https://arm.sputniknews.ru/20230712/khndiry-miajn-artvonagiry-che-zenqi-masin-orenqy-tekhnikapes-teri-e-62546561.html
Խնդիրը միայն արտոնագիրը չէ. «Զենքի մասին» օրենքը տեխնիկապես թերի է
Խնդիրը միայն արտոնագիրը չէ. «Զենքի մասին» օրենքը տեխնիկապես թերի է
Sputnik Արմենիա
Հայաստանի իշխանությունները փոփոխություններ են կատարել օրենքում՝ փորձելով հեշտացնել ակոսափող զենքի ձեռքբերումը, սակայն բացթողումներ կան կարևոր տեխնիկական... 12.07.2023, Sputnik Արմենիա
2023-07-12T23:25+0400
2023-07-12T23:25+0400
2023-07-12T23:25+0400
հրազեն
օրենք
հայաստան
https://cdn.am.sputniknews.ru/img/1033/71/10337157_0:122:1600:1022_1920x0_80_0_0_c336af86d344f1a4bacbb9e1e0dcb244.jpg
ԵՐԵՎԱՆ, 12 հուլիսի - Sputnik. «Զենքի մասին» օրենքում ուժի մեջ մտած փոփոխությունները տեխնիկապես թերի են, իսկ նախագիծը ճշգրտման կարիք ունի, կարծում են Sputnik Արմենիայի զրուցակիցները։Անվտանգության և ռազմամարզական ոլորտի ներկայացուցիչների միավորման անդամ Գարեգին Միսկարյանը ուշադրություն հրավիրեց այն հանգամանքին, որ հունիսի 1-ից ուժի մեջ մտած փոփոխությունները ենթադրում էին, որ առաջին անգամ զենք ձեռք բերող քաղաքացին պետք է քննություն հանձնի օգտագործման և անվտանգության կանոնների վերաբերյալ:Սակայն դա տեղի չունեցավ, և քաղաքացիները փաստացի զրկվեցին քննություններ հանձնելու և առաջին զենքը ձեռք բերելու հնարավորությունից։ Խնդրին ուշադրություն հրավիրելու համար միությունը սոցցանցերում ֆլեշմոբ է նախաձեռնել՝ առաջարկելով ընդունել «Ռազմամարզական կազմակերպությունների մասին» օրենքը կամ այդ գործառույթները ժամանակավորապես փոխանցել ՆԳՆ-ին։ Միայն դրանից հետո կառավարությունն արձագանքեց՝ նոր փոփոխություններ մտցնելով թարմացված օրենքում (որոնք ԱԺ-ում դեռ հաստատված չեն- խմբ․)։ Ռազմամարզական կազմակերպությունների փոխարեն քննությունների անցկացմամբ կզբաղվի ՆԳՆ-ն։Իսկ ընդհանուր առմամբ, Միսկարյանի խոսքով, օրենքում կատարված փոփոխությունները բարդացրել են հարթափող զենքի (առաջին հերթին՝ որսորդական հրացանի) ձեռքբերումը, քանի որ քննություններն ու պահանջներն ավելի խիստ են դարձել: Մյուս կողմից՝ պարզեցվել է ակոսափող զենքի ձեռքբերման ընթացակարգը։ Զենքի կրումը Հայաստանում ոչ թե ազատականացվում է, այլ խստացվում. նախագծի հեղինակԶենքի ներկրմամբ և վաճառքով զբաղվող ընկերություններից մեկի ներկայացուցիչը անանուն մնալու պայմանով Sputnik Արմենիային հայտնեց, որ վերջին շրջանում հայ-ադրբեջանական սահմանին տիրող իրավիճակի ֆոնին զենք ձեռք բերել ցանկացող քաղաքացիների թիվն ավելացել է։ Ուստի շատերն էին սպասում այդ օրենքի ընդունմանը, քանի որ այն թույլ է տալիս ակոսափող զենք ձեռք բերել առանց որսորդական հրացանի տիրապետման 5 տարվա փորձի (այդպիսի նորմ կար նախկին օրենքում- խմբ․)։Չնայած այս դրական կողմերին, օրենքն ընդունվեց թերմշակված տեսքով։ Եվ խոսքը ոչ միայն քննություններ հանձնելու, այլև, օրինակ, հրաձգարանների տեղակայման մասին է։Միևնույն ժամանակ նա գոհունակություն հայտնեց, որ քաղաքացիներին արտոնագրերի տրամադրումը վերահսկելու է պետությունը՝ ի դեմս ՆԳՆ-ի, քանի որ ռազմամարզական հաստատությունների կողմից նրանց տրամադրումը հղի է կոռուպցիոն և այլ ռիսկերով:Հիշեցնենք, որ փոփոխությունների նպատակն է էապես թեթևացնել հրազենի ձեռքբերման և օգտագործման կանոնները: Մասնավորապես, զենք ձեռք բերելու համար քաղաքացիների նվազագույն տարիքը կկազմի 21 տարի, չեղարկվում է ակոսափող զենք ձեռք բերելու համար անհրաժեշտ 5 տարվա փորձի պարտադիր պահանջը։
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հրազեն, օրենք, հայաստան
Խնդիրը միայն արտոնագիրը չէ. «Զենքի մասին» օրենքը տեխնիկապես թերի է
Հայաստանի իշխանությունները փոփոխություններ են կատարել օրենքում՝ փորձելով հեշտացնել ակոսափող զենքի ձեռքբերումը, սակայն բացթողումներ կան կարևոր տեխնիկական մանրամասների հարցում:
ԵՐԵՎԱՆ, 12 հուլիսի - Sputnik. «Զենքի մասին» օրենքում ուժի մեջ մտած փոփոխությունները տեխնիկապես թերի են, իսկ նախագիծը ճշգրտման կարիք ունի, կարծում են
Sputnik Արմենիայի զրուցակիցները։
Անվտանգության և ռազմամարզական ոլորտի ներկայացուցիչների միավորման անդամ Գարեգին Միսկարյանը ուշադրություն հրավիրեց այն հանգամանքին, որ հունիսի 1-ից ուժի մեջ մտած փոփոխությունները ենթադրում էին, որ առաջին անգամ զենք ձեռք բերող քաղաքացին պետք է քննություն հանձնի օգտագործման և անվտանգության կանոնների վերաբերյալ:
«Քննություններն ընդունող մարմինը պետք է լիներ լիցենզավորված հասարակական ռազմամարզական կազմակերպություններից մեկը։ Նախատեսվում էր, որ մինչև այս օրենքի ուժի մեջ մտնելը նման կազմակերպությունների գործունեությունը օրենսդրորեն կկարգավորվի, կհաստատվի դրանց լիցենզավորման մեխանիզմն ու ընթացակարգը»,-ասաց Միսկարյանը։
Սակայն դա տեղի չունեցավ, և քաղաքացիները փաստացի զրկվեցին քննություններ հանձնելու և առաջին զենքը ձեռք բերելու հնարավորությունից։ Խնդրին ուշադրություն հրավիրելու համար միությունը սոցցանցերում ֆլեշմոբ է նախաձեռնել՝ առաջարկելով ընդունել «Ռազմամարզական կազմակերպությունների մասին» օրենքը կամ այդ գործառույթները ժամանակավորապես փոխանցել ՆԳՆ-ին։ Միայն դրանից հետո կառավարությունն արձագանքեց՝ նոր փոփոխություններ մտցնելով թարմացված օրենքում (որոնք ԱԺ-ում դեռ հաստատված չեն- խմբ․)։ Ռազմամարզական կազմակերպությունների փոխարեն քննությունների անցկացմամբ կզբաղվի ՆԳՆ-ն։
Իսկ ընդհանուր առմամբ, Միսկարյանի խոսքով, օրենքում կատարված փոփոխությունները բարդացրել են հարթափող զենքի (առաջին հերթին՝ որսորդական հրացանի) ձեռքբերումը, քանի որ քննություններն ու պահանջներն ավելի խիստ են դարձել: Մյուս կողմից՝ պարզեցվել է ակոսափող զենքի ձեռքբերման ընթացակարգը։
Զենքի ներկրմամբ և վաճառքով զբաղվող ընկերություններից մեկի ներկայացուցիչը անանուն մնալու պայմանով
Sputnik Արմենիային հայտնեց, որ վերջին շրջանում հայ-ադրբեջանական սահմանին տիրող իրավիճակի ֆոնին զենք ձեռք բերել ցանկացող քաղաքացիների թիվն ավելացել է։ Ուստի շատերն էին սպասում այդ օրենքի ընդունմանը, քանի որ այն թույլ է տալիս ակոսափող զենք ձեռք բերել առանց որսորդական հրացանի տիրապետման 5 տարվա փորձի (այդպիսի նորմ կար նախկին օրենքում- խմբ․)։
Չնայած այս դրական կողմերին, օրենքն ընդունվեց թերմշակված տեսքով։ Եվ խոսքը ոչ միայն քննություններ հանձնելու, այլև, օրինակ, հրաձգարանների տեղակայման մասին է։
«Օրենքում ասվում է, որ կարելի է կրակել բնակելի, հասարակական և այլ շենքերից 3000 մ հեռու գտնվող կրակային գծից։ Բայց օրենքը չի պարզաբանում՝ խոսքը կրակի ուղղությա՞ն մասին է, թե՞ կրակակետի շուրջ 360 աստիճան տարածքի մասին։ Այսինքն՝ կան կետեր, որոնք պարզաբանված չեն և տարընթերցումների ու չարաշահումների տեղիք են տալիս»,-նշեց մեր զրուցակիցը։
Միևնույն ժամանակ նա գոհունակություն հայտնեց, որ քաղաքացիներին արտոնագրերի տրամադրումը վերահսկելու է պետությունը՝ ի դեմս ՆԳՆ-ի, քանի որ ռազմամարզական հաստատությունների կողմից նրանց տրամադրումը հղի է կոռուպցիոն և այլ ռիսկերով:
Հիշեցնենք, որ փոփոխությունների նպատակն է էապես թեթևացնել հրազենի ձեռքբերման և օգտագործման կանոնները: Մասնավորապես, զենք ձեռք բերելու համար քաղաքացիների նվազագույն տարիքը կկազմի 21 տարի, չեղարկվում է ակոսափող զենք ձեռք բերելու համար անհրաժեշտ 5 տարվա փորձի պարտադիր պահանջը։
