Փոխվարչապետն ու ՅՈՒՆԻՍԵՖ–ի ներկայացուցիչը խոսել են արցախցի երեխաների ծանր վիճակի մասին
19:02 14.07.2023 (Թարմացված է: 19:03 14.07.2023)
© Photo : official site of the Government of RAՏիգրան Խաչատրյանն ընդունել է ՄԱԿ-ի մանկական հիմնադրամի (ՅՈՒՆԻՍԵՖ) ներկայացուցիչ Քրիստին Վայգանդին
![Տիգրան Խաչատրյանն ընդունել է ՄԱԿ-ի մանկական հիմնադրամի (ՅՈՒՆԻՍԵՖ) ներկայացուցիչ Քրիստին Վայգանդին Տիգրան Խաչատրյանն ընդունել է ՄԱԿ-ի մանկական հիմնադրամի (ՅՈՒՆԻՍԵՖ) ներկայացուցիչ Քրիստին Վայգանդին - Sputnik Արմենիա, 1920, 14.07.2023](https://cdn.am.sputniknews.ru/img/07e7/07/0e/62757909_0:0:701:395_1920x0_80_0_0_f2fbb8c52c35735b2b5a042828bc3f04.jpg)
Տիգրան Խաչատրյանն ընդունել է ՄԱԿ-ի մանկական հիմնադրամի (ՅՈՒՆԻՍԵՖ) ներկայացուցիչ Քրիստին Վայգանդին
© Photo : official site of the Government of RA
Բաժանորդագրվել
Զրուցակիցները մտքեր են փոխանակել նաև երեխաների իրավունքներին առնչվող ընթացող օրենսդրական նախաձեռնությունների վերաբերյալ։
ԵՐԵՎԱՆ, 14 հուլիսի - Sputnik. Փոխվարչապետ Տիգրան Խաչատրյանը ՄԱԿ-ի մանկական հիմնադրամի (ՅՈՒՆԻՍԵՖ) ներկայացուցիչ Քրիստին Վայգանդին է ներկայացրել Ադրբեջանի կողմից Լեռնային Ղարաբաղի շարունակվող շրջափակման արդյունքում այնտեղ ապրող շուրջ 30,000 երեխաների համար ստեղծված ծանրագույն հետեւանքները։ Այս մասին հայտնում է ՀՀ կառավարության մամուլի ծառայությունը։
Փոխվարչապետն ընդգծել է կազմակերպության՝ Լեռային Ղարաբաղում առավել գործուն ներգրավվածության ունենալու կարևորությունը՝ իր մանդատին և առաքելությանը համապատասխան բոլոր երեխաների իրավունքները պաշտպանելու և առավել խոցելի իրավիճակում հայտնված երեխաների համար հատուկ պաշտպանություն ապահովելու նպատակով:
«Անդրադառնալով կրթական միջավայրի շարունակական բարելավման անհրաժեշտությանը՝ փոխվարչապետը ներկայացրել է նախադպրոցական եւ դպրոցական հաստատությունների կառուցման և հիմնանորոգման, ինչպես նաև գործող կրթական հաստատությունների վերազինման ընթացիկ և նախատեսվող աշխատանքները՝ կարևորելով Հիմնադրամի հետ համագործակցությունը կրթական ծառայությունների որակի շարունակական բարելավման ուղղությամբ»,– ասված է հաղորդագրությունում:
Զրուցակիցները մտքեր են փոխանակել նաև երեխաների իրավունքներին առնչվող ներկայումս ընթացող օրենսդրական նախաձեռնությունների վերաբերյալ՝ ընդգծելով դրանց մշակման աշխատանքներում ձևավորված համագործակցության կարևորությունը։
Քրիստինե Վայգանդն իր հերթին բարձր է գնահատել ՀՀ կառավարության հետ երեխաների իրավունքների ամրապնդմանը միտված արդյունավետ համագործակցությունը՝ վստահություն հայտնելով դրա շարունակականության վերաբերյալ:
© Photo : official site of the Government of RAՏիգրան Խաչատրյանն ընդունել է ՄԱԿ-ի մանկական հիմնադրամի (ՅՈՒՆԻՍԵՖ) ներկայացուցիչ Քրիստին Վայգանդին
![Вице-премьер Тигран Хачатрян принял представителя детского фонда ООН (ЮНИСЕФ) в Армении Кристин Вайганд (14 июля 2023). Еревaн Вице-премьер Тигран Хачатрян принял представителя детского фонда ООН (ЮНИСЕФ) в Армении Кристин Вайганд (14 июля 2023). Еревaн - Sputnik Արմենիա, 1920, 14.07.2023](https://cdn.am.sputniknews.ru/img/07e7/07/0e/62757930_0:0:700:467_1920x0_80_0_0_f40c145711a1ca5bdebf846e4a2d7ade.jpg)
Տիգրան Խաչատրյանն ընդունել է ՄԱԿ-ի մանկական հիմնադրամի (ՅՈՒՆԻՍԵՖ) ներկայացուցիչ Քրիստին Վայգանդին
© Photo : official site of the Government of RA