https://arm.sputniknews.ru/20230724/hh-i-hamar-vitsharkman-entaka-che-irani-het-petakan-sahmani-anqakteliutjuny-mirzvojan-63422657.html
ՀՀ-ի համար վիճարկման ենթակա չէ Իրանի հետ պետական սահմանի անքակտելիությունը. Միրզոյան
ՀՀ-ի համար վիճարկման ենթակա չէ Իրանի հետ պետական սահմանի անքակտելիությունը. Միրզոյան
Sputnik Արմենիա
ՀՀ ԱԳ նախարարն ընդգծել է, որ Հայաստանն ակնկալում է Հարավային Կովկասում իրական խաղաղությամբ շահագրգռված և պատասխանատու դերակատարների գործուն ջանքերը՝ ԼՂ–ում... 24.07.2023, Sputnik Արմենիա
2023-07-24T19:35+0400
2023-07-24T19:35+0400
2023-07-24T19:53+0400
արարատ միրզոյան
հոսեյն ամիր աբդոլլահիան
հայաստան–իրան գործակցություն
իրանի իսլամական հանրապետություն
հայաստան
լեռնային ղարաբաղ
արցախ
սահման
հայ-ադրբեջանական
ադրբեջան
https://cdn.am.sputniknews.ru/img/07e7/07/18/63421434_0:0:1600:901_1920x0_80_0_0_1d2d54de537b2836e2372d856944279f.jpg
ԵՐԵՎԱՆ, 24 հուլիսի – Sputnik. ՀՀ ԱԳ նախարար Արարատ Միրզոյանի և Իրանի ԱԳ նախարար Հոսեյն Ամիր Աբդոլլահիանի այսօրվա քննարկման առանցքում են եղել տարածաշրջանային անվտանգությանն ու կայունությանն առնչվող հարցերը, հայտնում են ՀՀ ԱԳՆ մամուլի ծառայությունից։Միրզոյանը նշել է, որ առանձնահատուկ կերպով կարևորել են Հարավային Կովկասում խաղաղության, անվտանգության ու կայունության հաստատման անհրաժեշտությունը։Նա հիշեցրել է, որ Հայաստանի և Ադրբեջանի միջև հարաբերությունների կարգավորման համատեքստում ՀՀ–ի համար առանցքային են Ալմա Աթայի հռչակագրի հիման վրա հստակ սահմանների վերահաստատումը, սահմանազատման և սահմանային անվտանգության երաշխիքների ապահովումը, ինչպես նաև Ստեփանակերտի և Բաքվի միջև քննարկումների կայուն միջազգային մեխանիզմի ձևավորումը:Ընդգծել է` Լեռնային Ղարաբաղում արդեն իսկ էական, շոշափելի մարդասիրական ճգնաժամ է: Եվ դա տեղի է ունենում միջազգային մարդասիրական նորմերի կոպտագույն խախտմամբ՝ ի հեճուկս 2020թ. նոյեմբերի 9-ի եռակողմ հայտարարությամբ ամրագրված դրույթների, միջազգային հանրության բազմաթիվ կոչերի ու բանաձևերի, Արդարադատության միջազգային դատարանի փետրվարի 22-ի՝ իրավաբանական պարտադիր ուժ ունեցող որոշման, որն ի դեպ վերահաստատվեց հուլիսի 6-ին։«Պետք է ընդգծեմ, որ Հայաստանն ակնկալում է Հարավային Կովկասում իրական խաղաղությամբ շահագրգռված և պատասխանատու դերակատարների գործուն ջանքերը՝ 21-րդ դարում սեփական աչքերի առջև նոր հումանիտար աղետ թույլ չտալու հարցում»,–ասել է նա։Մեծապես կարևորելով ՀՀ վարչապետի և ԻԻՀ նախագահի սահմանած նշաձողը՝ երկկողմ առևտրաշրջանառության ծավալները 3 մլրդ դոլարի հասցնելու վերաբերյալ պայմանավորվածությունը, ընդգծվել է համատեղ տնտեսական ծրագրերի շարունակականությունն ու դրանք ավարտին հասցնելու նշանակությունը:«Մեր օրակարգում առանձնակի դեր ունի առևտրի, էներգետիկայի, տրանսպորտի և ճանապարհային ենթակառուցվածքների ոլորտներում համագործակցությունը, և այս առումով հարկ է ընդգծել «Հյուսիս-հարավ ճանապարհային միջանցք» և «Պարսից ծոց-Սև ծով» միջազգային տրանսպորտային երթուղիների ծրագրերի իրագործման կարևորությունը»,–նշել է Միրզոյանը:Համագործակցության հետաքրքիր հարթակ են նաև Հայաստանի և Իրանի մասնակցությամբ եռակողմ ձևաչափերը. այս տարի Երևանում կայացել են Հայաստան-Իրան-Հնդկաստան ձևաչափով առաջին խորհրդակցությունները։Նա հավելել է, որ ՀՀ–ն բարձր է գնահատում հարևան և բարեկամ Իրանի սկզբունքային և հստակ դիրքորոշումը Հայաստանի Հանրապետության տարածքային ամբողջականության և ենթադրվող ենթակառուցվածքների նկատմամբ ինքնիշխանության վերաբերյալ:«Մեզ համար Իրանը մշտապես եղել և մնում ու շարունակելու է լինել առանձնահատուկ գործընկեր, այդ թվում՝ ներկայիս բարդ պայմաններում առկա մարտահրավերների հաղթահարման հարցում»,–ասել է Միրզոյանը:Հայտնել էինք, որ Արարատ Միրզոյանը աշխատանքային այցով գտնվում է Իրանում։ Նա հանդիպել և առանձնազրույց է ունեցել Իրանի ԱԳ նախարարի և Իրանի նախագահի հետ։
իրանի իսլամական հանրապետություն
լեռնային ղարաբաղ
ադրբեջան
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
արարատ միրզոյան, հոսեյն ամիր աբդոլլահիան, հայաստան–իրան գործակցություն, իրանի իսլամական հանրապետություն, հայաստան, լեռնային ղարաբաղ, արցախ, սահման, հայ-ադրբեջանական, ադրբեջան
արարատ միրզոյան, հոսեյն ամիր աբդոլլահիան, հայաստան–իրան գործակցություն, իրանի իսլամական հանրապետություն, հայաստան, լեռնային ղարաբաղ, արցախ, սահման, հայ-ադրբեջանական, ադրբեջան
ՀՀ-ի համար վիճարկման ենթակա չէ Իրանի հետ պետական սահմանի անքակտելիությունը. Միրզոյան
19:35 24.07.2023 (Թարմացված է: 19:53 24.07.2023) ՀՀ ԱԳ նախարարն ընդգծել է, որ Հայաստանն ակնկալում է Հարավային Կովկասում իրական խաղաղությամբ շահագրգռված և պատասխանատու դերակատարների գործուն ջանքերը՝ ԼՂ–ում հումանիտար աղետը կանխելու հարցում։
ԵՐԵՎԱՆ, 24 հուլիսի – Sputnik. ՀՀ ԱԳ նախարար Արարատ Միրզոյանի և Իրանի ԱԳ նախարար Հոսեյն Ամիր Աբդոլլահիանի այսօրվա քննարկման առանցքում են եղել տարածաշրջանային անվտանգությանն ու կայունությանն առնչվող հարցերը,
հայտնում են ՀՀ ԱԳՆ մամուլի ծառայությունից։
Միրզոյանը նշել է, որ առանձնահատուկ կերպով կարևորել են Հարավային Կովկասում խաղաղության, անվտանգության ու կայունության հաստատման անհրաժեշտությունը։
Նա հիշեցրել է, որ Հայաստանի և Ադրբեջանի միջև հարաբերությունների կարգավորման համատեքստում ՀՀ–ի համար առանցքային են Ալմա Աթայի հռչակագրի հիման վրա հստակ սահմանների վերահաստատումը, սահմանազատման և սահմանային անվտանգության երաշխիքների ապահովումը, ինչպես նաև Ստեփանակերտի և Բաքվի միջև քննարկումների կայուն միջազգային մեխանիզմի ձևավորումը:
«Սակայն, ցավով պետք է արձանագրեմ, որ Լեռնային Ղարաբաղի ժողովրդի հետ երկխոսության փոխարեն Ադրբեջանն այսօր վարում է էթնիկ զտումների քաղաքականություն, որի բացահայտ դրսևորումն է Լեռնային Ղարաբաղն արտաքին աշխարհին կապող միակ ճանապարհի՝ Լաչինի միջանցքի՝ արդեն ավելի քան յոթ ամիս շարունակվող ապօրինի արգելափակումը»,–ասել է ՀՀ արտաքին քաղաքկան գերատեսչության ղեկավարը։
Ընդգծել է` Լեռնային Ղարաբաղում արդեն իսկ էական, շոշափելի մարդասիրական ճգնաժամ է: Եվ դա տեղի է ունենում միջազգային մարդասիրական նորմերի կոպտագույն խախտմամբ՝ ի հեճուկս 2020թ. նոյեմբերի 9-ի եռակողմ հայտարարությամբ ամրագրված դրույթների, միջազգային հանրության բազմաթիվ կոչերի ու բանաձևերի, Արդարադատության միջազգային դատարանի փետրվարի 22-ի՝ իրավաբանական պարտադիր ուժ ունեցող որոշման, որն ի դեպ վերահաստատվեց հուլիսի 6-ին։
«Պետք է ընդգծեմ, որ Հայաստանն ակնկալում է Հարավային Կովկասում իրական խաղաղությամբ շահագրգռված և պատասխանատու դերակատարների գործուն ջանքերը՝ 21-րդ դարում սեփական աչքերի առջև նոր հումանիտար աղետ թույլ չտալու հարցում»,–ասել է նա։
Մեծապես կարևորելով ՀՀ վարչապետի և ԻԻՀ նախագահի սահմանած նշաձողը՝ երկկողմ առևտրաշրջանառության ծավալները 3 մլրդ դոլարի հասցնելու վերաբերյալ պայմանավորվածությունը, ընդգծվել է համատեղ տնտեսական ծրագրերի շարունակականությունն ու դրանք ավարտին հասցնելու նշանակությունը:
«Մեր օրակարգում առանձնակի դեր ունի առևտրի, էներգետիկայի, տրանսպորտի և ճանապարհային ենթակառուցվածքների ոլորտներում համագործակցությունը, և այս առումով հարկ է ընդգծել «Հյուսիս-հարավ ճանապարհային միջանցք» և «Պարսից ծոց-Սև ծով» միջազգային տրանսպորտային երթուղիների ծրագրերի իրագործման կարևորությունը»,–նշել է Միրզոյանը:
Համագործակցության հետաքրքիր հարթակ են նաև Հայաստանի և Իրանի մասնակցությամբ եռակողմ ձևաչափերը. այս տարի Երևանում կայացել են Հայաստան-Իրան-Հնդկաստան ձևաչափով առաջին խորհրդակցությունները։
«Հայաստանի Հանրապետությունը մեծապես շահագրգռված է տարածաշրջանային տնտեսական և տրանսպորտային ենթակառուցվածքների ապաշրջափակմամբ՝ հիմնված երկրների ինքնիշխանության և ազգային իրավազորության, ինչպես նաև հավասարության և փոխադարձության սկզբունքների վրա։ Այս համատեքստում մեզ համար վիճարկման ենթակա չէ Իրանի Իսլամական Հանրապետության հետ մեր պետական սահմանի անքակտելիությունը, որի վերաբերյալ հայկական և իրանական կողմի հստակ և բազմիցս արտահայտված դիրքորոշումները նույնական են»,–ասել է Միրզոյանը:
Նա հավելել է, որ ՀՀ–ն բարձր է գնահատում հարևան և բարեկամ Իրանի սկզբունքային և հստակ դիրքորոշումը Հայաստանի Հանրապետության տարածքային ամբողջականության և ենթադրվող ենթակառուցվածքների նկատմամբ ինքնիշխանության վերաբերյալ:
«Մեզ համար Իրանը մշտապես եղել և մնում ու շարունակելու է լինել առանձնահատուկ գործընկեր, այդ թվում՝ ներկայիս բարդ պայմաններում առկա մարտահրավերների հաղթահարման հարցում»,–ասել է Միրզոյանը:
Հայտնել էինք, որ Արարատ Միրզոյանը աշխատանքային այցով գտնվում է Իրանում։ Նա հանդիպել և առանձնազրույց է ունեցել Իրանի ԱԳ նախարարի և Իրանի
նախագահի հետ։
