https://arm.sputniknews.ru/20230722/4-mlni-pvokharen-asac-voch-mi-ban-petq-chi-qajlteqi-tsnundy-ev-zinhashmandamneri-ognutjuny-63318545.html

4 մլն–ի փոխարեն ասաց` ոչ մի բան պետք չէ. «ՔայլՏեքի» ծնունդը և զինհաշմանդամների օգնությունը

4 մլն–ի փոխարեն ասաց` ոչ մի բան պետք չէ. «ՔայլՏեքի» ծնունդը և զինհաշմանդամների օգնությունը

Sputnik Արմենիա

Հայկական ընկերության սարքերով այժմ հետաքրքրված են Ռուսաստանը, Վրաստանը,Դուբայը, Հնդկաստանը, Գերմանիան, ԱՄՆ-ը։ 22.07.2023, Sputnik Արմենիա

2023-07-22T17:20+0400

2023-07-22T17:20+0400

2023-07-24T17:39+0400

հաշմանդամ

զինծառայող

սարք

արցախյան պատերազմ

քայլտեք

https://cdn.am.sputniknews.ru/img/07e7/07/15/63306111_0:83:1600:983_1920x0_80_0_0_8c89de8581d87160cc000061551ece1f.jpg

Ջերմուկի Գնդեվազ գյուղում մանկավարժների ընտանիքում ծնված Դավիթ Արսենյանը երեք համալսարաններից 2–ում ուսումը կիսատ թողեց ու դարձավ կինեզիոլոգ։ Քառօրյա պատերազմից հետո աշխատելով զինհաշմանդամների հետ` հասկացավ, որ տարվա մեջ 2 անգամ պետպատվերի շրջանակում տրվող վերականգնողական բուժումն իրեն չի արդարացնում, ինչ դրական արդյունքի հասնում են, ամիսներ անց ջուրն է ընկնում, և հաջորդ վերականգնողական բուժման ընթացքում շատ խնդիրներ են առաջանում, ուստի այլ մոտեցում է պետք։ Այսպես ծնվեց «ՔայլՏեքը»։Այժմ հայկական արտադրության կանգնակը, կանգնակ-սայլակը, քայլաբերը և անվասայլակի էլեկտրական կցորդիչը թե՛ մասնագետների, թե՛ շահառուների ու նրանց ընտանիքների համար փրկօղակ են։ Սարքերը շահառուներին են տրամադրվում պետպատվերի շրջանակներում։Բայց մինչ սարքերը կհասնեն շահառուներին, Դավիթը սեփական երեխաների ծնունդի նման հիշում է յուրաքանչյուրի ստեղծման պատմությունը։Սկզբում ստեղծվել է կանգնակը, որի միջոցով հաշմանդամություն ունեցող անձը կարողանում էր կանգնել։ Այնուհետև` քայլաբերը, որը ստեղծում է քայլքի իմիտացիա. արդյունքում հաշմանդամություն ունեցող անձն ունենոմ է որոշակի ինքնուրույնություն` օգտագործելով ձեռքերն ու ոտքերը։Խոսելով էլեկտրական կցորդիչի մասին, որը յուրաքանչյուր անվասայլակ դարձնում է էլեկտրական կառավարվող` Դավիթը հուզվում է։Էլեկտրական կցորդիչը ստեղծելուց հետո, մի անգամ զինհաշմանդամների հետ զրույցում, Դավիթը հարցնում է, թե ինչից են ամենից շատ նեղվում, տղերքից մեկը պատասխանում է. «Տես` մենք խոսում ենք, դու կանգնած ես, մենք` նստած, այդ դիրքը` միշտ ներքևից նայելու, ճնշում է»։Ժպիտով ասում է` կանգնակ– սայլակը ստեղծել են, որ զինհաշմանդամները մյուսների հետ հավասարը–հավասարի խոսեն։Դավիթը վերհիշում է, որ ամենասկզբում` 2016 թվականին, ամենամեծ խնդիրն իր համար լավ ինժեներ գտնելն էր։«Ինժեներ էի ման գալիս, ում առաջարկում էի կա՛մ չէին հասկանում` ինչ գաղափարներ ունեմ, կա՛մ այնպիսի գներ էին ուզում, որ չէի կարող տալ։ Բարեկամներիցս մեկն ասաց` Բյուրեղաանում շատ լավ ինժեներ կա, գնա իր մոտ։ Սկզբում թերահավատորեն էի մոտենում, հետո որոշեցի գնալ, որ զուտ հարազատիս չնեղացնեմ։ Վոլոդյային ներկայացրի կանգնակ–սայլակի գաղափարը` որ այ պետք է նստած տեղից կանգնի, պառկի, մեքենայով տեղափոխման համար էլ պրակտիկ լինի` ծալվող: Ասաց` ինձ 2 օր ժամանակ տուր, կզանգեմ կասեմ` կկարողանամ, թե ոչ։ Մեկ շաբաթ հետո զանգեց, ասաց` կարող եմ անել, արի ասեմ` ինչպես»,–պատմում է Դավիթը։Ճանապարհին մտածել է, որ հիմա միայն նախագծման համար մի 2 մլն դրամ կուզի, երևի ևս 2 մլն դրամ էլ առաջին մոդելը պատրաստելու համար` որտեղից է այդքան գումար գտնելու։Հետո հիշում է` ինչպես է Վոլոդյա պապիկին վախվխելով հարցրել, թե իր աշխատանքն ինչ կարժենա ու լսել անսպասելի պատասխանը` «ոչ մի բան»։«Մտածում եմ` երևի հարցը չհասկացավ, նորից հարցնում, թե ինչ կարժենա, Վոլոդյան բարկանում է, ասում է` մի հատ էլ գումարի մասին խոսես, ոչ մի բան չեմ անի... Կանգնակ– սայլակի առաջին մոդելը ստացանք, ու դրանից հետո սկսկվեց ակտիվ արտադրությունը»,–ասում է Դավիթը։Այժմ նա Վոլոդյայից արտադրամասը վարձակալությամբ է վերցրել, նրան ու իր թիմին էլ աշխատանքի վերցնել։ Արտադրամասում գրեթե բոլորը պապիկներ են` իրենց գործի գիտակ ու անսահման նվիրումով աշխատող։ Ու այդպես, Բյուրեղավանի «ցեխը» դարձավ «ՔայլՏեքի» արտադրամաս։Հայաստանը Դավիթը չի դիտարկում որպես բիզնեսի զարգացման շուկա։ Ասում է` մեր երկիրը կարող է շատ լավ միջավայր լինել աշխարհը գրավելու համար։ Ընկերության սարքերով հետաքրքրված են Ռուսաստանը, Վրաստանը,Դուբայը, Հնդկաստանը, Գերմանիան, ԱՄՆ–ն։«Ռուսաստանում արդեն հստակ գործողություններ անում ենք, երկու սարք պետք է ուղարկենք վաճառքի։ Սեպտեմբեր–հոկտեմբեր ամիսներին հույս ունենք` լիցենզիան կլինի։ Այս պահին պատվերներ կան ՌԴ-ից, Դուբայից և Հնդկաստանից»,–ասում է Դավիթը։ Նա միտք ունի ոչ թե սարքերն արտահանել, այլ տարբեր երկրներում հիմնել արտադրամասեր։«Եթե Հնդկաստանում հնարավոր լինի ունենալ արտադրամաս, մի քանի անգամ էժան արտադրանք կստանանք, քանի որ Հնդկաստանում աշխատուժն ու հումքը էժան է, բացի այդ շուկան է շատ մեծ է»,–ասում է նա։«Բայց 90-ականների կամ 2000-ականների ողնուղեղով վնասվածքների համար այս սարքերն արդեն ուշացած են, քանի որ իրենք շատ երկար ժամանակ են նստել ու արդեն իսկ առաջացել են հոդերի դեֆորմացիաներ (կոնտրակտուրաներ), երբ հոդը ավել չի բացվում, իրենց հակացուցված է։ Սարքերի նշանակման համար պարտադիր է վերականգնողաբանի կամ նյարդաբանի ցուցումը»,–ասում է նա։Դավիթի խոսքով` լինում են նաև դեպքեր, որ այն մարդիկ, որոնք իսկապես սարքերի կարիքն ունեն բժշկասոցիալական փորձաքննության (ԲՍՓ)հանձնաժողովը մերժում է, քանի որ սարքերը նոր են և քիչ ինֆորմացիա կա դրանց մասին։ Բայց նրանք այդ ուղղությամբ ևս աշխատում են` մարզերում իրազեկման աշխատանքներ կատարելով։Դավիթի հիմնական երազանք–նպատակը երբեմնի արտադրական Հայաստանի վերածնունդը տեսնելն է։ Վաղը մեկնարկող «Սևան ստարտափ Սամմիթ»-ը ևս մի հնարավորություն է այդ երազանքի իրագործման ճանապարհին։Դավիթը միջոցառմանը ներկայացնելու է գրեթե բոլոր սարքերը` դրանց մանկական տարբերակներով։Բացի այդ լինելու է նաև հատուկ մրցույթ, որտեղ «MetaGait» սարքի միջոցով հաշմանդամություն ունեցող տղաները դահուկներով վիրտուալ մրցելու են։«Ես հավատում եմ, որ ամեն բարի գործ (օգնել է «Նաիրի Ինշուրանսը») մեզ վերադառնում է որպես օրհնություն, որի համար շատ շնորհակալ ենք։ Մրցույթից հետո միտք ունենք ստեղծել հաշմանդամային կիբեռսպորտ։ Աշխարհի յուրաքանչյուր կետում գտնվող հաշմանդամություն ունեցող անձինք, որոնք կունենան մեր սարքերից, կարող են իրար հետ զբոսնել Հայաստանի պատմամշակութային վայրերով, իրար հետ մրցել, կլինի հարթակ, որտեղ կշփվեն, իրար կճանաչեն»,–ասում է Դավիթը։Նա հիշեցնում է, որ այս ամենը մի ամբողջ վերականգնողական ծրագիր է` թե՛ նյարդային, թե՛ հենաշարժողական համակարգի։ Դա կհիշեցնի «Ավատար» ֆիլմը, որի հերոսը պառկում է կապսուլայի մեջ ու մտովի կառավարում իր հերոսին։ Այստեղ ի տարբերություն և ի առավելություն «Ավատարի», հաշմանդամություն ունեցող անձն իր մարմնի բոլոր շարժումներով և մտքով կղեկավարի սարքը։Ավելի մանրամասն Sputnik Արմենիան կներկայացնի մրցույթից հետո։

2023

Լուրեր

am_HY

բյուրեղավան ցեխը «քայլտեք» արտադրամաս զինհաշմանդամ փրկօղակ սարք