https://arm.sputniknews.ru/20230718/hajastany-chi-patrastvum-patzhamijvocneri-shrjancman-mijavajr-darnal-ararat-mirzvojan-63045660.html
Հայաստանը չի պատրաստվում պատժամիջոցների շրջանցման միջավայր դառնալ. Արարատ Միրզոյան
Հայաստանը չի պատրաստվում պատժամիջոցների շրջանցման միջավայր դառնալ. Արարատ Միրզոյան
Sputnik Արմենիա
ՀՀ արտգործնախարարը վստահեցրել է` Հայաստանը բաց և թափանցիկ է աշխատում։ 18.07.2023, Sputnik Արմենիա
2023-07-18T20:18+0400
2023-07-18T20:18+0400
2023-07-18T20:20+0400
հայաստան
արարատ միրզոյան
ռուսաստան
պատժամիջոցներ
https://cdn.am.sputniknews.ru/img/1759/84/17598463_0:81:1493:921_1920x0_80_0_0_6baed89841d596fce11c2aebc14541e3.jpg
ԵՐԵՎԱՆ, 18 հուլիսի – Sputnik. Հայաստանը չի պատրաստվում պատժամիջոցների շրջանցման միջավայր դառնալ։ Վիեննայում Ավստրիայի եվրոպական և արտաքին գործերի դաշնային նախարար Ալեքսանդր Շալենբերգի հետ հանդիպումից հետո այս հայտարարությունն է արել ՀՀ արտգործնախարար Արարատ Միրզոյանը` անդրադառնալով լրագրողի այն հարցադրմանը, թե արդյոք Հայաստանը չի շրջանցում ՌԴ–ի նկատմամբ ԵՄ պատժամիջոցները, և արդյոք չեն անհանգստացնում ՀՀ–ի նկատմամբ ԵՄ–ի կողմից հնարավոր պատժամիջոցները։Լրագրողը մեջբերել է «Financial times»-ի հրապարակումը, ըստ որի` Հայաստանից Ռուսաստան ավտոմեքենաների արտահանման ծավալները մեկ տարվա ընթացքում աճել են 225 անգամ։Նա վստահեցրել է, որ ՀՀ իշխանությունները աշխատում են բաց և թափանցիկ: Եթե կան խնդիրներ, դրանք արագորեն ի հայտ են բերվում, և դրանց պատշաճ լուծումներ են տրվում:Հիշեցնենք` ավելի վաղ ԵՄ-ի և ԱՄՆ-ի ներկայացուցիչները չէին բացառել, որ պատժամիջոցներ կարող են կիրառվել այն երկրների նկատմամբ, որոնք օգնում են Ռուսաստանին պատժամիջոցները շրջանցելու հարցում: Այս կապակցությամբ Հայաստանի բարձրաստիճան պաշտոնյաները (վարչապետ Նիկոլ Փաշինյան, էկոնոմիկայի նախարար Վահան Քերոբյան, Կենտրոնական բանկի նախագահ Մարտին Գալստյան) հայտարարել են, որ Հայաստանը հետևում է պատժամիջոցների ռեժիմին։Փաշինյանը մայիսի 22-ին լրագրողների հետ հանդիպմանն ասաց, որ Հայաստանի դաշնակից որևէ երկրի ձեռնտու չէ, որ ՀՀ–ն ընկնի պատժամիջոցների տակ։Քերոբյանն իր հերթին հայտարարեց, որ Հայաստանը որևէ կերպ չի փորձում օժանդակել ՌԴ–ին սանկցիաների շրջանցման հարցում։Հավելենք, որ ԱՄՆ ֆինանսների նախարարության արտասահմանյան ակտիվների վերահսկման բյուրոյի պատժամիջոցային ցանկում (Specially Designated Nationals List) Հայաստանում գրանցված երկու ընկերություն է ներառված` «Taco»–ն և «Milur Electronics»–ը։ Ցանկում ներկայացված տվյալների համաձայն` երկու ընկերություններն էլ զբաղվում են էլեկտրոնիկայի մեծածախ վաճառքով։
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, արարատ միրզոյան, ռուսաստան, պատժամիջոցներ
հայաստան, արարատ միրզոյան, ռուսաստան, պատժամիջոցներ
Հայաստանը չի պատրաստվում պատժամիջոցների շրջանցման միջավայր դառնալ. Արարատ Միրզոյան
20:18 18.07.2023 (Թարմացված է: 20:20 18.07.2023) ՀՀ արտգործնախարարը վստահեցրել է` Հայաստանը բաց և թափանցիկ է աշխատում։
ԵՐԵՎԱՆ, 18 հուլիսի – Sputnik. Հայաստանը չի պատրաստվում պատժամիջոցների շրջանցման միջավայր դառնալ։ Վիեննայում Ավստրիայի եվրոպական և արտաքին գործերի դաշնային նախարար Ալեքսանդր Շալենբերգի հետ հանդիպումից հետո այս հայտարարությունն է արել ՀՀ արտգործնախարար Արարատ Միրզոյանը` անդրադառնալով լրագրողի այն հարցադրմանը, թե արդյոք Հայաստանը չի շրջանցում ՌԴ–ի նկատմամբ ԵՄ պատժամիջոցները, և արդյոք չեն անհանգստացնում ՀՀ–ի նկատմամբ ԵՄ–ի կողմից հնարավոր պատժամիջոցները։
Լրագրողը մեջբերել է
«Financial times»-ի հրապարակումը, ըստ որի` Հայաստանից Ռուսաստան ավտոմեքենաների արտահանման ծավալները մեկ տարվա ընթացքում աճել են 225 անգամ։
«Անշուշտ, այս պատերազմն ազդեց (նկատի ունի ռուս–ուկրաինական հակամարտությունը. խմբ) նաև Հայաստանի տնտեսության վրա թե՛ դրական, թե՛ բացասական առումով։ Բայց քանի որ Դուք խոսում եք պատժամիջոցների մասին, ուզում եմ ևս մեկ անգամ հրապարակայնորեն և բարձրաձայն հավաստիացնել բոլոր նրանց, ովքեր հետաքրքրված են այս թեմայով, որ Հայաստանը չի պատրաստվում պատժամիջոցների շրջանցման միջավայր դառնալ։ Մենք շատ սերտորեն և թափանցիկ կերպով աշխատում ենք ոչ միայն ԵՄ համապատասխան մարմինների հետ, այլև ԱՄՆ-ի և բոլոր շահագրգիռ կողմերի հետ՝ վստահեցնելով, որ Հայաստանի կառավարությունը հաստատակամ է խուսափելու այնպիսի միջավայր ստեղծելուց, որտեղ կարող են շրջանցվել պատժամիջոցները»,– նշել է Արարատ Միրզոյանը։
Նա վստահեցրել է, որ ՀՀ իշխանությունները աշխատում են բաց և թափանցիկ: Եթե կան խնդիրներ, դրանք արագորեն ի հայտ են բերվում, և դրանց պատշաճ լուծումներ են տրվում:
Հիշեցնենք` ավելի վաղ ԵՄ-ի և ԱՄՆ-ի ներկայացուցիչները չէին բացառել, որ պատժամիջոցներ կարող են կիրառվել այն երկրների նկատմամբ, որոնք օգնում են Ռուսաստանին պատժամիջոցները շրջանցելու հարցում: Այս կապակցությամբ Հայաստանի բարձրաստիճան պաշտոնյաները (վարչապետ Նիկոլ Փաշինյան, էկոնոմիկայի նախարար Վահան Քերոբյան, Կենտրոնական բանկի նախագահ Մարտին Գալստյան) հայտարարել են, որ Հայաստանը հետևում է պատժամիջոցների ռեժիմին։
Փաշինյանը մայիսի 22-ին լրագրողների հետ հանդիպմանն ասաց, որ Հայաստանի դաշնակից որևէ երկրի ձեռնտու չէ, որ ՀՀ–ն ընկնի պատժամիջոցների տակ։
Քերոբյանն իր հերթին հայտարարեց, որ Հայաստանը որևէ կերպ չի փորձում օժանդակել ՌԴ–ին սանկցիաների շրջանցման հարցում։
Հավելենք, որ ԱՄՆ ֆինանսների նախարարության արտասահմանյան ակտիվների վերահսկման բյուրոյի պատժամիջոցային ցանկում (Specially Designated Nationals List) Հայաստանում գրանցված
երկու ընկերություն է ներառված` «Taco»–ն և «Milur Electronics»–ը։ Ցանկում ներկայացված տվյալների համաձայն` երկու ընկերություններն էլ զբաղվում են էլեկտրոնիկայի մեծածախ վաճառքով։
