայման հնարավոր տարբերակներից Երևանի Աջափնյակ վարչական շրջանի 17-րդ թաղամասի հողամասերի նկատմամբ առկա քաղաքաշինական հատակագծային սահմանափակումները՝ Ակադեմիական քաղաքի կառուցման համար դիտարկվող հողամասի իրական մակերեսը հստակեցնելու նպատակով:Հավաքագրված բոլոր տվյալները փոխանցվելու են ծրագրում ներգրավված գերմանական կազմակերպությանը՝ Ակադեմիական քաղաքի համար դիտարկվող տարածքի գլխավոր հատակագծի մշակման համար:Հիշեցնենք, որ ՀՀ կրթության, գիտության, մշակույթի և սպորտի նախարարության գաղափարն է եղել ակադեմիական քաղաք ստեղծելը, որտեղ տեղակայվելու է մինչև 8 բուհ։ Արդեն իսկ մշակվել է քաղաքի նախնական հատակագիծը։ Բացի բուհերից, քաղաքում հիմնվելու են նաև բնակելի հատվածներ, հետազոտական կենտրոններ, զբոսայգի, ամֆիթատրոն: Քաղաքը նախատեսված է լինելու 44 000 մարդու համար։Ակադեմիական քաղաքի նախագծման փուլը նախատեսվում է մեկնարկել 2023 թ. սեպտեմբերից և ավարտել 2025 թ սեպտեմբերին: Կառուցման փուլը նախատեսվում է մեկնարկել 2025 թ. հոկտեմբերից և նախնական գնահատմամբ կավարտվի 2029 թ. դեկտեմբերին:
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ակադեմիական քաղաք, քաղաքաշինության կոմիտե, արմեն ղուլարյան
ակադեմիական քաղաք, քաղաքաշինության կոմիտե, արմեն ղուլարյան
Քաղաքաշինության կոմիտեում քննարկվել են Ակադեմիական քաղաքին առնչվող հարցեր
Ակադեմիական քաղաքի տեղակայման հնարավոր տարբերակներից են Երևանի Աջափնյակ վարչական շրջանի 17-րդ թաղամասի հողամասերը։
ԵՐԵՎԱՆ, 28 հուլիսի-Sputnik. Քաղաքաշինության կոմիտեի նախագահ Արմեն Ղուլարյանը «Ակադեմիական քաղաք» հիմնադրամի տնօրեն Արմեն Սիմոնյանի, հիմնադրամի իրավաբան Տաթև Դանիելյանի, Ճարտարապետության և շինարարության Հայաստանի ազգային համալսարանի ռեկտոր Եղիազար Վարդանյանի հետ քննարկել է Ակադեմիական քաղաքի ստեղծման ծրագիրը։ Տեղեկությունը հայտնում է
քաղաքաշինության կոմիտեն։
Մասնավորապես, հիմնադրամի տնօրենը տեղեկատվություն է հայտնել Ակադեմիական քաղաքի ստեղծման ծրագիրն իրագործելու համար դիտարկվող տարածքների վերաբերյալ՝ ներկայացնելով նախագծային խմբին ելակետային տվյալների, նորմատիվատեխնիկական փաստաթղթերի տրամադրման անհրաժեշտությունը և վերհանված հնարավոր խնդիրները:
Կոմիտեից պատրաստակամություն են հայտնել աջակցություն ցուցաբերել ծրագրին։
Քննարկվել են Ակադեմիական քաղաքի տեղակայման հնարավոր տարբերակներից Երևանի Աջափնյակ վարչական շրջանի 17-րդ թաղամասի հողամասերի նկատմամբ առկա քաղաքաշինական հատակագծային սահմանափակումները՝ Ակադեմիական քաղաքի կառուցման համար դիտարկվող հողամասի իրական մակերեսը հստակեցնելու նպատակով:
Պայմանավորվածություն է ձեռք բերվել նախագծային թիմին փոխանցել Աջափնյակ վարչական շրջանի գոտևորման նախագիծը և 17-րդ թաղամասին հարակից բնակավայրերի համար մշակված միկրոռեգիոնալ մակարդակի համակցված տարածական պլանավորման փաստաթղթերի այն նյութերը, որոնք օգտակար կլինեն Ակադեմիական քաղաքի համար դիտարկվող տարածքներում տարբեր գործառույթների տեղաբաշխում կատարելիս:
Հավաքագրված բոլոր տվյալները փոխանցվելու են ծրագրում ներգրավված գերմանական կազմակերպությանը՝ Ակադեմիական քաղաքի համար դիտարկվող տարածքի գլխավոր հատակագծի մշակման համար:
Հիշեցնենք, որ ՀՀ կրթության, գիտության, մշակույթի և սպորտի նախարարության գաղափարն է եղել ակադեմիական քաղաք ստեղծելը, որտեղ տեղակայվելու է մինչև 8 բուհ։ Արդեն իսկ մշակվել է քաղաքի նախնական հատակագիծը։ Բացի բուհերից, քաղաքում հիմնվելու են նաև բնակելի հատվածներ, հետազոտական կենտրոններ, զբոսայգի, ամֆիթատրոն: Քաղաքը նախատեսված է լինելու 44 000 մարդու համար։
Ակադեմիական քաղաքի նախագծման փուլը նախատեսվում է մեկնարկել 2023 թ. սեպտեմբերից և ավարտել 2025 թ սեպտեմբերին: Կառուցման փուլը նախատեսվում է մեկնարկել 2025 թ. հոկտեմբերից և նախնական գնահատմամբ կավարտվի 2029 թ. դեկտեմբերին:
