https://arm.sputniknews.ru/20230720/pjuniky-khvoshvor-hashvvov-haghtec-ev-durs-ekav-kvonferencianeri-ligaji-hajvord-pul-63260907.html
«Փյունիկը» խոշոր հաշվով հաղթեց և դուրս եկավ Կոնֆերենցիաների լիգայի հաջորդ փուլ
«Փյունիկը» խոշոր հաշվով հաղթեց և դուրս եկավ Կոնֆերենցիաների լիգայի հաջորդ փուլ
Sputnik Արմենիա
Կոնֆերենցիաների լիգայի որակավորման առաջին փուլի առաջին խաղում «Փյունիկը» գերազանցում էր էստոնական «Նարվա- Տրանսին» խաղային բազմաթիվ գործոններով, և սեփական... 20.07.2023, Sputnik Արմենիա
2023-07-20T21:27+0400
2023-07-20T21:27+0400
2023-07-20T21:35+0400
հայաստան
փյունիկ
ֆուտբոլ
սպորտ
էստոնիա
https://cdn.am.sputniknews.ru/img/07e7/07/14/63260372_0:148:1600:1049_1920x0_80_0_0_3d492e655437d2554db40e319c912098.jpg
ԵՐԵՎԱՆ, 20 հուլիսի – Sputnik, Խաչիկ Չախոյան. Կոնֆերենցիաների լիգայում Հայաստանի փոխչեմպիոն «Փյունիկը» պատասխան խաղում 3։0 հաշվով առավելության հասավ էստոնական «Նարվա-Տրանսի» նկատմամբ և երկու խաղերի արդյունքում հաղթեց 5։0 հաշվով։Քաղաքական պատճառներով «Փյունիկի» ռուս ֆուտբոլիստ Միխայիլ Կովալենկոն Էստոնիայի մուտքի վիզա չէր ստացել, բայց դա չխանգարեց մեր փոխչեմպիոնին արդեն խաղի մեկնարկում ապացուցել, որ ֆավորիտը այս խաղում և դիմակայությունում «Փյունիկն» է։Էդգար Մալաքյանի փոխանցումից հետո Ժունինյոն գլխի հարվածով դարձավ գոլի հեղինակ։ Այն արդյունքին, որ «Փյունիկը» հասել էր երևանյան խաղի ամբողջ ընթացքում, Էստոնիայում հասավ 14 րոպեի ընթացքում և դիմակայությունում արդեն հաղթում էր 4։0 հաշվով։«Փյունիկի» երկու գոլերից հետո խաղը «հանգստացավ»։ Ճիշտ է` մերոնք ավելի շատ էին տիրում գնդակին, բայց արդեն ավելորդ ռիսկի դիմելու կամ շատ արագ գրոհներ զարգացնելու ո՛չ պատճառ կար, ո՛չ էլ իմաստ։ Հայաստանի փոխչեմպիոնը հաղթում էր ու իր թիմային խաղի մակարդակով և առանձին ֆուտբոլիստների վարպետությամբ զգալիորեն գերազանցում մրցակցին։ Թիմերը ընդմիջման գնացին` կարծես թե գիտակցելով, թե ով է հաղթել այս խաղում և դիմակայությունում։Նյարդերի կռիվ լրացուցիչ ժամանակում. «Ուրարտուն» հաղթեց «Զրինսկիին», բայց դուրս մնաց ՉԼ–իցԵվ իրոք խաղում ոչինչ չփոխվեց։ «Փյունիկն» առավելություն ուներ ու շատ հանգիստ իր առավելությունը հաշվի մեջ զարգացրեց։ Դավիթ Դավիդյանի փոխանցումից հետո Լուկա Յուրիչիչը հաշիվը դարձրեց 3։0 «Փյունիկի» օգտին` դառնալով թիմի կազմում եվրագավաթների լավագույն ռմբարկու։ Խաղի ու դիմակայության ելքը վճռված էր, մնում էր արձանագրել, թե ինչ հաշվով է հաղթելու «Փյունիկը»։Կոնֆերենցիաների լիգայի որակավորման երկրորդ փուլում «Փյունիկի» մրցակիցը լինելու է Շվեդիայի ներկայացուցիչ «Կալմարը»։ Առաջին հանդիպումը կայանալու է մրցակցի հարկի տակ հուլիսի 27-ին, իսկ պատասխան խաղը Հայաստանում՝ օգոստոսի 3-ին։
էստոնիա
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, փյունիկ, ֆուտբոլ, սպորտ , էստոնիա
հայաստան, փյունիկ, ֆուտբոլ, սպորտ , էստոնիա
«Փյունիկը» խոշոր հաշվով հաղթեց և դուրս եկավ Կոնֆերենցիաների լիգայի հաջորդ փուլ
21:27 20.07.2023 (Թարմացված է: 21:35 20.07.2023) Կոնֆերենցիաների լիգայի որակավորման առաջին փուլի առաջին խաղում «Փյունիկը» գերազանցում էր էստոնական «Նարվա- Տրանսին» խաղային բազմաթիվ գործոններով, և սեփական հարկի տակ 2։0 հաշվով հաղթանակն էլ Հայաստանի փոխչեմպիոնին ֆավորիտ էր դարձրել այս դիմակայությունում։
ԵՐԵՎԱՆ, 20 հուլիսի – Sputnik, Խաչիկ Չախոյան. Կոնֆերենցիաների լիգայում Հայաստանի փոխչեմպիոն «Փյունիկը» պատասխան խաղում 3։0 հաշվով առավելության հասավ էստոնական «Նարվա-Տրանսի» նկատմամբ և երկու խաղերի արդյունքում հաղթեց 5։0 հաշվով։
Քաղաքական պատճառներով «Փյունիկի» ռուս ֆուտբոլիստ Միխայիլ Կովալենկոն
Էստոնիայի մուտքի վիզա չէր ստացել, բայց դա չխանգարեց մեր փոխչեմպիոնին արդեն խաղի մեկնարկում ապացուցել, որ ֆավորիտը այս խաղում և դիմակայությունում «Փյունիկն» է։
Հանդիպման 8-րդ րոպեին մաքուր «հայկական» գոլ խփելով` մեր թիմը հաշվի մեջ առաջ անցավ արտագնա խաղում։ Էդգար Մալաքյան–Հովհաննես Հարությունյան–Արտակ Դաշյան կոմբինացիան ավարտվեց վերջինիս դիպուկ հարվածով։ Արագ գոլը իր նշանակությունն ունեցավ խաղի հետագա ընթացքի վրա։ Հայկական ակումբը ստանդարտի խաղարկումից հետո կրկնապատկեց իր առավելությունը։
Էդգար Մալաքյանի փոխանցումից հետո Ժունինյոն գլխի հարվածով դարձավ գոլի հեղինակ։ Այն արդյունքին, որ «Փյունիկը» հասել էր երևանյան խաղի ամբողջ ընթացքում, Էստոնիայում հասավ 14 րոպեի ընթացքում և դիմակայությունում արդեն հաղթում էր 4։0 հաշվով։
«Փյունիկի» երկու գոլերից հետո խաղը «հանգստացավ»։ Ճիշտ է` մերոնք ավելի շատ էին տիրում գնդակին, բայց արդեն ավելորդ ռիսկի դիմելու կամ շատ արագ գրոհներ զարգացնելու ո՛չ պատճառ կար, ո՛չ էլ իմաստ։ Հայաստանի փոխչեմպիոնը հաղթում էր ու իր թիմային խաղի մակարդակով և առանձին ֆուտբոլիստների վարպետությամբ զգալիորեն գերազանցում մրցակցին։ Թիմերը ընդմիջման գնացին` կարծես թե գիտակցելով, թե ով է հաղթել այս խաղում և դիմակայությունում։
Եվ իրոք խաղում ոչինչ չփոխվեց։ «Փյունիկն» առավելություն ուներ ու շատ հանգիստ իր առավելությունը հաշվի մեջ զարգացրեց։ Դավիթ Դավիդյանի փոխանցումից հետո Լուկա Յուրիչիչը հաշիվը դարձրեց 3։0 «Փյունիկի» օգտին` դառնալով թիմի կազմում եվրագավաթների լավագույն ռմբարկու։ Խաղի ու դիմակայության ելքը վճռված էր, մնում էր արձանագրել, թե ինչ հաշվով է հաղթելու «Փյունիկը»։
Լևոն Վարդանյանը կարող էր նոր փոփոխություն մտցնել հաշվի մեջ, բայց երիտասարդ ֆուտբոլիստը չիրացրեց 11–մետրանոց հարվածը։ «Փյունիկը» հաղթեց 3։0 հաշվով։
Կոնֆերենցիաների լիգայի որակավորման երկրորդ փուլում «Փյունիկի» մրցակիցը լինելու է Շվեդիայի ներկայացուցիչ «Կալմարը»։ Առաջին հանդիպումը կայանալու է մրցակցի հարկի տակ հուլիսի 27-ին, իսկ պատասխան խաղը Հայաստանում՝ օգոստոսի 3-ին։
