https://arm.sputniknews.ru/20230720/germanacinern-uzum-en-hajastanum-khaghvoghi-ajgineri-vra-arevajin-vahanakner-pvordzarkel-62968347.html
Գերմանացիներն ուզում են Հայաստանում խաղողի այգիների վրա արևային վահանակներ փորձարկել
Գերմանացիներն ուզում են Հայաստանում խաղողի այգիների վրա արևային վահանակներ փորձարկել
Sputnik Արմենիա
Գերմանացի գիտնականներն ուզում են հասկանալ՝ ինչպես կարգավորումներ անել արևային վահանակների օգնությամբ, որքան արև է ստանում խաղողի այգին, ինչպես նաև՝ ինչպես են... 20.07.2023, Sputnik Արմենիա
2023-07-20T08:55+0400
2023-07-20T08:55+0400
2023-07-20T08:55+0400
խաղող
հայաստան
գերմանիա
գիտնական
փորձարկում
https://cdn.am.sputniknews.ru/img/07e4/09/0c/24436310_0:35:1600:935_1920x0_80_0_0_53f63520f2cf39c7214190125f61b90f.jpg
ԵՐԵՎԱՆ, 20 հուլիսի – Sputnik. Գերմանացի մասնագետները մտադիր են Հայաստանում փորձարկել խաղողի այգիներում արևային վահանակների աշխատանքը։ Տեղեկությունը Sputnik Արմենիային հայտնեց Գերմանիայի Գայզենհայմի համալսարանի գինու միջազգային մարքեթինգի պրոֆեսոր Յոն Հանֆը։Այս դեպքում ավելի ճիշտ է ասել ոչ թե «այգիներում», այլ «այգիների վրա», քանի որ առաջարկվում է տեղադրել վահանակներն անմիջապես վանդակաճաղերի վրա։Խթաններից մեկը կարող է լինել եվրոպական գինեգործության զարգացող միտումը, որտեղ կարգավորիչներն ուզում են զարգացնել թույլ և ոչ ալկոհոլային գինու շուկան: Ուռուցքաբանության դեմ պայքարի ծրագրի շրջանակում քննարկվում է ալկոհոլի շշերի վրա առողջության համար հնարավոր ռիսկերի մասին նախազգուշացում կիրառելու հնարավորությունը: Որքան քիչ արև ստանա խաղողը, այնքան քիչ շաքար է գոյանում դրա մեջ, և այնքան քիչ ալկոհոլ կլինի գինու մեջ:Գիտնականների նպատակն է հասկանալ, թե որքան արևի լույս է խաղողին անհրաժեշտ հասունանալու համար: Դա անելու համար խաղողի այգում՝ 0,5 հա տարածքում, վահանակները կտեղադրվեն տարբեր անկյուններով՝ առանցքի շուրջ պտտվելու հնարավորությամբ (դա կօգնի կարգավորել արևի լույսի ծավալը, որը կստանա խաղողի այգին): Հայ գիտնականները կարող են լինել առաջինը խաղողի գենետիկայի ուսումնասիրման գործումԳայզենհայմում փորձարկում են նաև մեկ այլ նորույթ՝ այլ փորձարարական տարածքներում արհեստականորեն բարձրացնում են CO2-ի մակարդակը մինչև 2050 թվականին ենթադրվող մակարդակը՝ հասկանալու համար, թե արդյո՞ք խաղողը կարող է հարմարվել դրան:Երկու փորձերն էլ նոր են, դրանք դեռ չեն ներդրվել գյուղատնտեսության մեջ նույնիսկ Գերմանիայում։ Գայզենհայմի պրոֆեսորը նշեց, որ CO2 համակարգը բավականին թանկ է ու բարդ և հազիվ թե հարմար լինի Հայաստանի համար, սակայն արևային պանելների տեղադրումն այնքան էլ դժվար բան չէ:Sputnik Արմենիայի հետ զրույցում Հայաստանի խաղողագործության և գինեգործության հիմնադրամի ղեկավար Զարուհի Մուրադյանը նշեց, որ հետազոտական աշխատանքն այսպես թե այնպես անհրաժեշտ է իրականացնել (խաղողագործությունն ու գինեգործությունը Հայաստանում զգում է դրա պակասը)։ Բայց եթե խոսենք գինիների թնդության մասին, ապա Հայաստանում արևը նպաստում է խաղողի բարձր շաքարայնությանը, ինչպես նաև ֆենոլային միացությունների զարգացմանը, որոնք խաղողի փունջը ավելի պայծառ ու ուժեղ են դարձնում։Նշենք, որ Գայզենհայմի համալսարանի հետ համագործակցությամբ Հայաստանի ազգային ագրարային համալսարանում անցկացվում է խաղողագործության և գինեգործության տեխնոլոգիաների 18-ամսյա վերապատրաստման դասընթաց:
գերմանիա
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
խաղող, հայաստան, գերմանիա, գիտնական, փորձարկում
խաղող, հայաստան, գերմանիա, գիտնական, փորձարկում
Գերմանացիներն ուզում են Հայաստանում խաղողի այգիների վրա արևային վահանակներ փորձարկել
Գերմանացի գիտնականներն ուզում են հասկանալ՝ ինչպես կարգավորումներ անել արևային վահանակների օգնությամբ, որքան արև է ստանում խաղողի այգին, ինչպես նաև՝ ինչպես են վահանակները պաշտպանում կարկուտից:
ԵՐԵՎԱՆ, 20 հուլիսի – Sputnik. Գերմանացի մասնագետները մտադիր են Հայաստանում փորձարկել խաղողի այգիներում արևային վահանակների աշխատանքը։ Տեղեկությունը Sputnik Արմենիային հայտնեց Գերմանիայի Գայզենհայմի համալսարանի գինու միջազգային մարքեթինգի պրոֆեսոր Յոն Հանֆը։
Այս դեպքում ավելի ճիշտ է ասել ոչ թե «այգիներում», այլ «այգիների վրա», քանի որ առաջարկվում է տեղադրել վահանակներն անմիջապես վանդակաճաղերի վրա։
Որքան էլ անսովոր հնչի, բայց, գերմանացի մասնագետների կարծիքով, երբեմն խաղողը կարող է ավելի շատ արև ստանալ, քան անհրաժեշտ է, ինչը կարող է վնասել դրան։ Բացի այդ, արևային վահանակները կարող են բնական արգելք հանդիսանալ կարկուտի դեմ:
Խթաններից մեկը կարող է լինել եվրոպական գինեգործության զարգացող միտումը, որտեղ կարգավորիչներն ուզում են զարգացնել թույլ և ոչ ալկոհոլային գինու շուկան: Ուռուցքաբանության դեմ պայքարի ծրագրի շրջանակում քննարկվում է ալկոհոլի շշերի վրա առողջության համար հնարավոր ռիսկերի մասին նախազգուշացում կիրառելու հնարավորությունը: Որքան քիչ արև ստանա խաղողը, այնքան քիչ շաքար է գոյանում դրա մեջ, և այնքան քիչ ալկոհոլ կլինի գինու մեջ:
Գիտնականների նպատակն է հասկանալ, թե որքան արևի լույս է խաղողին անհրաժեշտ հասունանալու համար: Դա անելու համար խաղողի այգում՝ 0,5 հա տարածքում, վահանակները կտեղադրվեն տարբեր անկյուններով՝ առանցքի շուրջ պտտվելու հնարավորությամբ (դա կօգնի կարգավորել արևի լույսի ծավալը, որը կստանա խաղողի այգին):
Գայզենհայմում փորձարկում են նաև մեկ այլ նորույթ՝ այլ փորձարարական տարածքներում արհեստականորեն բարձրացնում են CO2-ի մակարդակը մինչև 2050 թվականին ենթադրվող մակարդակը՝ հասկանալու համար, թե արդյո՞ք խաղողը կարող է հարմարվել դրան:
Երկու փորձերն էլ նոր են, դրանք դեռ չեն ներդրվել գյուղատնտեսության մեջ նույնիսկ Գերմանիայում։ Գայզենհայմի պրոֆեսորը նշեց, որ CO2 համակարգը բավականին թանկ է ու բարդ և հազիվ թե հարմար լինի Հայաստանի համար, սակայն արևային պանելների տեղադրումն այնքան էլ դժվար բան չէ:
«Այստեղ, ինչպես հայտնի է, արևը շատ է, ուստի փորձը կարելի է կրկնել Հայաստանում՝ հասկանալու համար, թե ինչպես այն կազդի խաղողի վրա», - ավելացրեց Հանֆը:
Sputnik Արմենիայի հետ զրույցում Հայաստանի խաղողագործության և գինեգործության հիմնադրամի ղեկավար Զարուհի Մուրադյանը նշեց, որ հետազոտական աշխատանքն այսպես թե այնպես անհրաժեշտ է իրականացնել (խաղողագործությունն ու գինեգործությունը Հայաստանում զգում է դրա պակասը)։ Բայց եթե խոսենք գինիների թնդության մասին, ապա Հայաստանում արևը նպաստում է խաղողի բարձր շաքարայնությանը, ինչպես նաև ֆենոլային միացությունների զարգացմանը, որոնք խաղողի փունջը ավելի պայծառ ու ուժեղ են դարձնում։
Նշենք, որ Գայզենհայմի համալսարանի հետ համագործակցությամբ Հայաստանի ազգային ագրարային համալսարանում անցկացվում է խաղողագործության և գինեգործության տեխնոլոգիաների 18-ամսյա վերապատրաստման դասընթաց:
