https://arm.sputniknews.ru/20230728/davit-tvonvojany-pak-nistin-masnakcelu-hamadzajnutjun-chi-tvel-hajtararutjun-63587531.html
Դավիթ Տոնոյանը քննիչ հանձնաժողովի փակ նիստի համաձայնություն չի տվել. հայտարարություն
Դավիթ Տոնոյանը քննիչ հանձնաժողովի փակ նիստի համաձայնություն չի տվել. հայտարարություն
Sputnik Արմենիա
ՀՀ պաշտպանության նախկին նախարարը պնդում է, որ քննիչ հանձնաժողովի նիստը հրապարակային լինի։ 28.07.2023, Sputnik Արմենիա
2023-07-28T12:42+0400
2023-07-28T12:42+0400
2023-07-28T12:48+0400
հայաստան
դավիթ տոնոյան
քննիչ
https://cdn.am.sputniknews.ru/img/07e6/06/06/42925916_0:0:1600:901_1920x0_80_0_0_5d512d8baa114ba2de7c5d60a71883a2.jpg
ԵՐԵՎԱՆ, 28 հուլիսի – Sputnik. ՀՀ պաշտպանության նախկին նախարար Դավիթ Տոնոյանը ՀՀ ԱԺ քննիչ հանձնաժողովի փակ նիստի համաձայնություն չի տվել։ Այս մասին հայտարարություն է տարածել Դավիթ Տոնոյանի պաշտպանական խումբը։Ավելի վաղ հայտնի էր դարձել, որ դատարանը թույլ է տվել Տոնոյանին մասնակցել հանձնաժողովի նիստին։ Նա խորհրդարան է գնալու քրեակատարողական հիմնարկի աշխատակիցների ուղեկցությամբ։ Նիստերը կայանալու են օգոստոսի 1-ին և 2-ին։ Հուլիսի 27-ին ՀՀ ԱԺ «Քաղաքացիական պայմանագիր» խմբակցության պատգամավոր, քննիչ հանձնաժողովի անդամ Արմեն Խաչատրյանը լրատվամիջոցներից մեկին ասել էր, որ նիստը փակ է լինելու, ինչին Դավիթ Տոնոյանը տվել է իր համաձայնությունը: Սա այն դեպքում, ըստ Տոնոյանի պաշտպանական կողմի, երբ քննիչ հանձնաժողովի նախագահ Անդրանիկ Քոչարյանը հստակ և հրապարակային համաձայնություն էր տվել Տոնոյանի` բաց նիստ անցկացնելու առաջարկին։Նշված է նաև, որ Դավիթ Տոնոյանը ևս մեկ անգամ պնդում է հրապարակային նիստի անցկացման իր պահանջը, կարևորում է ընդդիմության ներկայացուցիչների մասնակցությունը և չի բացառում բացի հրապարակային և լուսաբանվող ձևաչափից, նաև փակ քննարկման հնարավորությունը և անհրաժեշտությունը։Միաժամանակ Դավիթ Տոնոյանը զանգվածային լրատվության միջոցներին առաջարկում է օգտվել ընձեռված հնարավորությունից և քննիչ հանձնաժողովի անդամների միջոցով ուղղել իրենց և հանրությանը հետաքրքրող հարցերը։Նշենք, որ հանձնաժողովում արդեն որոշ հարցերի պատասխանելու են եկել ՀՀ ԶՈւ ԳՇ պետ Էդվարդ Ասրյանը, նախկին ԳՇ պետ Օնիկ Գասպարյանը, ԱԳ նախկին նախարար Զոհրաբ Մնացականյանը։Հունիսի 20–ին և 27–ին հանձնաժողովում հարցերի է պատասխանել նաև ՀՀ վարչապետ Նիկոլ Փաշինյանը։Հիշեցնենք` 2021-ի սեպտեմբերի 30-ին ԱԱԾ-ն հայտնեց, որ Դավիթ Տոնոյանն ու զենքի մատակարարմամբ զբաղվող Դավիթ Գալստյանը ձերբակալվել են առանձնապես խոշոր չափերի հափշտակություն կատարելու կասկածանքով։Նույն օրն ևեթ Տոնոյանն ու Գալստյանը կալանավորվեցին։ Հունիսի 28-ին Հակակոռուպցիոն դատարանը որոշեց 40 միլիոն գրավի դիմաց ազատ արձակել Դավիթ Գալստյանին։Այս գործով մեղադրանք է առաջադրվել նաև ԳՇ նախկին պետ Արտակ Դավթյանին, ԳՇ պետի նախկին տեղակալ Ստեփան Գալստյանին, ՀՀ ՊՆ ավիացիայի վարչության ավիացիոն տեխնիկական ունեցվածքի ծառայության պետ Արտյոմ Համբարյանին և ավիացիայի վարչության գլխավոր ինժեներ Վլադիմիր Բաբայանին:
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, դավիթ տոնոյան, քննիչ
հայաստան, դավիթ տոնոյան, քննիչ
Դավիթ Տոնոյանը քննիչ հանձնաժողովի փակ նիստի համաձայնություն չի տվել. հայտարարություն
12:42 28.07.2023 (Թարմացված է: 12:48 28.07.2023) ՀՀ պաշտպանության նախկին նախարարը պնդում է, որ քննիչ հանձնաժողովի նիստը հրապարակային լինի։
ԵՐԵՎԱՆ, 28 հուլիսի – Sputnik. ՀՀ պաշտպանության նախկին նախարար Դավիթ Տոնոյանը ՀՀ ԱԺ քննիչ հանձնաժողովի փակ նիստի համաձայնություն չի տվել։ Այս մասին հայտարարություն է տարածել Դավիթ Տոնոյանի պաշտպանական խումբը։
Ավելի վաղ հայտնի էր դարձել, որ
դատարանը թույլ է տվել Տոնոյանին մասնակցել հանձնաժողովի նիստին։ Նա խորհրդարան է գնալու քրեակատարողական հիմնարկի աշխատակիցների ուղեկցությամբ։ Նիստերը կայանալու են օգոստոսի 1-ին և 2-ին։ Հուլիսի 27-ին ՀՀ ԱԺ «Քաղաքացիական պայմանագիր» խմբակցության պատգամավոր, քննիչ հանձնաժողովի անդամ Արմեն Խաչատրյանը լրատվամիջոցներից մեկին ասել էր, որ նիստը փակ է լինելու, ինչին Դավիթ Տոնոյանը տվել է իր համաձայնությունը: Սա այն դեպքում, ըստ Տոնոյանի պաշտպանական կողմի, երբ քննիչ հանձնաժողովի նախագահ Անդրանիկ Քոչարյանը հստակ և հրապարակային համաձայնություն էր տվել Տոնոյանի` բաց նիստ անցկացնելու առաջարկին։
«Դավիթ Տոնոյանը փակ նիստի համաձայնություն չի տվել, ուստի պատգամավորի կողմից ներկայացված տեղեկությունը ակնհայտ կեղծիք է։ ՀՀ պաշտպանության նախկին նախարարի կողմից ՀՀ ԱԺ «2020 թվականի սեպտեմբերի 27-ին սանձազերծված 44-օրյա ռազմական գործողությունների հանգամանքների ուսումնասիրման նպատակով» ստեղծված քննիչ հանձնաժողովի նիստին մասնակցելու պայմանը եղել է բաց և հրապարակային եղանակով բացատրություններ տալու հնարավորություն ունենալը»,– ասված է պաշտպանական խմբի հայտարարության մեջ:
Նշված է նաև, որ Դավիթ Տոնոյանը ևս մեկ անգամ պնդում է հրապարակային նիստի անցկացման իր պահանջը, կարևորում է ընդդիմության ներկայացուցիչների մասնակցությունը և չի բացառում բացի հրապարակային և լուսաբանվող ձևաչափից, նաև փակ քննարկման հնարավորությունը և անհրաժեշտությունը։
Միաժամանակ Դավիթ Տոնոյանը զանգվածային լրատվության միջոցներին առաջարկում է օգտվել ընձեռված հնարավորությունից և քննիչ հանձնաժողովի անդամների միջոցով ուղղել իրենց և հանրությանը հետաքրքրող հարցերը։
Նշենք, որ հանձնաժողովում արդեն որոշ հարցերի պատասխանելու են եկել ՀՀ ԶՈւ ԳՇ պետ Էդվարդ Ասրյանը, նախկին ԳՇ պետ Օնիկ Գասպարյանը, ԱԳ նախկին նախարար Զոհրաբ Մնացականյանը։
Հունիսի 20–ին և 27–ին հանձնաժողովում հարցերի է պատասխանել նաև ՀՀ վարչապետ Նիկոլ Փաշինյանը։
Հիշեցնենք` 2021-ի սեպտեմբերի 30-ին ԱԱԾ-ն հայտնեց, որ
Դավիթ Տոնոյանն ու զենքի մատակարարմամբ զբաղվող Դավիթ Գալստյանը ձերբակալվել են առանձնապես խոշոր չափերի հափշտակություն կատարելու կասկածանքով։
Նույն օրն ևեթ
Տոնոյանն ու
Գալստյանը կալանավորվեցին։ Հունիսի 28-ին Հակակոռուպցիոն դատարանը որոշեց
40 միլիոն գրավի դիմաց ազատ արձակել Դավիթ Գալստյանին։
Այս գործով
մեղադրանք է առաջադրվել նաև ԳՇ նախկին պետ Արտակ Դավթյանին, ԳՇ պետի նախկին տեղակալ Ստեփան Գալստյանին, ՀՀ ՊՆ ավիացիայի վարչության ավիացիոն տեխնիկական ունեցվածքի ծառայության պետ Արտյոմ Համբարյանին և ավիացիայի վարչության գլխավոր ինժեներ Վլադիմիր Բաբայանին:
