https://arm.sputniknews.ru/20230721/alashkerty-mrcakci-harki-tak-jakhjakhec-arsenal-tivatin-63269195.html
«Ալաշկերտը» մրցակցի հարկի տակ ջախջախեց «Արսենալ-Տիվատին»
«Ալաշկերտը» մրցակցի հարկի տակ ջախջախեց «Արսենալ-Տիվատին»
Sputnik Արմենիա
«Ալաշկերտը» բոլոր հնարավորությունները ուներ Կոնֆերենցիաների լիգայի որակավորման երկրորդ փուլ դուրս գալու համար։ Առաջին խաղում գրանցված 1։1 հաշիվը դեռ ոչինչ չէր... 21.07.2023, Sputnik Արմենիա
2023-07-21T00:35+0400
2023-07-21T00:35+0400
2023-07-21T00:39+0400
հայաստան
«ալաշկերտ» ֆուտբոլային ակումբ
ֆուտբոլ
հաղթանակ
սպորտ
https://cdn.am.sputniknews.ru/img/07e7/07/15/63269014_0:0:1600:900_1920x0_80_0_0_ecc5d8d9903edbf77c0be366839de707.jpg
ԵՐԵՎԱՆ, 21 հուլիսի – Sputnik, Խաչիկ Չախոյան. «Ալաշկերտը» Ագդոն Մենեզեսի հեթ–տրիկի, Յեիսոն Ռասինեսի, Սերոբ Գրիգորյանի և Լևանի Կուտալիայի գոլերի շնորհիվ 6։1 հաշվով արտագնա հաղթանակ տարավ Չեռնոգորիայի «Արսենալ-Տիվատի» նկատմամբ ու, դիմակայությունում հաղթելով 7։2 հաշվով, շարունակում է իր ելույթները Կոնֆերենցիաների լիգայում։Խաղն ընթանում էր շատ համառ ու անզիջում պայքարում։ Մրցող կողմերը շատ լավ հասկանում էին, որ սխալվելը կարող է վճռորոշ լինել։ Ու նման պայմաններում շատ կարևոր էր, որ «Ալաշկերտը» կտրուկ հակագրոհի միջոցով կարողացավ բացել խաղի հաշիվը։ Ռոբինսոն Ֆլորեսը խաղադաշտի կենտրոնից շատ լավ փոխանցումով գնդակն ուղարկեց դեպի Ագդոն Մենեզեսը, և «Ալաշկերտի» հարձակվողը, առաջ շարժվելով, շատ լավ գնահատեց մրցակցի դարպասապահի դիրքն ու դիպուկ հարվածով գրավեց «Արսենալ-Տիվատի» դարպասը։ Քիչ անց «Ալաշկերտը» կարող էր և զարգացնել հաջողությունը, բայց մոտ տարածությունից մեր ֆուտբոլիստը հարվածեց ուղիղ դարպասապահի վրա։«Փյունիկը» խոշոր հաշվով հաղթեց և դուրս եկավ Կոնֆերենցիաների լիգայի հաջորդ փուլԱյդուհանդերձ, մինչև ընդմիջումը «Ալաշկերտին» հաջողվեց կրկնապատկել իր առավելությունը։ Հերթական անգամ հետևեց խորքից փոխանցում դեպի Ագդոն Մենեզեսը, և մեր թիմի հարձակվողը, վարպետորեն շրջանցելով պաշտպանին, դիպուկ հարվածով ապահովեց «Ալաշկերտի» հերթական հաջողությունը այս խաղում։ Խաղում և դիմակայությունում հաղթական այս հաշվով թիմերը գնացին ընդմիջման։Երկրորդ խաղակեսի սկզբում Ագդոն Մենեզեսը, դառնալով հեթ-տրիկի հեղինակ, միանշանակ դարձավ հանդիպման ու «Ալաշկերտի» հերոսը։ Դավիթ Խուրցիձեի փոխանցումից հետո հարձակվողը երրորդ անգամ ստիպեց դաշտի տերերին խաղը վերսկսել կենտրոնից` միևնույն ժամանակ պատասխան տալով հաղթողի հետ կապված բոլոր հարցերին։ Ճիշտ է` Բոբան Ջորջևիչը կարողացավ կրճատել հաշվի տարբերությունը՝ 1։3, բայց հետևեց Ռասինեսի դիպուկ հարվածը, և մերոնք էլի հաղթում էին 3 գնդակի տարբերությամբ, ու նորից գոլային փոխանցումը կատարեց Դավիթ Խուրցիձեն։ Իսկ հետո «Ալաշկերտն» արդեն անում էր այն, ինչ ուզում էր, ու Սերոբ Գրիգորյանը ու Լևանի Կուտալիայի գոլերը դրա վկայությունն են։ Ջախջախիչ հաղթանակ։Կոնֆերենցիաների լիգայի որակավորման երկրորդ փուլում «Ալաշկերտը» մրցելու է հունգարական «Դեբրեցենի» հետ։ Առաջին խաղը տեղի կունենա Հայաստանում հուլիսի 27-ին, իսկ պատասխան խաղը` Հունաստանում օգոստոսի 3-ին։Շախմատի միջազգային օրվան նվիրված մրցաշար Երևանում. ո՞վ հաղթեց
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, видео, «ալաշկերտ» ֆուտբոլային ակումբ, ֆուտբոլ, հաղթանակ, սպորտ
հայաստան, видео, «ալաշկերտ» ֆուտբոլային ակումբ, ֆուտբոլ, հաղթանակ, սպորտ
«Ալաշկերտը» մրցակցի հարկի տակ ջախջախեց «Արսենալ-Տիվատին»
00:35 21.07.2023 (Թարմացված է: 00:39 21.07.2023) «Ալաշկերտը» բոլոր հնարավորությունները ուներ Կոնֆերենցիաների լիգայի որակավորման երկրորդ փուլ դուրս գալու համար։ Առաջին խաղում գրանցված 1։1 հաշիվը դեռ ոչինչ չէր նշանակում «Արսենալ-Տիվատի» հետ դիմակայությունում։ Բայց հաջորդ փուլ դուրս գալու համար հաղթանակ էր հարկավոր։
ԵՐԵՎԱՆ, 21 հուլիսի – Sputnik, Խաչիկ Չախոյան. «Ալաշկերտը» Ագդոն Մենեզեսի հեթ–տրիկի, Յեիսոն Ռասինեսի, Սերոբ Գրիգորյանի և Լևանի Կուտալիայի գոլերի շնորհիվ 6։1 հաշվով արտագնա հաղթանակ տարավ Չեռնոգորիայի «Արսենալ-Տիվատի» նկատմամբ ու, դիմակայությունում հաղթելով 7։2 հաշվով, շարունակում է իր ելույթները Կոնֆերենցիաների լիգայում։
Խաղն ընթանում էր շատ համառ ու անզիջում պայքարում։ Մրցող կողմերը շատ լավ հասկանում էին, որ սխալվելը կարող է վճռորոշ լինել։ Ու նման պայմաններում շատ կարևոր էր, որ «Ալաշկերտը» կտրուկ հակագրոհի միջոցով կարողացավ բացել խաղի հաշիվը։ Ռոբինսոն Ֆլորեսը խաղադաշտի կենտրոնից շատ լավ փոխանցումով գնդակն ուղարկեց դեպի Ագդոն Մենեզեսը, և «Ալաշկերտի» հարձակվողը, առաջ շարժվելով, շատ լավ գնահատեց մրցակցի դարպասապահի դիրքն ու դիպուկ հարվածով գրավեց «Արսենալ-Տիվատի» դարպասը։ Քիչ անց «Ալաշկերտը» կարող էր և զարգացնել հաջողությունը, բայց մոտ տարածությունից մեր ֆուտբոլիստը հարվածեց ուղիղ դարպասապահի վրա։
Այդուհանդերձ, մինչև ընդմիջումը «Ալաշկերտին» հաջողվեց կրկնապատկել իր առավելությունը։ Հերթական անգամ հետևեց խորքից փոխանցում դեպի Ագդոն Մենեզեսը, և մեր թիմի հարձակվողը, վարպետորեն շրջանցելով պաշտպանին, դիպուկ հարվածով ապահովեց «Ալաշկերտի» հերթական հաջողությունը այս խաղում։ Խաղում և դիմակայությունում հաղթական այս հաշվով թիմերը գնացին ընդմիջման։
Երկրորդ խաղակեսի սկզբում Ագդոն Մենեզեսը, դառնալով հեթ-տրիկի հեղինակ, միանշանակ դարձավ հանդիպման ու «Ալաշկերտի» հերոսը։ Դավիթ Խուրցիձեի փոխանցումից հետո հարձակվողը երրորդ անգամ ստիպեց դաշտի տերերին խաղը վերսկսել կենտրոնից` միևնույն ժամանակ պատասխան տալով հաղթողի հետ կապված բոլոր հարցերին։ Ճիշտ է` Բոբան Ջորջևիչը կարողացավ կրճատել հաշվի տարբերությունը՝ 1։3, բայց հետևեց Ռասինեսի դիպուկ հարվածը, և մերոնք էլի հաղթում էին 3 գնդակի տարբերությամբ, ու նորից գոլային փոխանցումը կատարեց Դավիթ Խուրցիձեն։ Իսկ հետո «Ալաշկերտն» արդեն անում էր այն, ինչ ուզում էր, ու Սերոբ Գրիգորյանը ու Լևանի Կուտալիայի գոլերը դրա վկայությունն են։ Ջախջախիչ հաղթանակ։
Կոնֆերենցիաների լիգայի որակավորման երկրորդ փուլում «Ալաշկերտը» մրցելու է հունգարական «Դեբրեցենի» հետ։ Առաջին խաղը տեղի կունենա Հայաստանում հուլիսի 27-ին, իսկ պատասխան խաղը` Հունաստանում օգոստոսի 3-ին։
