ՀՀ ՆԳ նախարարը և փաստաբանները համատեղ հայտարարություն են ընդունել
ՀՀ ՆԳ նախարարը և փաստաբանները համատեղ հայտարարություն են ընդունել
© Sona Barseghyan
Բաժանորդագրվել
Կողմերը կարևորել են փաստաբանության և ոստիկանության ինստիտուտների դերակատարումը Հայաստանի իրավական համակարգում։
ԵՐԵՎԱՆ, 11 հուլիսի - Sputnik. ՀՀ ներքին գործերի նախարար Վահե Ղազարյանն ընդունել է ՀՀ փաստաբանների պալատի նախագահ Սիմոն Բաբայանին, Հանրային պաշտպանի գրասենյակի ղեկավար Գևորգ Մկրտչյանին և ՀՀ փաստաբանական ակադեմիայի ռեկտոր Արա Զոհրաբյանին։ Հանդիպման ավարտին ընդունվել է համատեղ հայտարարություն, տեղեկությունը հայտնում է ՆԳՆ մամուլի ծառայությունը։
ՀՀ ՆԳ նախարարը և փաստաբանները համատեղ հայտարարություն են ընդունել
© Sona Barseghyan
Հայտնել ենք, որ ՀՀ փաստաբանները եռօրյա գործադուլ են սկսել։ Նրանք բողոքում են ոստիկանության բաժնում վերջին ամիսների ընթացքում տեղի ունեցած բռնության դեպքերի դեմ։
Մասնավորապես ՀՀ Ներքին գործերի նախարարությունը և ՀՀ փաստաբանների պալատը, քննարկելով Ոստիկանության Երևան քաղաքի Էրեբունու և Կենտրոնական բաժիններում 2023 թ. փետրվարին և հունիսին արձանագրված ոստիկանների և փաստաբանների հետ կապված միջադեպերը, հայտարարում են՝
1.
Կողմերը կարևորում են փաստաբանության և ոստիկանության ինստիտուտների դերակատարումը Հայաստանի իրավական համակարգում։2.
Կողմերը անընդունելի են համարում բռնությունների ցանկացած դրսևորում։3.
Ներքին գործերի նախարարությունը ծառայողական քննությունների արդյունքներով իր գնահատականը տվել է Էրեբունու բաժնում տեղի ունեցած միջադեպին, իսկ Կենտրոնական բաժնում տեղի ունեցած միջադեպը գտնվում է ծառայողական քննության ընթացքում։4.
Ներքին գործերի նախարարությունը հավաստիացնում է, որ միջադեպերին ներգրավված ոստիկանության ծառայողների արարքներին կտրվի պատշաճ իրավական գնահատական՝ ապահովելով բազմակողմանի, լրիվ և օբյեկտիվ ուսումնասիրություն։Ավելի վաղ հայտնել էինք, որ ներքին գործերի նախարարությունը և Փաստաբանների պալատը կստեղծեն ոստիկանության ծառայողներից և փաստաբաններից կազմված հանձնախումբ՝ նման իրավիճակներում օպերատիվ արձագանքելու համար։
Ներքին գործերի նախարարությունը և Փաստաբանների պալատը մոտ օրերս կստորագրեն համագործակցության հուշագիր:
ՀՀ ՆԳ նախարարը և փաստաբանները համատեղ հայտարարություն են ընդունել
© Sona Barseghyan
Ինչ վերաբերում է եռօրյա գործադուլին, փաստաբան Արա Զոհրաբյանը հայտնել էր, որ երեկոյան փաստաբանները կքննարկեն այդ հարցը և կորոշեն իրենց հետագա անելիքները։
Նշենք, որ փաստաբանների ակցիաները մեկնարկեցին հունիսի 7-ին տեղի ունեցած դեպքից հետո, երբ ոստիկանները բռնություն էին կիրառել և ձերբակալել փաստաբան Կարեն Ալավերդյանին` ամբաստանյալին ծեծից պաշտպանելու փորձի ժամանակ։ Սա փաստաբանների նկատմամբ բռնություն կիրառելու առաջին դեպքը չէ։
Նախորդ անգամ էլ ոստիկանության Էրեբունու բաժնում առերես հարցաքննության ժամանակ փաստաբանական պալատի երկու փաստաբաններին ոստիկանները նախ հայհոյել, այնուհետև ծեծի էին ենթարկել։
