https://arm.sputniknews.ru/20230722/arcakhi-tshgnazhami-dem-pajqarelu-pvokharen-ishkhanutjuny-hajaqvei-dem-e-pajqarum-chalabjan-63329293.html
Արցախի ճգնաժամի դեմ պայքարելու փոխարեն իշխանությունը «ՀայաՔվեի» դեմ է պայքարում. Չալաբյան
Արցախի ճգնաժամի դեմ պայքարելու փոխարեն իշխանությունը «ՀայաՔվեի» դեմ է պայքարում. Չալաբյան
Sputnik Արմենիա
Գյուղական բնակավայրերում հաճախ բնակիչներն ավելի բարձր ակտիվություն են ցուցաբերում, քան անգամ խոշոր քաղաքներում։ 22.07.2023, Sputnik Արմենիա
2023-07-22T11:31+0400
2023-07-22T11:31+0400
2023-07-22T11:37+0400
ավետիք չալաբյան
«ազատ արցախ հայաքվե» նախաձեռնություն
հայաստան
արցախ
ստորագրահավաք
https://cdn.am.sputniknews.ru/img/07e7/05/17/59989030_0:0:1600:901_1920x0_80_0_0_00fdf1133230c24adafa2e1ad184f9a6.jpg
ԵՐԵՎԱՆ, 22 հուլիսի – Sputnik. Արցախում ստեղծված ծանրագույն իրավիճակը հանգուցալուծելու ուղղությամբ ջանքերն ուղղելու փոխարեն իշխանությունը տարբեր միջոցներով «ՀայաՔվեի» դեմ է պայքարում։ Այսօր հրավիրված ասուլիսի ժամանակ այս մասին հայտարարեց նախաձեռնության համակարգող Ավետիք Չալաբյանը։Ըստ նրա` Արցախում ստեղծված հումանիտար ծանր ճգնաժամի պայմաններում «ՀայաՔվեն» առավել արդիական է դառնում։Ֆրանսուա Ռոշբլուան միացել է «ՀայաՔվե» նախաձեռնությանը, այնուհետև հանդիպել ՓաշինյանինՉալաբյանը նշեց, որ անցած շաբաթվա ընթացքում «ՀայաՔվեի» աշխարհագրությունն ընդարձակվել է։ Երևանի վարչական բոլոր շրջաններում ստորագրահավաքը շարունակվել է, բացառությամբ` Նոր Մարաշ և Նուբարաշեն համայնքների, որոնցում մի քանի օրով դադարեցվել է, սակայն շուտով կվերսկսվի։ Մարզերում ևս աշխարհագրությունն ընդլայնվել է` արդեն ընդգրկելով 30-ից ավելի համայնքներ։Նա շեշտեց, որ գործող իշխանությունները շարունակում են հակազդել, ընդ որում` նաև անօրինականմիջոցներով։ Եթե նախորդ շաբաթ հիմնական գործիքը սադրանքն էր, այս շաբաթ, արդեն, ըստ Չալաբյանի, ահաբեկման տեսքով է հակազդեցությունը եղել։«Հանրային ծառայողներին ահաբեկում են, որ չմասնակցեն ստորագրահավաքին, ահաբեկում են, որ նույնիսկ ստորագրությունները հետ վերցնեն։ Ունենք դեպք, որ հանրային 4 ծառայող եկել են և խնդրել ետ վերցնել իրենց ստորագրությունները, որովհետև սպառնում են իրենց աշխատանքից ազատել»,– հայտնեց նախաձեռնության համակարգողը։Նա հավելեց, որ դեպքերն արձանագրված են, և դրանց, ամենայն հավանականությամբ, ընթացք կտրվի։Հիշեցնենք` հունիսի 20-ին հայտնի դարձավ, որ ՀՀ կենտրոնական ընտրական հանձնաժողովը բավարարել է «ՀայաՔվե» նախաձեռնության դիմումը` 50 հազար ստորագրություն հավաքելու և Ազգային ժողով օրենսդրական նախաձեռնություն ներկայացնելու համար։Նախաձեռնության անդամները ցանկանում են հանրաքվեի միջոցով Լեռնային Ղարաբաղի ինքնորոշումից հրաժարվելու և Հայոց ցեղասպանության նշանակությունը նսեմացնելու համար օրենքով խիստ պատիժ նախատեսել։Ստորագրահավաքի համար սահմանվել է 60-օրյա ժամկետ՝ 2023 թվականի հունիսի 21-ից օգոստոսի 19-ը։
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
ավետիք չալաբյան, «ազատ արցախ հայաքվե» նախաձեռնություն, հայաստան, արցախ, ստորագրահավաք
ավետիք չալաբյան, «ազատ արցախ հայաքվե» նախաձեռնություն, հայաստան, արցախ, ստորագրահավաք
Արցախի ճգնաժամի դեմ պայքարելու փոխարեն իշխանությունը «ՀայաՔվեի» դեմ է պայքարում. Չալաբյան
11:31 22.07.2023 (Թարմացված է: 11:37 22.07.2023) Գյուղական բնակավայրերում հաճախ բնակիչներն ավելի բարձր ակտիվություն են ցուցաբերում, քան անգամ խոշոր քաղաքներում։
ԵՐԵՎԱՆ, 22 հուլիսի – Sputnik. Արցախում ստեղծված ծանրագույն իրավիճակը հանգուցալուծելու ուղղությամբ ջանքերն ուղղելու փոխարեն իշխանությունը տարբեր միջոցներով «ՀայաՔվեի» դեմ է պայքարում։ Այսօր հրավիրված ասուլիսի ժամանակ այս մասին հայտարարեց նախաձեռնության համակարգող Ավետիք Չալաբյանը։
«Գործող իշխանությունը պարբերաբար հայտարարում է, որ Ադրբեջանն Արցախի հայ ժողովրդի նոր ցեղասպանություն է պատրաստում, միևնույն ժամանակ հայտարարում է, որ պատրաստ է Արցախը ճանաչել Ադրբեջանի կազմում։ Սա նման է դասական շիզոֆրենիայի։ Այսինքն` գործող իշխանությունը պատրաստ է Արցախը հանձնել Ադրբեջանին, որպեսզի վերջինս ցեղասպանություն իրականացնի»,– նշեց Չալաբյանը։
Ըստ նրա` Արցախում ստեղծված հումանիտար ծանր ճգնաժամի պայմաններում «ՀայաՔվեն» առավել արդիական է դառնում։
Չալաբյանը նշեց, որ անցած շաբաթվա ընթացքում «ՀայաՔվեի» աշխարհագրությունն ընդարձակվել է։ Երևանի վարչական բոլոր շրջաններում ստորագրահավաքը շարունակվել է, բացառությամբ` Նոր Մարաշ և Նուբարաշեն համայնքների, որոնցում մի քանի օրով դադարեցվել է, սակայն շուտով կվերսկսվի։ Մարզերում ևս աշխարհագրությունն ընդլայնվել է` արդեն ընդգրկելով 30-ից ավելի համայնքներ։
«Համայնքների զգալի մասում մենք արդեն աշխատել ենք ոչ միայն համայնքային կենտրոններում, այլև գյուղական բնակավայրերում։ Ուրախալի է այն փաստը, որ գյուղերում ակտիվությունը հաճախ ավելի բարձր է, քան խոշոր քաղաքներում։ Կա տարածված կարծրատիպ, թե գյուղերում հիմնականում գործող իշխանությունների աջակիցներն են, սակայն փորձը ցույց է տալիս, որ թերևս բացառությամբ Տավուշի մարզի որոշ գյուղերի, բոլոր մյուս գյուղերում ավելի մեծ ակտիվություն են ցույց տալիս, քան քաղաքներում»,– նշեց Չալաբյանը։
Նա շեշտեց, որ գործող իշխանությունները շարունակում են հակազդել, ընդ որում` նաև անօրինականմիջոցներով։ Եթե նախորդ շաբաթ հիմնական գործիքը սադրանքն էր, այս շաբաթ, արդեն, ըստ Չալաբյանի, ահաբեկման տեսքով է հակազդեցությունը եղել։
«Հանրային ծառայողներին ահաբեկում են, որ չմասնակցեն ստորագրահավաքին, ահաբեկում են, որ նույնիսկ ստորագրությունները հետ վերցնեն։ Ունենք դեպք, որ հանրային 4 ծառայող եկել են և խնդրել ետ վերցնել իրենց ստորագրությունները, որովհետև սպառնում են իրենց աշխատանքից ազատել»,– հայտնեց նախաձեռնության համակարգողը։
Նա հավելեց, որ դեպքերն արձանագրված են, և դրանց, ամենայն հավանականությամբ, ընթացք կտրվի։
Հիշեցնենք` հունիսի 20-ին հայտնի դարձավ, որ ՀՀ կենտրոնական ընտրական հանձնաժողովը
բավարարել է «ՀայաՔվե» նախաձեռնության դիմումը` 50 հազար ստորագրություն հավաքելու և Ազգային ժողով օրենսդրական նախաձեռնություն ներկայացնելու համար։
Նախաձեռնության անդամները
ցանկանում են հանրաքվեի միջոցով Լեռնային Ղարաբաղի ինքնորոշումից հրաժարվելու և Հայոց ցեղասպանության նշանակությունը նսեմացնելու համար օրենքով խիստ պատիժ նախատեսել։
Ստորագրահավաքի համար սահմանվել է 60-օրյա ժամկետ՝ 2023 թվականի հունիսի 21-ից օգոստոսի 19-ը։
