https://arm.sputniknews.ru/20230715/inch-e-anhrazhesht-hajastanum-maqur-pghindz-dzulelu-hamar-parzabanum-e-zpmk-i-ghekavary-62783168.html
Ինչ է անհրաժեշտ Հայաստանում մաքուր պղինձ ձուլելու համար. պարզաբանում է ԶՊՄԿ-ի ղեկավարը
Ինչ է անհրաժեշտ Հայաստանում մաքուր պղինձ ձուլելու համար. պարզաբանում է ԶՊՄԿ-ի ղեկավարը
Sputnik Արմենիա
Այժմ Հայաստանում արտադրվում է միջինը 300-350 հազար տոննա պղնձի խտանյութ։ 15.07.2023, Sputnik Արմենիա
2023-07-15T10:27+0400
2023-07-15T10:27+0400
2023-07-15T10:56+0400
հայաստան
գեոպրոմայնինգ գոլդ
պղինձ
ռոման խուդոլի
https://cdn.am.sputniknews.ru/img/07e7/07/0f/62784980_0:129:1600:1029_1920x0_80_0_0_b30ec124ce8e1545dcab3f5ef1bd02fe.jpg
ԵՐԵՎԱՆ, 14 հուլիսի – Sputnik. Հայաստանում պղնձաձուլական գործարան կառուցելու համար պետք է տարեկան արդյունահանել հանքաքարի այնպիսի ծավալ, որը 100-150 հազար տոննա պղինձ կպարունակի։ Լրագրողների հետ զրույցում այս մասին ասաց «ԳեոՊրոմայնինգ» ընկերությունների խմբի նախագահ և Զանգեզուրի պղնձամոլիբդենային կոմբինատի գլխավոր տնօրեն Ռոման Խուդոլին Հանքագործի և մետալուրգի օրվա (ամեն տարի նշվում է հուլիսի երրորդ կիրակի օրը) և կոմբինատի 70-ամյակին նվիրված միջոցառման շրջանակում:Այժմ Հայաստանում արտադրվում է միջինը 300-350 հազար տոննա պղնձի խտանյութ (վերամշակված հանքաքար)։ Միջին հաշվով խտանյութում պղնձի պարունակությունը կազմում է 23-24%, ինչը վերահաշվարկով նշանակում է 75-85 հազար տոննա պղինձ։Այժմ Քաջարանի պղնձամոլիբդենային հանքում և դրա հանքաքարը վերամշակող Զանգեզուրի կոմբինատում ընդլայնվում են արտադրական ենթակառուցվածքները։ Հայաստանում պղինձ է արդյունահանվում ևս երեք հանքավայրից (Ագարակի պղնձամոլիբդենային կոմբինատ, Շահումյանի ոսկի-բազմամետաղային հանքավայր (Կապան քաղաքի մոտակայքում), Շամլուղի լեռնահարստացման կոմբինատ)։Անցյալ տարի ընկերությունը հանքի համար ձեռք է բերել լրացուցիչ 16 ինքնաթափ և մեծ հզորությամբ 5 էքսկավատոր, իսկ հարստացուցիչ ֆաբրիկայում (որտեղ հանքաքարը վերամշակվում է խտանյութի) նոր ջարդիչ բաժանմունք է շահագործման հանձնվել: Քննարկվում են նաև լրացուցիչ պոչամբարների հնարավորությունները։ Արտադրության էներգամատակարարումն ընդլայնելու համար կառուցվում է ենթակայան, ինչպես նաև 220 կիլովոլտ լարմամբ էլեկտրահաղորդման գիծ։Խուդոլին հիշեցրեց, որ պղնձաձուլարանի շինարարությունը նախնական տեխնիկատնտեսական հիմնավորման փուլում է։ Դրա համար միջազգային ընկերություն է ընտրվել։Կառավարությունն անհամբեր սպասում է ԶՊՄԿ-ի՝ մաքուր պղինձ ձուլելու ծրագրին․ ՔերոբյանՀիշեցնենք՝ 2021 թ․ աշնանը ԶՊՄԿ-ի գլխավոր բաժնետեր դարձավ ռուսական «ԳեոՊրոմայնինգ» ընկերությունների խումբը, որը Հայաստանում կառավարում է նաև Ագարակի պղնձամոլիբդենային և Սոթքի ոսկու հանքավայրը (վերջինս ժամանակավորապես չի գործում)։ Զանգեզուրի կոմբինատի մեծամասնական բաժնետեր դառնալուց հետո ընկերությունը, ի նշան կառավարության հետ ռազմավարական համագործակցության, վերջինիս փոխանցեց բաժնետոմսերի 15%-ը (2022-ի օգոստոսին մեկ այլ բաժնետեր AMP Holding-ը կառավարությանը փոխանցեց ընդհանուր բաժնետոմսերի ևս 6,875%-ը)։ Կոմբինատի նոր ղեկավարությունը սկսել է քննարկել Հայաստանում մաքուր պղնձի ձուլման ներդրումային ծրագիրը (որպեսզի արդյունահանվող պղինձը երկրից չարտահանվի հումքի ձևով, այլ երկրի ներսում դառնա վերջնական պրոդուկտ)։Կառավարությունը հանքարդյունաբերության ոլորտում միջազգային ստանդարտով ներդրումներ կապահովի
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, գեոպրոմայնինգ գոլդ, պղինձ, ռոման խուդոլի
հայաստան, գեոպրոմայնինգ գոլդ, պղինձ, ռոման խուդոլի
Ինչ է անհրաժեշտ Հայաստանում մաքուր պղինձ ձուլելու համար. պարզաբանում է ԶՊՄԿ-ի ղեկավարը
10:27 15.07.2023 (Թարմացված է: 10:56 15.07.2023) Այժմ Հայաստանում արտադրվում է միջինը 300-350 հազար տոննա պղնձի խտանյութ։
ԵՐԵՎԱՆ, 14 հուլիսի – Sputnik. Հայաստանում պղնձաձուլական գործարան կառուցելու համար պետք է տարեկան արդյունահանել հանքաքարի այնպիսի ծավալ, որը 100-150 հազար տոննա պղինձ կպարունակի։ Լրագրողների հետ զրույցում այս մասին ասաց «ԳեոՊրոմայնինգ» ընկերությունների խմբի նախագահ և Զանգեզուրի պղնձամոլիբդենային կոմբինատի գլխավոր տնօրեն Ռոման Խուդոլին Հանքագործի և մետալուրգի օրվա (ամեն տարի նշվում է հուլիսի երրորդ կիրակի օրը) և կոմբինատի 70-ամյակին նվիրված միջոցառման շրջանակում:
Այժմ Հայաստանում արտադրվում է միջինը 300-350 հազար տոննա պղնձի խտանյութ (վերամշակված հանքաքար)։ Միջին հաշվով խտանյութում պղնձի պարունակությունը կազմում է 23-24%, ինչը վերահաշվարկով նշանակում է 75-85 հազար տոննա պղինձ։
«Այդ պատճառով անհրաժեշտ է ընդլայնել արդյունահանումը Ագարակի պղնձամոլիբդենային կոմբինատում (որը նույնպես ընդգրկված է «ԳեոՊրոմայնինգի» կազմում) ու ոլորտի այլ ձեռնարկություններում», - նշեց Խուդոլին:
Այժմ Քաջարանի պղնձամոլիբդենային հանքում և դրա հանքաքարը վերամշակող Զանգեզուրի կոմբինատում ընդլայնվում են արտադրական ենթակառուցվածքները։ Հայաստանում պղինձ է արդյունահանվում ևս երեք հանքավայրից (Ագարակի պղնձամոլիբդենային կոմբինատ, Շահումյանի ոսկի-բազմամետաղային հանքավայր (Կապան քաղաքի մոտակայքում), Շամլուղի լեռնահարստացման կոմբինատ)։
Անցյալ տարի ընկերությունը հանքի համար ձեռք է բերել լրացուցիչ 16 ինքնաթափ և մեծ հզորությամբ 5 էքսկավատոր, իսկ հարստացուցիչ ֆաբրիկայում (որտեղ հանքաքարը վերամշակվում է խտանյութի) նոր ջարդիչ բաժանմունք է շահագործման հանձնվել: Քննարկվում են նաև լրացուցիչ պոչամբարների հնարավորությունները։ Արտադրության էներգամատակարարումն ընդլայնելու համար կառուցվում է ենթակայան, ինչպես նաև 220 կիլովոլտ լարմամբ էլեկտրահաղորդման գիծ։
Խուդոլին հիշեցրեց, որ պղնձաձուլարանի շինարարությունը նախնական տեխնիկատնտեսական հիմնավորման փուլում է։ Դրա համար միջազգային ընկերություն է ընտրվել։
Հիշեցնենք՝ 2021 թ․ աշնանը ԶՊՄԿ-ի գլխավոր բաժնետեր դարձավ ռուսական «ԳեոՊրոմայնինգ» ընկերությունների խումբը, որը Հայաստանում կառավարում է նաև Ագարակի պղնձամոլիբդենային և Սոթքի ոսկու հանքավայրը (վերջինս ժամանակավորապես չի գործում)։ Զանգեզուրի կոմբինատի մեծամասնական բաժնետեր դառնալուց հետո ընկերությունը, ի նշան կառավարության հետ ռազմավարական համագործակցության, վերջինիս փոխանցեց բաժնետոմսերի 15%-ը (2022-ի օգոստոսին մեկ այլ բաժնետեր AMP Holding-ը
կառավարությանը փոխանցեց ընդհանուր բաժնետոմսերի ևս 6,875%-ը)։ Կոմբինատի նոր ղեկավարությունը սկսել է քննարկել Հայաստանում մաքուր պղնձի ձուլման ներդրումային ծրագիրը (որպեսզի արդյունահանվող պղինձը երկրից չարտահանվի հումքի ձևով, այլ երկրի ներսում դառնա վերջնական պրոդուկտ)։
