https://arm.sputniknews.ru/20230720/intensiv-u-tvajin-karavarmamb-ajginer-karavarutjuny-kajakci-nerdrvoghnerin-63189511.html
Ինտենսիվ ու թվային կառավարմամբ այգիներ. կառավարությունը կաջակցի ներդրողներին
Ինտենսիվ ու թվային կառավարմամբ այգիներ. կառավարությունը կաջակցի ներդրողներին
Sputnik Արմենիա
Էկոնոմիկայի նախարարը հայտնեց, որ «Ենթակառուցվածքներ ներդրումների դիմաց» միջոցառմանը դիմած հայտերը շուրջ 25 մլրդ դրամի ներդրումային ծրագրեր են ենթադրում։ Դրանք... 20.07.2023, Sputnik Արմենիա
2023-07-20T11:40+0400
2023-07-20T11:40+0400
2023-07-20T12:15+0400
այգի
հհ կառավարություն
վահան քերոբյան
ոռոգում
ոռոգման ջուր
https://cdn.am.sputniknews.ru/img/07e5/08/0a/28629121_0:0:1600:901_1920x0_80_0_0_ae535fe791db1178665fbb931aa9886d.jpg
ԵՐԵՎԱՆ, 20 հուլիսի – Sputnik. «Յու Էմ Ագրո» սահմանափակ պատասխանատվությամբ ընկերությունը Արմավիրի մարզի Բաղրամյան համայնքի Բագարան և Երվանդաշատ գյուղերում 2088 հա գյուղատնտեսական նշանակության հողամասերում նախատեսում է հիմնել նուշի ինտենսիվ և խոշոր ֆերմերային տնտեսություն։Ներդրումային ծրագրի առաջին փուլում նախատեսվում է իրականացնել 1.5 մլրդ ՀՀ դրամի ներդրում, հաջորդ փուլերի ընթացքում՝ ևս 500 մլն ՀՀ դրամի։Ինտենսիվ այգիների զարգացման ծրագրից օգտվելով` պետությունից հափշտակել են 50 մլն դրամԾրագրի իրականացման առաջին տարում ստեղծվելու են 15 հիմնական և 20 սեզոնային աշխատատեղեր։ Իսկ հինգերորդ տարում նախատեսվում է աշխատատեղերի քանակը հասցնել 35 հիմնականի և 40 սեզոնայինի։Աշխատողների միջին ամսական աշխատավարձը նախատեսվում է 200 հազար դրամ։Ներդրումային ծրագրի դիմաց ՀՀ կառավարությունը «Ենթակառուցվածքներ ներդրումների դիմաց» միջոցառման ծրագրով պետական բյուջեից կհատկացնի 257.4 մլն դրամ` ենթակառուցվածքի կառուցման համար։Մեկ այլ որոշմամբ էլ գործադիրը «Ենթակառուցվածքներ ներդրումների դիմաց» միջոցառման շրջանակներում ինտենսիվ այգիներ հիմնող «Ագրոպրո» փակ բաժնետիրական ընկերությանը կաջակցի 1.5 կմ ճանապարհ ասֆալտապատելով, բջջային կապ տրամադրելով, ոռոգման ու խմելու ջրի ջրագծեր կառուցելով, էլեկտրամատակարարում ապահովելով։ Այդ նպատակով ՀՀ պետական բյուջեից հատկացվելու է 388.1 մլն դրամ։Փոխարենը «Ագրոպրո» ՓԲԸ–ն նախատեսում է շուրջ 90 հա հողամասի վրա հիմնել 75 հա սուպերինտենսիվ պտղատու այգի՝ մեկ հեկտար հողակտորի վրա տնկելով շուրջ 2 000 ծառ: Այգու ոռոգումը կատարվելու է կաթիլային համակարգով, որը սնուցվելու է այգու համար կառուցված շուրջ 17 000 խորանարդ մետր ջրավազանից:Ծրագրի արդյունքում ստեղծվելու է շուրջ 60 մշտական և 450 սեզոնային աշխատատեղ։ Միջին աշխատավարձը մշտական աշխատողների համար կազմելու է ամսական շուրջ 300,000 ՀՀ դրամ:Այգուց ակնկալվող տարեկան եկամուտը լիարժեք բերքատվության ժամանակ կազմելու է շուրջ 1 մլրդ ՀՀ դրամ: Շահութաբերության ներքին նորմը կազմելու է շուրջ 35 տոկոս:2023թ-ից Հայաստանում կկրճատվի ինտենսիվ այգիներին տրվող սուբսիդավորման չափըՀարցի քննարկման ժամանակ Էկոնոմիկայի նախարարը հայտնեց, որ «Ենթակառուցվածքներ ներդրումների դիմաց» միջոցառմանը դիմած հայտերը շուրջ 25 մլրդ դրամի ներդրումային ծրագրեր են ենթադրում։ Դրանք ևս առաջիկայում կներկայացվեն կառավարության հաստատմանը։
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
այգի, հհ կառավարություն, վահան քերոբյան, ոռոգում, ոռոգման ջուր
այգի, հհ կառավարություն, վահան քերոբյան, ոռոգում, ոռոգման ջուր
Ինտենսիվ ու թվային կառավարմամբ այգիներ. կառավարությունը կաջակցի ներդրողներին
11:40 20.07.2023 (Թարմացված է: 12:15 20.07.2023) Էկոնոմիկայի նախարարը հայտնեց, որ «Ենթակառուցվածքներ ներդրումների դիմաց» միջոցառմանը դիմած հայտերը շուրջ 25 մլրդ դրամի ներդրումային ծրագրեր են ենթադրում։ Դրանք ևս առաջիկայում կներկայացվեն կառավարության հաստատմանը։
ԵՐԵՎԱՆ, 20 հուլիսի – Sputnik. «Յու Էմ Ագրո» սահմանափակ պատասխանատվությամբ ընկերությունը Արմավիրի մարզի Բաղրամյան համայնքի Բագարան և Երվանդաշատ գյուղերում 2088 հա գյուղատնտեսական նշանակության հողամասերում նախատեսում է հիմնել նուշի ինտենսիվ և խոշոր ֆերմերային տնտեսություն։
Ներդրումային ծրագրի առաջին փուլում նախատեսվում է իրականացնել 1.5 մլրդ ՀՀ դրամի ներդրում, հաջորդ փուլերի ընթացքում՝ ևս 500 մլն ՀՀ դրամի։
Ծրագրի իրականացման առաջին տարում ստեղծվելու են 15 հիմնական և 20 սեզոնային աշխատատեղեր։ Իսկ հինգերորդ տարում նախատեսվում է աշխատատեղերի քանակը հասցնել 35 հիմնականի և 40 սեզոնայինի։
Աշխատողների միջին ամսական աշխատավարձը նախատեսվում է 200 հազար դրամ։
Ներդրումային ծրագրի դիմաց ՀՀ կառավարությունը «Ենթակառուցվածքներ ներդրումների դիմաց» միջոցառման ծրագրով պետական բյուջեից կհատկացնի 257.4 մլն դրամ` ենթակառուցվածքի կառուցման համար։
«257.4 մլն դրամի ներքո կառավարությունը կտրամադրի ոռոգման ջրագիծ և պոմպակայան»,– կառավարության այսօրվա նիստում ներկայացնելով որոշման նախագիծը` ասաց ՀՀ էկոնոմիկայի նախարար Վահան Քերոբյանը։
Մեկ այլ որոշմամբ էլ գործադիրը «Ենթակառուցվածքներ ներդրումների դիմաց» միջոցառման շրջանակներում ինտենսիվ այգիներ հիմնող «Ագրոպրո» փակ բաժնետիրական ընկերությանը կաջակցի 1.5 կմ ճանապարհ ասֆալտապատելով, բջջային կապ տրամադրելով, ոռոգման ու խմելու ջրի ջրագծեր կառուցելով, էլեկտրամատակարարում ապահովելով։ Այդ նպատակով ՀՀ պետական բյուջեից հատկացվելու է 388.1 մլն դրամ։
Փոխարենը «Ագրոպրո» ՓԲԸ–ն նախատեսում է շուրջ 90 հա հողամասի վրա հիմնել 75 հա սուպերինտենսիվ պտղատու այգի՝ մեկ հեկտար հողակտորի վրա տնկելով շուրջ 2 000 ծառ: Այգու ոռոգումը կատարվելու է կաթիլային համակարգով, որը սնուցվելու է այգու համար կառուցված շուրջ 17 000 խորանարդ մետր ջրավազանից:
Այգին հագեցած է լինելու գերժամանակակից գյուղատնտեսական սարքավորումներով և գյուղտեխնիկայով: Այգու ամբողջական կառավարումը լինելու է թվայնացված, օգտագործվելու է GPS համակարգից օգտվող, ինչպես նաև ինքնակառավարվող տեխնիկա:
Ծրագրի արդյունքում ստեղծվելու է շուրջ 60 մշտական և 450 սեզոնային աշխատատեղ։ Միջին աշխատավարձը մշտական աշխատողների համար կազմելու է ամսական շուրջ 300,000 ՀՀ դրամ:
Այգուց ակնկալվող տարեկան եկամուտը լիարժեք բերքատվության ժամանակ կազմելու է շուրջ 1 մլրդ ՀՀ դրամ: Շահութաբերության ներքին նորմը կազմելու է շուրջ 35 տոկոս:
Հարցի քննարկման ժամանակ Էկոնոմիկայի նախարարը հայտնեց, որ «Ենթակառուցվածքներ ներդրումների դիմաց» միջոցառմանը դիմած հայտերը շուրջ 25 մլրդ դրամի ներդրումային ծրագրեր են ենթադրում։ Դրանք ևս առաջիկայում կներկայացվեն կառավարության հաստատմանը։
